Eremyas 48:28 - Fanawbuid tagsibaliwas Fakayabian

²⁸ Loi wan siginan ay furuan ay namanwan am sa tagagangun fag talun, kata ngay alfasang nu gfugad sa sangay luib si tangabat fag fungsu.

Eremyas 48:28 ပူးပေါင်းရင်းမြစ်များ

Fakasigadan 8:12

Ay Nui nafalangfe yay fitu ya gayvd kmenit, ay sanya ginan nafalfas yay gayvd labikung, ay wa nfoli ya.

Sulumun at Alubad 2:14

Kata o sik labikung gsuksuan sis baltak gang. Falagi sa angku am kamatan at masine, ay fadungugi yangay sa angku am aringang at maluayan.

Isayas 2:19

Ay ginanya ban, Yawi gfalag at dotama ay at fagmabalyananun siginan nu guig fagdaul daga, ay ngay taw ban lumagyu nansuksuan sa sangay alian ay sa sangay daga luib sa sangay fungsu.

Eremyas 48:9

Muab nangus e fakfak tua laman ro kanya glayug wan kayayu, aroro at ngay furuan we fanambagun ya ay we gbanwan ya.

Eremyas 49:16

Gfaseg wayam ay ngay sadili, siginan nu kamatungudun am glong te, we mababo ayu aroro gbanwan am sis wa gang tagsis tungud fungsu. Dewa ban am kata sik bio tangabat nu glayug, ay dewa ban am nawat ay fagbanwanan kabat bio at fagfugadan, gfatong kway ban ayu. Au, Yawi, taglong tuy.”

Eremyas 49:8

“Am, fag ngay taw Dedan, lagyui ay nanuksuan am sa sangay luib. Aroro gfadasug kban faurianan sas Isaw at kasugfunanan gina kban gfaurianan anya fagayu.

Tagfangguna 6:2

Ay kafag ngay taw Midyan maksvn nu gfaurianan ngay taw Israel, nu katanya, taw Israel nalagyu ay nanuksuan sa sangay buksul, ay sa sangay luib, ay sa tiba yak fagsuksuanan at masariu.

1 Samwel 13:6

Ngay taw Israel nu nasaful te, gababawan way ro, kanya fagayu nananuksuan sa sangay luib ay sas wa sigbo ay sas wa gang ay sa sangay alian ay sa sangay fagfungsuan mamam.