Eremyas 48:26 - Fanawbuid tagsibaliwas Fakayabian

²⁶ Falangui wan Muab aroro kanya natalyuyan angku. Ay kanya gtaygilidan sit sadili fangkok ay e gfalingun anya.

Eremyas 48:26 ပူးပေါင်းရင်းမြစ်များ

Ub 15:25

Anud anfasludan sa anya takatanya, aroro kanya nafawayan ay nafamabo at mabalyanan fag Dius.

Ub 9:4

Dius e fagsafulun ay e fagmabalyananun. Sinu yaro at mafawayan ay siwa anya fagmababoun?

Alubad. 2:4

Dewa katanya, Fun Dius at malunggung sis banwa kase gfalingun kafag ngay taw at ngay algan.

Alubad. 59:8

Yawi, dewa katanya kase way o ay gfalingun tibak talun at ngay taw yud gafanud sa emu.

Alubad. 60:3

Maksvn wan nu gfaidapan o emi, granranugan ami kata nu nalanguan ami.

Alubad. 75:8

Yawi gbitbitan sik taya mapnu fanlangu at maksvn nu malangu at famasaful te, kadotama. Ay kanya gfainum sa sangay taw mauri, ay glong te, “Famini yakmay am anfaurianan.”

Nu Galin 5:2

Ay Igiptu at fun nalong sas Muisis te, “Sinu nunda Yawi? Ay wain ro ku fagdunguganun anya laman ro ngay taw Israel glao? Kwa toglag Yawi, ay kwa gfalao ngay taw Israel ste ginan.”

Nu Galin 9:17

Dewa katanya, nafamatungudun o sa ku ngay taw ay wo naylat kanya fagayu nu glao.

Isayas 10:15

Ay wain? O sik wase ay sik lagari e fagmabalyananun gtungud tagbilug? Ay o sik famalang maurug way tagbitbitan anya?

Isayas 19:14

Yawi nafasagsagan kafag ngay tagfangguna at famalun, laman wa matuyan fagayu taw Igiptu at fakamulun, kata sik tagalangu ginranugan glao sat nafangkokan.

Isayas 28:8

Ay sit ngay fagfangonan mapnu wa fangkok ay we afud ya masine.

Isayas 29:9

Am fag ngay taw Uda, katai yud e nasafulan. Katai yud glag. Alangui ay ranranugani, bunwa aroro nainum am fanlangu.

Isayas 51:17

Furuan Erusalem, afuloi wan! Yawi at dotama kata sik fanlangu am nafamin, ay granranugan o.

Isayas 63:6

Ay aroro kadotama au, nasiad kwan ngay talun at taw, ay nafaranranugan au anya fagayu kata sik ngay tagalangu. Ay naugwag kwan sas daga at ngay taguk.”

Eremyas 48:39

Maksvn wan Muab nu marasrasan! Dungugani at ngay tagbanwan nu gwayway. Maksvn wan Muab nu mapla. Tibak talun tagsit ligung maksvn nu gfalingun ay nu kauri anya.”

Eremyas 48:42

Talun Muab karasras wan aroro natalyuyan Yawi.

Eremyas 50:29

“Fauroi ngay tagsaful gagbilug godun laman namawayan talun Babilunya! Nanligung am kafag furuan laman we malagyu ya. Namasud wam fia anya fagayu sat nafakamulun mauri. Namakamulun am kata at nafakamulun sat iba aroro nafawayan Yawi, Israel at Dius at yud e Malong.

Eremyas 51:39

Ay aroro kanya fagayu kalunus, namalganan au sik fagmafulun laman sa anya fagayu. Namalangu au anya fagayu laman guseganan, ay kanya ban fagayu ngabasad nu gtiug ay wa kafulo ya fagngabak buknga.

Eremyas 51:57

Namalangu kban at ngay tagfangguna, at ke fagsafulun, ay at ngay fun, ngay fun tagfawayan ay fagayu at ngay tagfawayan. Kanya ban fagayu ngabasad nu gtiug ay wa kafulo ya fagngabak buknga. Au, ay Fun, Yawi at Mabalyanan, taglong tuy.”

Eremyas 51:7

Kanya umkata sik taya mawatan siginans gintu tagsi ku daluap mapnu at malangu fag mamam. Kanya nafainum at malangu fag mamam sa sangay talun sas fagdaul daga, ay kanya fagayu nalangu ay anranug.

Takabalu 1:21

Ngay taw nadungug oma nu gfandeng au, ay dewa katanya, we nafasun angku. Ku ngay fawayan nadungug nu gfaidapan o angku, ay kanya fagayu guseganan way. Yawi, faurianani wan anya fagayu laman umke fagidapun yangay kata angku.

Takabalu 3:15

Yawi nafadasug sa angku at maksvn fag fagidapun.

Takabalu 4:21

Am fag ngay taw Edum tagbanwan sis Us, katsi useganani ay fanagsagi, aroro Yawi namaurianan yangay ban ayu. Umfaurianan yangay ban am ay umke fakaplaun.

Daniel 11:36

“Tagsi bans fawalan baliwa fag fun namakamulun at fakaylatun. Nu gdama at sadili gtungud tua ngay dius, ay gfalingun Dius tagtungud sas fagayu dius. Kanya ban gbabo yakmay Dius nafasure at dotama, laman umfasludan tua ban nusnge wain Dius at algan takafasludan.

Daniel 5:23

abat ngate, nalong way o te, gtungud tuo tagsis banwa fag Fun. Nasugu o laman namul ngay taya tagsis Yawi at bale, ay nainum am fanlangu sanya ginan, o, ay am takadungug fag ngay taw, am ngay mangena, ay tiba ya am ngay mangena fag ngay fagsuguan. Saman kanya, naseg o tibak fagsegan at mawatan sanbung salapi, gintu, tansu, sanbung, kayu ay gang. Kafag ngay fagsegan wa glag, ay wa gdungug, ay we fagsafulun. Dewa katanya, wo nafauseganan Dius tagbakvd am leleg ay am ngay fakamulun.

Daniel 8:10

Ay ankaksvn yay at fagmabalyananun ay andasug sas kiwang, ay kanya nafatong tibak awatan tagsis banwa ay anggan ngay galeme, ay kanya nasiad at nafatong fag ngay awatan.

Naum 3:11

Taw Ninibe umkata am sik ngay tagalangu at yud saful at kindasug. Ay ngay fawayan kadasug laman namawayan ayu. Nu katanya, nanrvbvy am ay ngay fagnanuksuanan laman diam gagamatan.

Abakuk 2:16

Nu katanya, am man ban takapla, aroro Yawi gfaurianan yangay ban ayu. Ay gfainum yangay ayu sit taya at fandotaman laman nu nalangu am, kalag nu malulasan am, ay umke fakaplaun am.

2 Tesalunika 2:4

Kanya ban kamatungudun sas fagayu fagsegan, ay gsakbo sas Dius at bale ay malunggung sanya ay gfoyung te, “Au wan Dius.”

At Nafasure 16:19

Ay arodi, Babilunya fag furuan ankafud tulu. Ay ngay furuan sas fagdaul daga anrasras wan, ay Dius namatang at mabalyanan fag furuan daul Babilunya ay nafainum kafag taya at bilug, kanya Dius at fandotaman at maksvn fag faurianan.