Eremyas 47:6 - Fanawbuid tagsibaliwas Fakayabian

⁶ Ginto am te, seduge ya ban nu gfaragang au ku faurianan sa ayu siginan ku fiso tagsumbalian at uyup. Ay glong am te, fafolii wan am fiso sam guma ay fabayani wan emi.

Eremyas 47:6 ပူးပေါင်းရင်းမြစ်များ

2 Samwel 2:26

Ay Abner nauro Uab te, “Gfaragang watam nu gfadfabulan tam! O nunda wo nasaful te, mauri way takatanya fag fakamulun? Ginain ya ban nu gfaragang o am ngay tagfawayan nu gfafalo em ngay kaiban?”

1 Krunika 21:27

Nu katanya, Yawi nalong sat tagbarita te, “Fafolii wan am fiso sam guma.”

Alubad. 17:13

Yawi, fawayani ay baboi ku ngay fawayan. Falangfei angku siginan am fagmabalyananun takata sik fiso at maglat.

Isayas 10:15

Ay wain? O sik wase ay sik lagari e fagmabalyananun gtungud tagbilug? Ay o sik famalang maurug way tagbitbitan anya?

Isayas 10:5

Yawi nalong te, “Ida, afanyuan ngay taw Asirya. Kanya ban ku fagnansuguun laman namalag ku fandotaman.

Eremyas 12:12

At nanrasras kadasug siginans talun at yud e taw fag ngay tagbudbuksulanun. Ay gagbilug kban anya fagayu kata sik fiso tagsumbalian at uyup laman namauri galay sik taw, ay wa ban e malagyu ya.

Eremyas 12:4

Seduge ya ban lutuk nu magong ay ngay makmak nu mayangoan? Aroro siginan ngay taw at fagmauriun, ngay mangilafang ay ngay manuk tungud kabul wan. Ay kanya fagayu glong yay fia te, “Yawi wa glag em ngay fakamulun.”

Eremyas 15:3

“Au, Yawi, glong au te, namadasug kban sa anya fagayu ufatk faurianan: kanya ban fagayu kabul sas awayan, ay ngay idu nangguyudan at ngay bilug, ay ngay manuk tungud naninduk anya fagayu, ay tagfangagat fag ngay mela namamin at ngay nagsawadan.

Eremyas 25:27

Sanya ginan, Yawi nalong sa angku te, “Nanlong o sa sangay furuan te, ‘Au, Yawi at Mabalyanan, Israel at Dius, glong au te: Agvd, inumi sis taya ku fandotaman yakmay am nalangu, ay nafangkok ay antangda, ay wam makatu ya kalunggung aroro namae awayan au sa ayu.’

Eremyas 4:21

Seduge ya ban manga nu glag au famasaful fag ramit sabaliwa nu gawayan, ay nu gdungug au budyung at awang?”

Eremyas 48:10

Faurianani sik taw tagfalibangun nu gfakamulun Yawi at nafafakamulun sa anya gina gfaurianan talun Muab. Faurianani yangay sik taw at yud gfabul ngay taw Muab.

Eremyas 50:35

“Au, Yawi, glong au te, faurianan fag fiso tagsumbalian at uyup namaurianan ngay taw Babilunya at ngay tagfangguna ay anggan at mamatanganan fag ngay taw!

Esekyel 14:17

“Ay namadasug kban sanya fag talun sik awayan laman namabul at ngay tagbanwan ay at ngay fagbaugun.

Esekyel 21:30

O nunda ban namafoli au fiso sas guma dewa au yud nafaurianan ayu? Duan! Namaurianan kban ayu si ay furuan, nu inda nu kasalug am.

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.

Uan 18:11

Ay Isus glong sas Pedru te, “Fafolii am fiso sam guma. O nunda kwa masine nandalan ku Mama at nafalganan sa angku fag fagidapun?”

Tagfangguna 7:20

Katanya yangay tibak gaban at nafakamulun. Ay kaduge gbitbitan at ngay salung sit wala fag daluap, ay at budyung sit siun fag daluap, kanya fagayu nauro te, “Gfawayan watam laman sas Yawi ay sas Gidyun!”