Eremyas 48:15 - Fanawbuid tagsibaliwas Fakayabian

¹⁵ Dewa katanya, talun Muab ban karasras wan anggan at fagagbilugun fag ngay furuan. Ay e gfabul ban at ngay baguama at maseganama. Au, Yawi at Mabalyanan, taglong tuy.

Eremyas 48:15 ပူးပေါင်းရင်းမြစ်များ

Alubad. 47:2

Yawi wan Tiba Tungud fag Dius, ay kanya sik fagsuyuun, ay sia wan fagdaul daga at Fun at mabalyanan.

Eremyas 46:18

Au Yawi at Mabalyanan ay Fun, gfatuyanan au te, kafanud nu gleleg au, e namabo ban talun Igiptu amabitsug yap tua tibak fawayan, kata Buksul Tabur tagsis wabilug ngay buksul, ay buksul Karmel tagsis tigyangan dagat.

Eremyas 48:4

Talun Muab ban karasras wan ay fagayu at ngay sisian gwaywayan wan.

Eremyas 50:27

Fabuli wan fagayu at tagfawayan kata nu gfabul ngay tumad baka. Fabuli wan kanya fagayu. Afanyuan kanya fagayu aroro buknga wan nu gfaurianan au anya fagayu.

Eremyas 50:34

Au wan Yawi at Mabalyanan kanya fagayu at tagfalangfe. Ggubuk au anya ay gfae fagmanabayanun, dewa katanya, namaurianan kban tagbanwan sis talun Babilunya.

Eremyas 51:40

Namuba au anya fagayu laman namabul kata sik ngay tupa ay ngay kambing.

Eremyas 51:57

Namalangu kban at ngay tagfangguna, at ke fagsafulun, ay at ngay fun, ngay fun tagfawayan ay fagayu at ngay tagfawayan. Kanya ban fagayu ngabasad nu gtiug ay wa kafulo ya fagngabak buknga. Au, ay Fun, Yawi at Mabalyanan, taglong tuy.”

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Amus 4:10

Ay nafadasug kyangay sa ayu sik ngay faurianan kata ebi ku nafadasug sas talun Igiptu. Nafabul kwan ay ngay baguama sas awayan, ay ay ngay fawayan nagbilug wan ay ngay kabayu. Ay nafaidapan kyangay ayu sat maksvn fag basung aroro ngayuk taw at kinbul si ay fagmafulan. Dewa katanya, yam kafoli sa angku. Au, Yawi, taglong tuy.

Sakaryas 14:9

Yawi namagtainan sas fagdaul daga. Kanya way lang at fagtoglagun fag Dius, ay at ngayan way lang ban takadungug.

Malakyas 1:14

Gfauri au tagsi ayu fag ngay takamuag tagfatuyanan te, nangirug at masine fag ngay fagbaugun, ay aroro mangaro, at fanggalangun at ke malong way. Gfaurianan au takatanya fag taw, aroro au wan at mabalyanan fag Fun ngay talun at fakalimuun. Au, Yawi at Mabalyanan, taglong tuy.”

Santiagu 5:4

Damai! Wam nafon famayad sa sangay taw at nagutlu ay fare. Takatanya ay nafakamulun sik famasaful sa ayu te, mauri am. Ay kafag ngay taggutlu at uro andasug sa tam Fun at Mabalyanan.

At Nafasure 19:16

Sit lanbung ay sit balangbang marirukan sik ngayan te, Fagayu fun at Fun ay fagayu fagtainan at Fagtainan.