Eremyas 44:2 - Fanawbuid tagsibaliwas Fakayabian

² Katatuy Yawi, Israel at Dius, at longan: “Nalag wam ku nafadasug fag faurianan sas furuan Erusalem ay sa sangay taw Uda. Ay katsi kanya fag furuan anrasras wan ay we gbanwan ya sanya,

Eremyas 44:2 ပူးပေါင်းရင်းမြစ်များ

2 Fun 21:13

Namaurianan au Erusalem kata nu gfaurianan au Samarya ay fun Akab fag talanan. Namegus au Erusalem kata sik fagsuadan at mafegusan ay mafaluban.

Nu Galin 19:4

‘Nalag wam ku nafakamulun sa sangay taw Igiptu, ay nu gtabanan au ayu sa angku, kata sik bio nu gbuba at ngay riangan sit fakfak.

Isayas 24:12

At furuan marasrasan way ban gugat, anggan at sakbawan.

Isayas 6:11

Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Eremyas 25:11

Ay tuy ban fag talun umsik mabaluan. Ay tagbanwan sanya fag talun namakamulun sas Babilunya at fun kaduge fituk safuluk banwa.

Eremyas 34:22

gsugu kyay ban anya fagayu laman namadog namawayan, nangagbilug, ay nangirug ayu. Fagayu ban furuan sis Uda namasik mabaluanan au ay wa ban e gbanwan ya.”

Eremyas 4:7

Tagrasras ngay talun kadasug wan kata sik liun at nalfas siginan at luib, laman namaurianan ay talun, kata ngay liun nu masakit gduksun siginan at fagsuksuanan. Ay fagayu ay furuan umrasras, ay wa ban e gbanwan ya.

Eremyas 44:22

Yawi wa nkagwanta ay ngay nafakamulun at mauri ay at masuya, nu katanya, kanya narasras ay talun ay ansik mabaluanan aroro we gbanwan ya.

Eremyas 44:23

Andasug sa ayu takatanya fag faurianan aroro nairug am ngay famaebebanglu sa tibak fagsegan at nafae asalanan ayu sas Yawi. Wam nafaning at ngay suguan, at ngay faugali ay at ngay foyungan.”

Eremyas 7:34

Ay ginanya ban gfaragang kwan nu e guseganan sis furuan Erusalem at ngay fagaweanan. Ay si bans Uda wa yangay e kadungug ya at ngay bagu kadadwa nu guseganan, ay kanya ban fag talun umsik mabaluanan.”

Eremyas 8:3

Ay namasaruayan kban sa sangay talun at sawad fag ngay taw tagbanwan sanya fag talun at mauri, ay kanya ban fag ngay taw kaylat wan kabul nu gamut nu gleleg. Au, Yawi at Mabalyanan, taglong tuy.”

Eremyas 9:11

Yawi glong te, “Nanrasras kwan Erusalem, ay kanya umkata at kinbaras fag ngay gang, ay tagbanwan ban sanya idu talun way lang. Ay fagayu ban furuan tagsis Uda namakata au at yud e taw fag talun, ay wa ban e gbanwan ya sanya.”

Takabalu 1:1

Furuan Erusalem mabaluanan way lang, ebi dewa ngayu at taw. Ebi kanya oma takadungug fag furuan sas fagdaul daga, ay katsi kata way lang sik fagbubayun. Ebi kanya dewa kata sik fun at mangena, katsi kata way lang sik fagsuguan.

Takabalu 1:16

Kanya wan ku fagwaywayun. We gfaksvn ya ay gfasun angku. Afanyuan ku ngay taw aroro at ngay fawayan nababo anya fagayu.”

Takabalu 5:18

Aroro nafabayan wan Erusalem, ay idu talun way lang tagbanwan sanya.

Daniel 9:12

Nafafasludan o am ngay longan sa emi ay sa em ngay tagfangguna siginan nu gfaurianan o emi maksvn. Nu katanya, sas fagdaul daga wa batang e kaksvn Erusalem at nadalan.

Lebitiku 26:31

Nanrasras kban ay ngay furuan ay ay ngay fagnansegan. Ay kwa ban kaylat ya ay fanggalangun at anus at mabebanglu.

Lebitiku 26:43

Dewa katanya, nangaiyan kyay ban ayu siginan ay talun, aroro nafamabo am ku ngay faugali ay ku ngay suguan. Laman ban ay talun gragangan yay kaduge am yud sanya.

Mikas 3:12

Aroro nafakamulun am takatanya, umkiklas ban Siun, furuan Erusalem. Ay kanya ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.

Sakaryas 1:6

Dewa katanya, anfasludan say ngay mangaguyang ku ngay nalong ay ku ngay famararang siginan ku ngay fagsuguan fag ngay taglong. Ay ay ngay mangaguyang namatangan ay nalong te, ‘Yawi at Mabalyanan nafaurianan antam kata tam nasalan ay at algan sa antam.’ ”

Deuterunumyu 29:2

Muisis nafauro fagayu taw Israel, ay nalong te, O nalag am Yawi at nafakamulun sas talun Igiptu at fun ay sa at ngay tagfangguna ay sas fagdaul at talun?

Uswe 23:3

Nalag wam ay Dius at nafakamulun ste fag ngay talun laman sa ayu. Yawi wan at nagubuk ayu gina am gfawayan kanya fag ngay taw.