Eremyas 46:2 - Fanawbuid tagsibaliwas Fakayabian

² Katatuy at foyungan sabaliwas talun Igiptu at fun Neku at ngay tagfawayan. Talun Babilunya at fun nababo anya fagayu sis Karkemis munakbang sis Liskung Eufrates, ebi sis faufatk banwa Yuyakim, fun Usyas at baguama, nu gfunan sis Uda. Katatuy at foyungan sabaliwas Igiptu at fun Neku at ngay tagfawayan:

Eremyas 46:2 ပူးပေါင်းရင်းမြစ်များ

2 Fun 18:21

O talun Igiptu? Kanya fag talun at ngay taw ay at fun kata way sik magatvngan fag tulag tagurus am daluap nu gatulagan o.

2 Fun 23:29

Gina Usyas gfunan, Igiptu at fun Neku, Igiptu at fun nalao sas Liskung Eufrates laman nanggubuk fun Asirya. Ay fun Usyas nalao namawayan Igiptu at fun Neku, dewa katanya, kanya fag duak gaban nu nablangan sis Megidu, Neku nafabul anya.

2 Fun 23:33

Ay Neku, Igiptu at fun, naubung anya sis Ribla sis talun Amat ay nafaragang nu gfunan sas Erusalem, ay naet famayad siginan sangay taw Uda tuluk libu limak sandank fabudbungguan salapi ay tuluk safulu e limak fabudbungguan gintu.

2 Fun 24:7

Igiptu at fun wa namawayan ya tibak talun, aroro Babilunya at fun naago wan sik afud at talun, siginans fagfamiluganan mamam sis talun Igiptu, sitsigons Liskung Eufrates.

Isayas 10:9

O nunda wa gsudan at kinfasludan sa ngay furuan Karkemis, Kalnu, Arpad, Amat, Damasku ay Samarya? Narasras kwan kanya fag ngay furuan!

Isayas 19:1

Katatuy at foyungan sabaliwas talun Igiptu: Damai! Yawi gsakay sis linyabu ay masakit nu kadasug sas talun Igiptu.

Isayas 19:19

Ginanya yangay ban fag menit, e nangawat ban sik fagirugan sas Yawi sis talun Igiptu, ay namoli yangay sik gang sat taba daga laman gamatang Yawi.

Eremyas 25:1

Katatuy at foyungan sa sangay taw Uda. Yawi nafon sas Eremyas tuy fag foyungan gina sis faufatk banwa Yuyakim, fun Usyas at baguama, nu gfunan. Ay ginanya taguna fag banwa fun Nabukudunusur nu gfunan sis talun Babilunya.

Eremyas 25:19

Ay nafainum kyangay sas Faraun, Igiptu at fun ay sat ngay tagfangguna ay sat ngay tagfunan ay sas fagayu tagbanwan sit talun,

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 36:1

Ebi sis faufatk banwa Yuyakim, Usyas at baguama nu gfunan sis Uda, Yawi nalong sas Eremyas te,

Eremyas 43:11

Ay sanya ginan ban kanya namawayan talun Igiptu ay kabul ban sas fakasaitun at nafalganan kabul, ay gatabanan ban at nafalganan gatabanan, ay kabul ban sas awayan at nafalganan kabul.

Eremyas 45:1

Gina sis faufatk banwa Yuyakim, fun Usyas at baguama, nu gfunan sis Uda, Baruk nariruk Eremyas fag taglong at ngay nalong sa anya.

Eremyas 46:14

“Foyungi ku longan sas talun Igiptu, sa sangay furuan Migdul, Memfis, ay Takpanes: Falganani aroro mafalganan wan fiso tagsumbalian at uyup laman namabul ayu.