Eremyas 48:36 - Fanawbuid tagsibaliwas Fakayabian

³⁶ Nu katanya, maksvn nu gwayway au sa ku amatanganan laman sa sangay taw Muab ay sa sangay taw Kir-Kareset, kata at mabaluanan fag awang laman sat kinbul. Ay nalyam wan at ngay ramraman.

Eremyas 48:36 ပူးပေါင်းရင်းမြစ်များ

2 Fun 3:25

Narasras wan at ngay furuan, ay naukas ngay gang sas fagayu gamasun at masine yakmay nagangun. Natabun wan at ngay bulbug, ay nafuan wan at masine fag ngay fun kayu. Ay furuan Kir-Kareset way lang at sawad, dewa katanya, ngay mangama at ke buba aruranggut naligung kafag furuan ay kanya fagayu nafawayan.

Fangatulun 11:4

Ramraman wa mafagubuk nu si wa sfanginsafulan fag menit, dewa katanya, at matuyan fag ugali, mafalangfe emu siginans fakabulun.

Fangatulun 13:22

At matuyan fag taw gfagbilug ban at ramraman sat ngay fufu, dewa katanya, at mauri fag taw at ramraman, umfon sat matuyan fag ngay taw.

Fangatulun 18:11

At maramraman fag taw at fagsegun at ramraman ban mafagubuk anya, kata sik maksvn fag alad nu maligung furuan.

Isayas 15:5

Anbalu au at kinfasludan sas Muab. Fagayu at nalagyu andasug sas Suar ay sas Eglat-Selisya. Fagayu taw gwayway kaduge gundaud sas Luit. Ay tibak taw maksvn nu gwayway gina glao sas Kurunaim, aroro at kinfasludan sa anya.

Isayas 15:7

Ay nu katanya, nafalin wan sas dife Liskung Arabim at nalufuyan fag ngay ramraman.

Isayas 16:11

Nu katanya, kabalu au at kindasug sas Muab kata sik fagfawangun ke ngay bakyang at mabalu fag awang. Ay kabalu kyangay at kindasug sas Kir-Kareset.

Isayas 63:15

Damai emi siginans banwa, am fagbanwanan at yud e malong ay at masine. Wain am fagyudun ggubuk ya emi, ay am fagyudun gfasure ya am fagmabalyananun sa emi? Wo kesug ya ay kafanyu emi.

Eremyas 17:11

Sik taw at kinramraman siginan at yud masine fag balyawvtan kata way sik fanginan taglub sit yud sadili iklug. Ay gina ban swabilug at leleg, at ramraman ban umkalyam wan, ay umtuyan te, sik yud way e fagsafulun.”

Eremyas 4:19

“Kwa magwanta ya gamatangan ku ngay fagidapun at kaksvnan nu maidap. Ku dubdub gsubsubuan ay kwa kagwanta ya. Aroro nadungug au sik budyung at awang ay sik uro siginans fagawayanan.

Eremyas 48:31

Nu katanya, gwayway au laman sa sangay taw Muab ay sa sangay taw Kir-Kareset.