Eremyas 43:11 - Fanawbuid tagsibaliwas Fakayabian

¹¹ Ay sanya ginan ban kanya namawayan talun Igiptu ay kabul ban sas fakasaitun at nafalganan kabul, ay gatabanan ban at nafalganan gatabanan, ay kabul ban sas awayan at nafalganan kabul.

Eremyas 43:11 ပူးပေါင်းရင်းမြစ်များ

Ub 20:29

Katanya ban at mauri fag taw at fakadasugan. Dius wan at nafalganan fagayu takatanya sa anya.”

Eremyas 15:2

Ay kanya fagayu nu nainto te, ‘Dada ro nu glao ami?’ nanlong ro wo te, ‘Yawi glong te, Fagayu ku natuyan kabul sas fakasaitun, umbul sas fakasaitun. Ay ku natuyan te, kabul sas awayan umbul sas awayan, ay ku natuyan te, kabul sas fanlunus umbul sas fanlunus, ay ku natuyan te, gatabanan, e tumaban ban.’

Eremyas 25:15

Yawi, Israel at Dius, nalong sa angku te, “Buli si ku daluap fag taya at mapnu ku fandotaman ay namainum o sas fagayu talun nusnga nday nu gsugu au emu.

Eremyas 25:19

Ay nafainum kyangay sas Faraun, Igiptu at fun ay sat ngay tagfangguna ay sat ngay tagfunan ay sas fagayu tagbanwan sit talun,

Eremyas 42:22

Nu katanya, katsi gfatuyanan au sa ayu te, kabul ban am sas awayan, sas fanlunus, ay sas fakasaitun sis talun Igiptu, ay nusnga nday ban nu gbanwan am.”

Eremyas 44:12

Am at kinsawad tagleleg sis talun Uda at nafabulunan glao sties talun Igiptu, umbul ban am, fagayu am at yud e kwa ay anggan takadungug. Kabul ban am sis awayan ay sis fanlunus. Ay e gfauri ban ay e gfalingun ayu.

Eremyas 44:13

Gfaurianan au ayu siginans fanlunus ay fakasaitun ay awayan, kaduge am gbanwan sis Igiptu, kata nu nafaurianan au Erusalem.

Esekyel 29:11

Kaduge ban ufatk safuluk banwa, we taw ay we fagbaugun at nandalan ay at namanwan sanya.

Esekyel 5:12

Nangafud kban ayu tuluk afud. Taguna ban fag afud kabul sis furuan daul siginans lunus ay fakasaitun. Ay at fadua bank afud, nangabul sas day furuan daul siginans fiso tagsumbalian at uyup. Ay at fatulu bank afud, namasaruayan au sas fagdaul daga ay gfataglayun kyay ban fia gfaurianan.

Sakaryas 11:9

Sanya ginan, nalong au sa ku fagalagaun fag ngay tupa te, “Bunwa au ya ay tagalaga. Fagayu takabul kabul wan, ay fagayu tagafaurianan gafaurianan wan, ay at sawad, to sanya kadkagatan.”

At Nafasure 13:10

Nusnga sinu at kinfalganan gatabanan, kanya ban gatabanan wa fia, ay nusnga sinu at kinfalganan nangabul sas fiso tagsumbalian at uyup, kanya ban kabul fia. Nu katanya, Dius at ngay taw, masine nu gagwantan tua gugat ay nu e fagafanudun tua gugat.