Eremyas 42:22 - Fanawbuid tagsibaliwas Fakayabian

²² Nu katanya, katsi gfatuyanan au sa ayu te, kabul ban am sas awayan, sas fanlunus, ay sas fakasaitun sis talun Igiptu, ay nusnga nday ban nu gbanwan am.”

Eremyas 42:22 ပူးပေါင်းရင်းမြစ်များ

Isayas 30:3

Dewa katanya ngap, kapla ban talun Igiptu at fun nu ggubuk anya.

Eremyas 24:10

Gfadasug kban sa anya fagayu awayan, fanlunus, ay fakasaitun yakmay ban anbul si ku nafon sa anya fagayu ay sat ngay mangaguyang fag fagbanwanan.”

Eremyas 42:17

Fagayu ban takaylat namanwan sas talun Igiptu kabul ban sas awayan, sas fanlunus, ay sas fakasaitun. Ay nusnga sinu ban wa malangfe ya ay malagyu siginan ku fagnamadasugun fag faurianan.’

Eremyas 43:11

Ay sanya ginan ban kanya namawayan talun Igiptu ay kabul ban sas fakasaitun at nafalganan kabul, ay gatabanan ban at nafalganan gatabanan, ay kabul ban sas awayan at nafalganan kabul.

Eremyas 44:12

Am at kinsawad tagleleg sis talun Uda at nafabulunan glao sties talun Igiptu, umbul ban am, fagayu am at yud e kwa ay anggan takadungug. Kabul ban am sis awayan ay sis fanlunus. Ay e gfauri ban ay e gfalingun ayu.

Esekyel 33:27

“Au, Fun Dius Yawi gfatuyanan au te, kafanud nu gleleg au, ngay taw ban at sawad sit marasrasan fag furuan daul kabul sas awayan. Ay at sawad ban tagsis talun, ngay mangilafang ban kagat wan, ay tagsi sangay fagsuksuanan fag ngay luib kabul sas fakasaitun.

Esekyel 6:11

Sanya ginan, Yawi ku Fun nalong angku te, “Talaptapi am daluap ay talasi sas daga am darafa, aroro sa sangay taw Israel at nafakamulun mauri ay at masuya. Kanya wan at malong at fagnangabulun ban sas awayan, sas lunus ay sas fakasaitun.

Esekyel 6:12

Ngay taw ban tagbanwan sa tangayayu umbul sas fakasaitun. Ay at munakbang ban umbul sas awayan. Ay at sawad ban umbul sas lunus. Takatanya ban fag balyawvtan kanya fagayu sumaful te, maksvn nu kadotama au anya fagayu.

Usea 9:6

Dewa am glagyu fakabulun, gfaful yay ban ayu sas talun Igiptu ay namoli ayu sas Memfis. Ngay makmak ay madugi fag ngay tanum gfaut ay ngay mabyat fag ngay fagagbilugun salapi ay ngay bale.