Eremyas 44:3 - Fanawbuid tagsibaliwas Fakayabian

³ aroro sa sangay taw tagbanwan sanya at ngay asalanan. Kanya fagayu nafadotama angku siginan nu girug at ngay famaebebanglu ay nu gseg tibak fagsegan at fagyudun toglag ay anggan at ngay mangaguyang at fagyudun toglag.

Eremyas 44:3 ပူးပေါင်းရင်းမြစ်များ

Nemyas 9:33

Matuyan gfaurianan o emi. Ay matuyan yangay o sa emi, dewa katanya, sik ngay tagasalanan waymi.

Isayas 3:8

Matuyan, Uda ay furuan Erusalem umrasras wan, aroro ngay taw tagbanwan sanya nafamabo Yawi, siginan nu gfakamulun ay nu glong at mauri. Ay kanya fagayu dewa sis Yawi daga salubangan glong at mauri sa anya.

Eremyas 11:17

Yawi at Mabalyanan wan at nafili Uda ay Israel, dewa katanya, katsi gsugu wa te, “Famini wan anya fagayu aroro mauri at ngay fakamulun, ay nafauri angku siginan nu gfon at ngay fagirugun fag ngay fanggalangun sas Baal.”

Eremyas 16:10

“Nu nalong ban o takatanya sanya fag ngay taw, ay kanya ban fagayu nu nainto te, ‘Wain Yawi at fagnafararangun te, kadasug ban sa emi takaksvn nya fag faurianan? Nataw em nafakamulun at mauri? Ay nataw em asalanan tagfauri Yawi em Dius?’

Eremyas 22:9

Ay katatuy ban at famalus sa kafag ngay taw, ‘Aroro kanya fagayu natalyuyan at nasadian sas Yawi, ay naseg ay nafaning tibak fagsegan.’ ”

Eremyas 29:19

Aroro kabavn kanya fagayu wa gdungugan ku ngay longan siginan ku ngay fagsuguan fag ngay taglong. Ay anggan am at natabanan wam nafandungug.”

Eremyas 32:30

“Au, Yawi, glong au te, siginan ebi, ngay taw Uda ay ngay taw Israel at nafakamulun mauri way. Kanya fagayu nafadotama angku siginan at nafakamulun mauri.

Eremyas 44:23

Andasug sa ayu takatanya fag faurianan aroro nairug am ngay famaebebanglu sa tibak fagsegan at nafae asalanan ayu sas Yawi. Wam nafaning at ngay suguan, at ngay faugali ay at ngay foyungan.”

Eremyas 44:8

Wain ay fakauriun angku siginan nu kawat am tibak fagsegan? Ay girug am ngay famaebebanglu laman sa kafag ngay fagsegan sanya sis talun Igiptu nu inda nu gbanwan am. Ay nafauri am ay ngay sadili ay nafa sik ngay masuya ay nafae fakaplaun am ayu sa sangay talun sas fagdaul daga.

Eremyas 5:19

Ay nu e ginto way ban te, ‘Wain Yawi tam Dius at fagnafakamulunun sa antam takatanya?’ balusi ban te, ‘Aroro natalyuyan am Yawi, ay naseg am tibak fagsegan si ay talun. Nu katanya, katsi nangafagsuguanan am sa ay fagyudun toglag fag gaban taw.’

Eremyas 5:29

Au, Yawi, glong au te, o nunda kwa ro masine gfaurianan anya fagayu aroro sat ngay nafakamulun mauri? Ay o nunda kwa ro masine gfasud sa takatanya fag talun at ngay taw?

Eremyas 7:19

O au kanya fagayu at nafauri? Duan! At ngay sadili yay at nafauri ay at nafapla.

Takabalu 1:8

Maksvn wan furuan Erusalem at asalanan. Nu katanya, kanya ansik mauri. Ebi tagfauseganan anya fag ngay taw, katsi gfalingun wan, aroro sat fakaplaun. Ay at kaksvnan nu kapla kanya gfandeng ay natalyuyan gidapan.

Takabalu 4:13

Andasug takatanya, aroro sa sangay taglong ay sa sangay tagfon fanggalangun at asalanan nu gfabul ngay taw at yud e asalanan.

Esekyel 9:9

Kanya gbalus angku te, “Maksvn wan taw Israel ay taw Uda at asalanan. Ay maksvn wan nu gfadfabulan sit furuan ay we fagmatuyanun ya. Kanya fagayu glong te, ‘Yawi wa gdungug ya antam, ay natalyuyan wan.’

Daniel 9:5

“Anke asalanan ami sa emu. Nafakamulun ami at mauri ay wami nafaning am ngay suguan ay am ngay faugali.

Deuterunumyu 13:6

Am faduksay ay mannga am sisian ay am fakesugun am mangena ay am fagadgalangan fia nu nataban emu ay nalong te, “Nanseg watam sa tibak dius,” (am ay anggan ay mangaguyang ay fagyudun toglag fag ngay fagsegan,

Deuterunumyu 29:25

Ay e gbalus ban anya fagayu te, “Aroro kanya fag ngay taw wa nafaning kata at nasadian sas Yawi, at ngay mangaguyang at Dius at nafalfas anya fagayu siginans talun Igiptu.

Deuterunumyu 29:26

Kanya fagayu gseg tibak fagsegan at fagyudun toglag, Yawi at fagsalagun te, lag nanseg.

Deuterunumyu 32:17

Ay nafon fanggalangun sat mauri fag ngay falad, ay sat yud matuyan fag ngay fagsegan, at fagyudun toglag ay at bagu yay kasik fagsegan, ay at ngay mangaguyang at fagyudun gseg.

Ebreu 3:16

Sinu at nafawayan Dius dewa nadungug at aringang? O nunda bunwa Muisis at nataban fag ngay taw siginans talun Igiptu?