Eremyas 44:4 - Fanawbuid tagsibaliwas Fakayabian

⁴ Malayun oma nu gsugu au ku ngay fagsuguan fag ngay taglong laman namararang sa anya fagayu te, lag gfakamulun fagayu at mauri tagfadotama angku.

Eremyas 44:4 ပူးပေါင်းရင်းမြစ်များ

2 Krunika 36:15

Yawi, kafag ngay taw at mangaguyang at Dius, gfakamatoan gugat anya fagayu, siginan at ngay taglong, aroro kanya kafanyu at bale ay kafag ngay taw.

Nemyas 9:30

Dewa katanya, aroro mafangesug tuo, nagwantan tuo ngayuk banwa, ay am Falad nafoyung anya siginan am ngay taglong. Dewa katanya, kanya fagayu wa gfaning, ay nafabayan wo anya fagayu laman gababawan sit ligung fag ngay talun at taw.

Nemyas 9:34

Em ngay fun, em ngay tagfangguna, em ngay tagfon fanggalangun, ay em ngay mangaguyang wa nafaning am ngay faugali. Ay wa gamatangan ya sabaliwa am suguan ay sam ngay famararang.

Eremyas 16:18

Nu katanya, namasud au anya fagayu duak kaksvn at fagmauriun ay at asalanan, siginan nu gfasuya ku talun ay siginan at ngay fagsegan at mauri ay at yud gleleg.”

Eremyas 26:5

ay nu dway ban am gafanud ku fagsuguan fag ngay taglong ku fagsuguun gugat sa ayu, at ngay foyungan,

Eremyas 29:19

Aroro kabavn kanya fagayu wa gdungugan ku ngay longan siginan ku ngay fagsuguan fag ngay taglong. Ay anggan am at natabanan wam nafandungug.”

Eremyas 32:33

Kanya fagayu anyayu siginan angku dewa au gfoyung gugat sa anya fagayu. Ay kanya fagayu wa kaylat ay wa gdungugan at matuyan.

Eremyas 32:34

Kanya fagayu nafasuya ku bale nu inda at fagnamauseganan angku. Ay nafasakbo sanya tibak fagsegan at maksvn nu mauri.

Eremyas 32:35

Kanya fagayu nawat sik bale laman at fagnansegan Baal sis datag Ben-Inum ay sanya yangay nu namon at ngay sisian sas Mulek fag fagsegan. Kwa nasugu sa anya fagayu takatanya, ay kwa yangay e algan te, kanya fagayu gfakamulun takatanya fag fagmauriun at nafae asalanan ngay taw Uda.”

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 35:17

“Nu katanya, au, Yawi at Mabalyanan, Israel at Dius, glong au te, dungugani! Am tagbanwan sis Uda ay sis furuan Erusalem, namadasug kban sa ayu ku nalong fag faurianan. Nafakamatoan koma fia ayu ay wam gdungugan, ay nauro koma ayu, ay wam nabalus.”

Eremyas 7:13

Kaduge am gfakamulun at mauri, gfararang koma gugat ayu, dewa katanya, wam nadungugan. Nauro koma ayu ay wam nabalus.

Eremyas 7:17

O nunda wo glag ngay taw at fakamulun sis talun Uda ay sis Erusalem at ngay dalan?

Eremyas 7:18

Ngay sisian ayu daul gfansarab, ay at ngay mama gfaigang, ay at ngay mina kawat tinapay laman at fanggalangun sat fagsegan at nafangayan te, Tagsis Banwa fag Mangena fag Fagsegan. Ay kanya fagayu gfon yangay ngay fanlangu sa tibak fagsegan laman gfauri angku.

Eremyas 7:25

Siginan ay ngay mangaguyang nu glao siginans talun Igiptu dasug katsi, gfataglayun kyay oma gugat gsugu ku ngay fagsuguan fag ngay taglong sa ayu.

Esekyel 16:36

Au, Fun Dius Yawi, glong au te, nafalag o am fagmauriun ay am fagmalulasanun sas fagayu takesug emu. Ay e ngay fagsegan o at maksvn nu mauri. Nafabul o am ngay sisian laman am fanggalangun sam ngay fagsegan.

Esekyel 16:47

Nafaning o kafag ngay taw at ngay ugali ay at fakamulun at maksvn nu masuya. Ay wa glugo am fakamulun amauri yap tua kafag ngay taw at ugali.

Esekyel 18:31

Ngay taw Israel, wain ay fakaylatun kabul? Faragangi wan nu gfakamulun am at mauri, ay tubusi wan ay ugali at yud matuyan.

Esekyel 8:10

Ay nasakbo au ay nalag au sanya sik ngay aninu mangilafang sis alad gang, kafag ngay mangilafang at natuyan te, masuya ay sanya yangay ngay taw Israel at ngay fagsegan.

Daniel 9:6

Wami nadungugan am ngay fagsuguan fag ngay taglong am nasugu laman namakamatoan em ngay fun, em ngay tagfangguna, em ngay mangaguyang, ay fagayu taw Israel.

Sakaryas 7:7

Katanya yangay ku longan ebi sa sangay taglong, gina Erusalem manabayan ay ngayuk taw gbanwan sanya ay gina yangay e ngay furuan sit ligung, talun Negeb ay anggan ngay buksul sas fakayabian baliwa.’ ”

1 Pedru 4:3

Faragangi wan nu gfakamulun kata ebi ay fakamulun, kata ngay taw at yud natoglag Dius at fakaylatun gfakamulun: nu gfaning am ay bilug at fakaylatun, ay nu kamasaweun am nu guseganan am, ay nu glanguan am, ay nu gseg am at yud matuyan fag ngay fagsegan.