Eremyas 43:13 - Fanawbuid tagsibaliwas Fakayabian

¹³ Kanya ban grufa wan ngay fagsegan at turuk sis furuan Bet-Semes sis talun Igiptu, ay girug wan sanya fag ngay fagsegan at ngay bale.’ ”

Eremyas 43:13 ပူးပေါင်းရင်းမြစ်များ

Fakasigadan 41:45

Ay kanya nafangayan Use te, Safenat-Panea, ay nafafamubay Use sas Asenat, Putifera fag tagfon fanggalangun at baguina siginans furuan daul Un. Ay Use wan tagfunan sas fagdaul talun Igiptu.

Isayas 19:1

Katatuy at foyungan sabaliwas talun Igiptu: Damai! Yawi gsakay sis linyabu ay masakit nu kadasug sas talun Igiptu.

Isayas 19:18

Ay ginanya ban fag menit, limak furuan sis talun Igiptu namaning Yawi at Mabalyanan, ay garingang Ebreu fag fangaringang. Ay kafag limak furuan at sadi at ngayan te, Menit fag Furuan.

Isayas 46:2

Kanya fag ngay fagsegan mataygilid, ay wa mafafalangfe at nafasakay anya. Ay anggan kanya fag ngay fagsegan natabanan yangay.

Eremyas 10:11

Nu katanya, nanlong am sa anya fagayu te, “Kafag ngay fagsegan at yud nawat banwa ay fagdaul daga, umkalyam wan siginans banwa ay fagdaul daga.”

Eremyas 25:19

Ay nafainum kyangay sas Faraun, Igiptu at fun ay sat ngay tagfangguna ay sat ngay tagfunan ay sas fagayu tagbanwan sit talun,

Eremyas 43:12

Ay kanya ban girug talun Igiptu at ngay fagsegan at ngay bale. Ay girug yangay ban tibak fagsegan, ay tiba ban e gbuba wan. Ay kanya ban gfasine talun Igiptu kata ngay tagalaga tupa nu gbul ngay tuma siginan at ngay lanbung. Sanya ginan ban, fun Nabukudunusur glao manabayan siginans talun Igiptu.

Eremyas 44:1

Yawi nalong sas Eremyas sabaliwa ngay taw Udyu tagbanwan sis fawalan fag alvngvdan talun Igiptu: si sangay furuan Migdul, Takpanes ay Memfis, ay anggan yangay tagbanwan sis fasiunan fag alvngvdan talun Igiptu.

Eremyas 46:25

Yawi at Mabalyanan, Israel at Dius, glong yay fia te, “Namaurianan kwan Amun, furuan Tebes at fagsegan, ay tiba yak fagsegan sis talun Igiptu. Ay namaurianan kyangay ban Igiptu at fun anggan at ngay tagfangguna, ay anggan fagayu tagseg anya.

Esekyel 26:11

Ay umkapnu ban ay ngay dalan at ngay tagfawayan tagsakay sit ngay kabayu at masakit ay namabul ban fagayu tagbanwan si ay furuan siginan at fiso tagsumbalian at uyup. Ay umsuak yangay ban anggan ay ngay turuk at mabakvd.

Esekyel 30:13

Ay Fun Dius Yawi glong yangay te, “Namarasras kban ngay fagsegan sis Memfis. Ay wa ban e gfunan ya sis talun Igiptu, namalimu kban kafag ngay taw.

Esekyel 30:17

Elyupulis ay Bubastis ban at ngay baguama nangabul sas awayan, ay at sawad ban fag ngay taw gatabanan.

Daniel 11:8

Sanya ginan, kanya ban namuba sas talun Igiptu ngay fagsegan ay anggan ngay ramraman at mawatan siginans salapi ay gintu. Kaduge ngayuk banwa, kanya di gfawayan tagsis fawalan fag alvngvdan fag fun.