Eremyas 43:2 - Fanawbuid tagsibaliwas Fakayabian

² Asarya, Usaya at baguama, ay Ukanan, Kareak at baguama, ay tiba yak mangama takamuag nalong sas Eremyas te, “Kamuag way o! Yawi em Dius wa nasugu emu laman nanlong o sa emi te, wami masine glao sas talun Igiptu laman namanwan sanya.

Eremyas 43:2 ပူးပေါင်းရင်းမြစ်များ

Fakasigadan 19:14

Nu katanya, Lut naduksun ay nasat fanugangan fag ngay mangama ay nalong te, “Fasakiti tua nu glo am ste ginan aroro Yawi ro gfamin wan tuy fag furuan.” Dewa katanya, duama wa gafanud, aroro nu glong Lut galaman way.

2 Krunika 36:13

Ay kanya dewa nafatuyanan sis Dius at daga salubangan te, wa ban kamabo fun Nabukudunusur, kanya nafamabo way. Sedekya nafamaogatun at amatanganan ay kanya wa kaylat kafoli ya sas Yawi ngay taw Israel at Dius.

Alubad. 119:21

Gsalag o takamatungudun, ay gfaurianan o tagsaruy am ngay suguan.

Alubad. 12:3

Yawi, faragangi wan ngay tagfandaya ay takamatungudun.

Alubad. 123:4

Glugo wan nu gidapan ami aroro ngay taw takamatungudun ay takamanagsag maksvn wan nu gfalingun emi.

Nu Galin 5:2

Ay Igiptu at fun nalong sas Muisis te, “Sinu nunda Yawi? Ay wain ro ku fagdunguganun anya laman ro ngay taw Israel glao? Kwa toglag Yawi, ay kwa gfalao ngay taw Israel ste ginan.”

Nu Galin 9:17

Dewa katanya, nafamatungudun o sa ku ngay taw ay wo naylat kanya fagayu nu glao.

Fangatulun 16:5

Yawi maksvn nu kauri fagayu takamatungudun, ay takatanya fag ngay taw umfaurianan.

Fangatulun 30:9

Aroro nu nramraman kway ro manga, kwa gseg ya emu, ay nu nsik yud kro e kwa, nanfangkamul kway ro manga ay gfapla au emu.

Fangatulun 6:17

takamatungudun, ay takamuag, ay takamabul,

Fangatulun 8:13

Sik taw tagsuyu Yawi, di gfakamulun sas fagmauriun. Ay kauri au takamabo ay takamatungudun, ay takamuag ay fagayu tagugali at mauri.

Isayas 9:8

Fun Dius nalong te, “Namaurianan kban ngay taw Israel, Akub at ngay kasugfunanan.”

Eremyas 13:15

Dungugani fia ay lag am kamatungudun aroro Yawi garingang.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 40:8

Nu katanya, kafag ngay fun tagfawayan nalao sas Gedalya sas Mispa. At ngay ngayan: Ismael, Netanya at baguama, Ukanan ay Yunatan, Kareak at ngay baguama, Seraya, Tankumet at baguama, Efay at ngay baguama fag taw Netufa, ay Aasanya fag taw Maaka, gadgaloan at ngay tagfawayan.

Eremyas 41:16

Ismael nu nafabul Gedalya ay nataban ngay taw siginans Mispa, Ukanan ay at ngay fagsuguan nafaful kanya fag ngay taw: ngay tagfawayan, ngay mangena, ngay sisian ay anggan ngay tagfangguna sis fun at bale, ay nataban anya fagayu siginans Gibyun.

Eremyas 41:18

Aroro kanya fagayu kalimu ngay taw Babilunya aroro Ismael nafabul Gedalya, Babilunya at fun at nafili fag fun sirut sas fagdaul talun Uda.

Eremyas 42:1

Sanya ginan, Ukanan, Kareak at baguama, ay Asarya, Usaya at baguama ay at ngay ufud fag tagfawayan, ay fagayu taw, at yud e kwa ay anggan takadungug nanangakbang sas Eremyas.

Eremyas 42:20

Wa masine ay fakamulun. Nafababaun am naet sa angku laman nangakbang au sa ay Dius Yawi ay gdarangin laman sa ayu ay nafatuyanan am te, gfakamulun ban am fagayu at nalong sa ayu.

Eremyas 42:5

Ay kanya fagayu glong yay fia sas Eremyas te, “Yawi am Dius tagfatuyan ban nu dway mi gfafasludan at longan fagayu at nafoyung emu.

Eremyas 43:1

Eremyas nu nafoyung wan Yawi at longan sabaliwa anya fagayu,

Eremyas 44:16

“Wami gafanud am ngay nalong sa emi sas Yawi at ngayan!

Santiagu 4:6

Ay Dius at nafon sa antam at gubuk kasakan wan. Nu katanya, anriruk sis Dius at Longan te, “Dius wa gfadiuganan takamatungudun fag ngay taw, dewa katanya, kafanyu tua nusnga sinu takamababaun.”

1 Pedru 5:5

Ay am fag ngay baguama, faningi tua ay ngay fagtainan bale fakafulan. Ay fagayu am fadfababaunani tua, aroro marirukan sis Dius at Longan te, “Dius gsalag fagayu taw takamatungudun, ay ggubuk fagayu takamababaun.”