Eremyas 47:1 - Fanawbuid tagsibaliwas Fakayabian

¹ Katatuy Yawi at longan sas Eremyas fag taglong sabaliwa ngay taw Filistia ebi gina Igiptu at fun yud batang namawayan furuan Gasa:

Eremyas 47:1 ပူးပေါင်းရင်းမြစ်များ

Fakasigadan 10:19

Kanaan at ngay taba daga sabaliwas siun fag alvngvdan siginans Sidun sitsigons Gerar. (Gerar munakbang sis Gasa.) At ngay taba sabaliwas fakamenitan siginans dagat sitsigons Suduma ay sas Gumura ay sas Adma ay sas Sebuyim. (Sebuyim munakbang sis Lasa.)

1 Fun 4:24

Sulumun gagbilug fagdaul Liskung Eufrates tagsabaliwas fakayabian siginans Tifsa sitsigons Gasa. Ay manabayan nu gbanwan nusnga nday fag furuan.

Isayas 14:29

“Ngay taw Filistia, lag am guseganan te, anbul wan ebi fag fun at nafawayan ayu, aroro at fantubus anya amafangadotama yap tua at mama, kata sik dot nu nbul, at riangan amaganga yap tua, ay amatarung yap.

Eremyas 25:20

ay anggan sa sangay yud Igiptu fag ngay taw tagbanwan sanya. Ay nafainum kyangay tagsis talun Us at ngay fun ay at ngay tagbanwan, ay sas fagayu furuan tagsis talun Filistia, (ngay tagfunan sis Askelun, Gasa, Ekrun, ay Asdud);

Esekyel 25:15

Fun Dius Yawi glong te, “Ngay taw Filistia anke algan namasud sa sangay taw Uda, aroro ngaduge wan nu kadkaurian.

Esekyel 25:16

Nu katanya, au, Fun Dius Yawi, gong au te, namaurianan kban ngay taw Filistia. Namabul kwan ngay taw Keret, anggan ngay taw tagbanwan sis tigyangan dagat.

Uel 3:4

“Fagayu am tagsis Tiru ay Sidun, ay anggan am fag ngay furuan sis talun Filistia, wain ay fagnafakamulunun takatanya sa angku? O gfasud am ku nafakamulun sa ayu? Nu katanya, namasud kyangay tagalvngvdan ay nafakamulun.