Eremyas 43:12 - Fanawbuid tagsibaliwas Fakayabian

¹² Ay kanya ban girug talun Igiptu at ngay fagsegan at ngay bale. Ay girug yangay ban tibak fagsegan, ay tiba ban e gbuba wan. Ay kanya ban gfasine talun Igiptu kata ngay tagalaga tupa nu gbul ngay tuma siginan at ngay lanbung. Sanya ginan ban, fun Nabukudunusur glao manabayan siginans talun Igiptu.

Eremyas 43:12 ပူးပေါင်းရင်းမြစ်များ

2 Samwel 5:21

Ngay taw Filistia nafamato at ngay fagsegan, ay Dabid ay at ngay tagfawayan nabul ay nabuba.

Ester 6:9

Sanya ginan, sugui sam tiba tungud fag tagfangguna at sadi te, fasuluni fun at lanbung sam fakaylatun gfauseganan fag taw ay fasakayi sas fun at kabayu ay fatungluani sas fagdaul furuan, ay at ngay ufud fagayu uroi te, ‘Katatuy at fakamulun sas fun at fakaylatun gfauseganan fag taw.’ ”

Ub 40:10

Nu mafakamulun tua ro wo takatanya, gfatuyan ro wo te, anud, mabalyanan o, ay masine ay mauseganan.

Alubad. 104:2

Yamag gsifig emu kata am lanbung, ay nawat o banwa laman am fagbanwanan.

Alubad. 132:16

Gfasik ngay matuyan kban at ngay tagfon fanggalangun, ay kafag ngay taw ban at matuyan, kabavn galubad tua guseganan.

Alubad. 132:18

Gfasik mabalyanan kban ku nafili fag fun, dewa katanya, gfapla kban at ngay fawayan.”

Nu Galin 12:12

“Ay ginanya yangay fag yabi nandalan au sas fagdaul talun Igiptu at ngay bale, ay namabul au fagayu taw Igiptu at ngay baguama tiba kaka, anggan at ngay fagbaugun at riangan taguna fag tama. Ay namaurianan au taw Igiptu at ngay fagsegan fagayu. Au Yawi.

Isayas 19:1

Katatuy at foyungan sabaliwas talun Igiptu: Damai! Yawi gsakay sis linyabu ay masakit nu kadasug sas talun Igiptu.

Isayas 21:9

Damai! E kadasug wa ngani sik taw gsakay si sik ngay kabayu at faguyudan. Ay kafag taw glong te, ‘Niklas wan Babilunya! Anggan fagayu at ngay fagsegan narit sas daga ay anrufa wan.’ ”

Isayas 46:1

Babilunya at ngay fagsegan, Bel ay Nebu, mataygilid sis asnu at faguyudanun. Kanya mabyat, ay tagguyudan fag asnu kalufuy.

Isayas 46:2

Kanya fag ngay fagsegan mataygilid, ay wa mafafalangfe at nafasakay anya. Ay anggan kanya fag ngay fagsegan natabanan yangay.

Isayas 49:18

Damai sa am ligung; am ngay taw kafoli wan. Gfatuyanan au te, kafanud nu gleleg au, gfanagsag ban o anya fagayu kata sik mangena at nangadadwa at ke dalag.

Isayas 52:1

Furuan Siun, afuloi, alunggungi ay maksvni tua! Ay fasurei am fagmabalyananun, o at yud e malong fag furuan Erusalem, aroro at yud taw Israel, am natuyan te, masuya, wa ban gdog ya gsakbo sa emu.

Isayas 59:17

Kanya nafakamulun at matuyan tuga at famalabag sit dubdub, ay nasulun yangay fakalangfeun tuga at famalabag sit alfuyu. Ay kanya gsulun tuga at lanbung laman famasud ay at maksvn fag dotama.

Isayas 61:10

Guseganan au sas Yawi ku Dius, aroro kanya nafalangfe tua ay nafae fagmatuyanun angku, kata nu nafae lanbung angku. Ay ankata au sik mangama at nangadadwa at ke lanbung masine kata ngay tagfon fanggalangun, ay kata yangay sik mangena at nangadadwa at mafasinean.

Isayas 61:5

Dius at ngay taw, tiba bank talun at ngay taw nangafagsuguanan ayu. Kanya ban fagayu nangalaga ay ngay fagbaugun, ay namakamulun sa ay daga ay sa ay ngay tanuman wat ubas.

Eremyas 10:11

Nu katanya, nanlong am sa anya fagayu te, “Kafag ngay fagsegan at yud nawat banwa ay fagdaul daga, umkalyam wan siginans banwa ay fagdaul daga.”

Eremyas 10:15

ay we tungkul ay maksvn nu mauri. Gina ban gfaurianan fag menit, umkamin yangay ban at ngay awatan.

Eremyas 25:19

Ay nafainum kyangay sas Faraun, Igiptu at fun ay sat ngay tagfangguna ay sat ngay tagfunan ay sas fagayu tagbanwan sit talun,

Eremyas 43:13

Kanya ban grufa wan ngay fagsegan at turuk sis furuan Bet-Semes sis talun Igiptu, ay girug wan sanya fag ngay fagsegan at ngay bale.’ ”

Eremyas 46:25

Yawi at Mabalyanan, Israel at Dius, glong yay fia te, “Namaurianan kwan Amun, furuan Tebes at fagsegan, ay tiba yak fagsegan sis talun Igiptu. Ay namaurianan kyangay ban Igiptu at fun anggan at ngay tagfangguna, ay anggan fagayu tagseg anya.

Eremyas 48:7

Ngay taw Muab, nu gafanud am sa way ay fagmakatuun ay sa ay ngay ramraman. Nu katanya, e tumaban ban ayu gasfuan ay fagsegan Kemus ay anggan at ngay tagfon fanggalangun ay at ngay tagfangguna.

Eremyas 49:27

Girug kban Damasku at ngay alad, anggan fun Ben-Adad at bale daul.”

Eremyas 50:2

“Fadungugi sa sangay talun foyungan at yud e masuksukan ay fabati sik ramit, famasaful te, talun Babilunya anrasras wan. Ay at ngay fagsegan at mapla anrufa wan anggan at fagsegan Bel ay Marduk anrufa yangay.

Eremyas 51:44

Gfaurianan kban Bel, talun Babilunya at fagsegan, ay gfafangkok kban at ngay naon. Ay ngay talun ban at ngay taw we nangadasug ya sa anya laman nanseg. Ay umrasras wan talun Babilunya at ngay alad.

Esekyel 29:11

Kaduge ban ufatk safuluk banwa, we taw ay we fagbaugun at nandalan ay at namanwan sanya.

Esekyel 29:19

Ay au, Fun Dius Yawi, glong au te, namagbilug kban talun Igiptu sas Nabukudunusur, Babilunya at fun. Kanya ban gago talun Igiptu at ramraman fagayu laman at famayad sat ngay tagfawayan.

Esekyel 30:13

Ay Fun Dius Yawi glong yangay te, “Namarasras kban ngay fagsegan sis Memfis. Ay wa ban e gfunan ya sis talun Igiptu, namalimu kban kafag ngay taw.

Daniel 11:8

Sanya ginan, kanya ban namuba sas talun Igiptu ngay fagsegan ay anggan ngay ramraman at mawatan siginans salapi ay gintu. Kaduge ngayuk banwa, kanya di gfawayan tagsis fawalan fag alvngvdan fag fun.

Sefanias 2:11

Yawi namadulo anya fagayu siginan nu grufa fagayu fagsegan sas fagdaul daga. Nu katanya, ngay taw sa tangayayu fag ngay talun sumeg yangay Yawi sit mesa talun.”

Ruma 13:12

Gakatabuun wan yabi, ay at mayamag gakadasugun wan. Nu katanya, gubun watam fagayu at madulum fag fakamulun, ay gsulun watam tam famalabag laman mafawayan tua kata gina mamenit.

Efesu 4:24

ay fagfasiun ayu at bagu tua fag taw at kinkawat takata Dius, laman ay ugali matuyan tua ay di e malong.

Efesu 6:11

Suluni Dius at nafon ayu fag famalabag, laman mafawayan am Satanas at ngay algan.

Kulusas 3:12

Nu katanya, aroro am wan Dius at nafili ay at nafasaman ay at fakesugun, masine nu kedkesugan tuam fia, ay nu magalang am, ay nu kamababaun am, ay nu malukme am, ay nu mafangagwanta am.

Kulusas 3:14

Tagtungud sas fagayu, edkesugani aroro fakesugun wan tagfutus sat matuyan fag fagmasadiun.