Eremyas 47:7 - Fanawbuid tagsibaliwas Fakayabian

⁷ Dewa katanya, setain ro ku fiso nu kafaragang ay nu nasugu kwan sa anya te, fawayani furuan Askelun anggan ngay taw tagbanwan sis tigyangan dagat?”

Eremyas 47:7 ပူးပေါင်းရင်းမြစ်များ

Isayas 10:6

Gsugu kban anya fagayu laman namawayan ku fakadotamaun fag ngay taw at yud gfaning angku, ay laman nanrasras ay nansiad anya fagayu kata nu gsiad lifak sa sangaba dalan, ay namul yangay ban at ngay ramraman.”

Isayas 13:3

Nasugu au ku nafili fag ngay tagfawayan tagfauri ku fakadotamaun fag ngay taw. Kanya fag ngay tagfawayan gfanagsag te, mafakamulun au.

Isayas 37:26

Anud, narasras o ngay furuan ayu daul at ke ngay dingding alad. O nunda yo nasaful te, glugo wan nu e algan au takatanya? Siginan yay ebi anke algan kwan ay katsi nafafasludan kwan.

Eremyas 48:10

Faurianani sik taw tagfalibangun nu gfakamulun Yawi at nafafakamulun sa anya gina gfaurianan talun Muab. Faurianani yangay sik taw at yud gfabul ngay taw Muab.

Esekyel 14:17

“Ay namadasug kban sanya fag talun sik awayan laman namabul at ngay tagbanwan ay at ngay fagbaugun.

Esekyel 21:14

Nu katanya, nanlong o ku nalong emu. Faluti at sadi am daluap ay fafablangi sat sadi am daluap. Ay fiso nantabtab dua ginan ay mannga tulu. Tuy at fakatoglagan te, kanya ban fag ngay taw ngayu takabul sis awayan.

Esekyel 21:30

O nunda ban namafoli au fiso sas guma dewa au yud nafaurianan ayu? Duan! Namaurianan kban ayu si ay furuan, nu inda nu kasalug am.

Esekyel 21:9

“Taw at baguama, nanlong o ku fagyalongun sa sangay taw. Nanlong o sa anya fagayu te, ‘Au, Yawi, glong au te, nafaglat kwan ku fiso laman famabul. Ay nafanyang kmandi laman masulo kata limbad. O katsi kamanagsag yayam? O gfalingun yayam ku ngay foyungan dewa nafoyung sa ayu at matuyan?

Esekyel 25:16

Nu katanya, au, Fun Dius Yawi, gong au te, namaurianan kban ngay taw Filistia. Namabul kwan ngay taw Keret, anggan ngay taw tagbanwan sis tigyangan dagat.

Amus 3:6

O nunda ngay taw wa gtadtaruyan kalimu galay e nauyup budyung laman famasaful te, e fawayan takadasug? O nunda sik furuan daul nangafaurianan, Yawi nu dway nasugu?

Mikas 6:9

Dungugani Yawi at longan sas furuan Erusalem, nusnga sinu tagsuyu Yawi e fagsafulun tua. “Uda at ngay kasugfunanan, nangaful am sas furuan Erusalem laman nandungugan am anya.

1 Samwel 15:3

Namawayan ban am ngay taw Amalek ay namamin at ngay ramraman. Ay namabul ban am at ngay mangama, at ngay mangena, at ngay sisian, ay anggan at ngay bagu kasalug, anggan yangay at ngay baka, at ngay tupa, at ngay kamelyu ay anggan at ngay asnu.’ ”