Eremyas 48:10 - Fanawbuid tagsibaliwas Fakayabian

¹⁰ Faurianani sik taw tagfalibangun nu gfakamulun Yawi at nafafakamulun sa anya gina gfaurianan talun Muab. Faurianani yangay sik taw at yud gfabul ngay taw Muab.

Eremyas 48:10 ပူးပေါင်းရင်းမြစ်များ

1 Fun 20:39

Ay fun nu nadalan, kafag taglong nauro anya te, “Fagtainan, nanangalo au sas fagawayanan, ay sik taw nataban sa angku at nagamat ay nalong te, ‘Uliti tuy fag taw. Ay nu nalfas way, am leleg famangsi sat leleg, ay mannga gbayad ro wo tuluk safulu e limak fabudbungguan salapi.’

1 Fun 20:40

Ay nasalagan au sa tibak fakamulun ay kafag taw nalfas.” Ay Israel at fun nalong te, “Matuyan wan, gafaurianan o kata am longan.”

1 Fun 20:42

Ay kafag taglong nalong anya te, “Katatuy Yawi at longan: ‘Aroro nafalfas o kafag taw ku nalong emu te, fabuli, katsi, o wan at fagnamabulun ay anggan am ngay taw laman famangsi anya.’ ”

2 Fun 13:19

Dius at fagsuguan Elisyu andotama anya ay nalong te, “Lima ay mannga unum tua ginan nangus nu gfataruk o sas daga am ba banyas, laman ban gbabo wo fia ay gfamin fagayu taw Aram. Dewa katanya, tulu ginan way ban o gbabo.”

Eremyas 11:3

Nanlong o sa anya fagayu te, au Yawi, Israel at Dius, glong au te, gfaurianan kban at yud gfaning kafag nasadian.

Eremyas 47:6

Ginto am te, seduge ya ban nu gfaragang au ku faurianan sa ayu siginan ku fiso tagsumbalian at uyup. Ay glong am te, fafolii wan am fiso sam guma ay fabayani wan emi.

Eremyas 47:7

Dewa katanya, setain ro ku fiso nu kafaragang ay nu nasugu kwan sa anya te, fawayani furuan Askelun anggan ngay taw tagbanwan sis tigyangan dagat?”

Eremyas 50:25

Naluang kwan ku fagfasuksukan ngay famabul ay nafaduksun kwan kafag ngay famabul aroro kadotama au maksvn. Au, ay Fun, Yawi at Mabalyanan at ke algan namaurianan ayu, tagbanwan sis talun Babilunya.

Eremyas 50:27

Fabuli wan fagayu at tagfawayan kata nu gfabul ngay tumad baka. Fabuli wan kanya fagayu. Afanyuan kanya fagayu aroro buknga wan nu gfaurianan au anya fagayu.

Uswe 10:19

Ay lag am sanya gugat. Namafalo am ay fawayani ay ngay fawayan at kinsawad. Lag am gfasakbo ay ngay fawayan sat ngay furuan aroro ay Dius Yawi gfababawan wan sa ayu kanya fag ngay taw.”

Tagfangguna 5:23

Sanya ginan, Yawi at tagbarita nalong te, “Faidapani Merus! Ay faidapani yangay tagbanwan sanya, aroro kanya fagayu wa nagubuk gina Yawi gfawayan at mabalyanan fag ngay taw.”

1 Samwel 15:3

Namawayan ban am ngay taw Amalek ay namamin at ngay ramraman. Ay namabul ban am at ngay mangama, at ngay mangena, at ngay sisian, ay anggan at ngay bagu kasalug, anggan yangay at ngay baka, at ngay tupa, at ngay kamelyu ay anggan at ngay asnu.’ ”

1 Samwel 15:9

Ay wa yangay nafabul at masine fag ngay tupa, fag ngay baka, ay at mataglu fag ngay fagbaugun. Ay fagayu at yud e tungkul nafamin wan.