Eremyas 42:5 - Fanawbuid tagsibaliwas Fakayabian

⁵ Ay kanya fagayu glong yay fia sas Eremyas te, “Yawi am Dius tagfatuyan ban nu dway mi gfafasludan at longan fagayu at nafoyung emu.

Eremyas 42:5 ပူးပေါင်းရင်းမြစ်များ

Fakasigadan 31:50

Ay nu dway ban masine nu gfalag o am fagmasineun sa ku ngay sisian ay nu nafamubay yay ban o sat dayu, amatangani te, deyud kban nasaful takatanya, Dius wan tagfatuyan ta ngay nasadian.”

Nu Galin 20:19

ay nalong sas Muisis te, “O yakman tagaringang sa emi ay gdungugan ro mi emu, deyud Dius tagaringang sa emi aroro manbul ro mi.”

Nu Galin 20:7

Lag am glong ku ngayan nu dway e masuad. Aroro au ay Dius Yawi, namaurianan au nusnga sinu taglong ku ngayan sat yud e masuad.

Eremyas 42:20

Wa masine ay fakamulun. Nafababaun am naet sa angku laman nangakbang au sa ay Dius Yawi ay gdarangin laman sa ayu ay nafatuyanan am te, gfakamulun ban am fagayu at nalong sa ayu.

Eremyas 43:2

Asarya, Usaya at baguama, ay Ukanan, Kareak at baguama, ay tiba yak mangama takamuag nalong sas Eremyas te, “Kamuag way o! Yawi em Dius wa nasugu emu laman nanlong o sa emi te, wami masine glao sas talun Igiptu laman namanwan sanya.

Eremyas 43:4

Nu katanya, Ukanan, Kareak at baguama, ay at ngay ufud fag ngay fun tagfawayan ay fagayu taw wa nafaning Yawi at suguan te, banwani way gugat sis talun Uda.

Eremyas 5:2

Dewa am glong te, ‘Gfatuyanan au sas Yawi, tagleleg fag Dius,’ kamuag wayam.”

Mikas 1:2

Fagayu am tagbanwan sas fagdaul daga, dungugani. Aroro Fun Dius Yawi nangaringang sabaliwa ayu siginan at Bale yud e malong.

Malakyas 2:14

Ay ginto am te, ‘Wain faginfasludanun takatanya?’ Anfasludan sa ayu takatanya aroro Yawi wan tagfatuyan te, naubun am ay ngay mesa mangena ay wam nafae masuad ay nasadian gina am kadadwa.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Ruma 1:9

Gfaning au Dius sas fagdaul ku fakaylatun nu kamoyung au at Masine fag Barita sabaliwa at Baguama. Ay Dius nasaful wa te, gdarangin au gugat ayu,

At Nafasure 1:5

ay siginan tam Fun Isus, at matuyan fag tagfatuyan, ay at taguna naleleg siginan at fagmabulanan, ay tagtungud fag Fun ste swa daga fag ngay fun. Kanya kesug tua antam, ay siginan at nabulanan nafalfas tua antam siginan tam ngay asalanan.

At Nafasure 3:14

“Riruki sas tagbarita tagulit ngay tagafanud sis Laudisya te, “At ke ngayan te, Anud, ay at matuyan ay at mafanud nu e longan, ay fakasigadan Dius at awatan fagayu, kanya glong te,

Tagfangguna 11:10

Ay kanya fagayu nabalus te, “Gfadiuganan ami emu. Yawi tam tagfatuyan.”

1 Samwel 12:5

Nu katanya, Samwel nalong sa sangay taw te, “Katsi fag menit, Yawi wan ay at nafili fag fun tagfatuyan te, kdi e nafakamulun sa ayu at mauri.” Ngay taw nabalus te, “Anud, Yawi wan tagfatuyan.”

1 Samwel 20:42

Yunatan nalong sas Dabid te, “Mabayan tua ro nangus nu glao o. Yawi nangus taggubuk anta nu gfafasludan ban ta fagayu ta nasadian ay anggan ban sa ta ngay kasugfunanan.” Dabid nalao wan ay Yunatan anfoli wan sas furuan.