Eremyas 42:18 - Fanawbuid tagsibaliwas Fakayabian

¹⁸ Yawi at Mabalyanan, Israel at Dius, glong yay fia te, ‘Nu setain nu gfalag au sa sangay taw Erusalem nu kadotama au maksvn, gfalag kyangay ban sa ayu ku fandotaman nu glao way ban am sas talun Igiptu. Ngay taw ban maksvn nu gfauri ayu. Kanya ban fagayu gfalingun ay gngayan ban ayu te, mauri, ay wa ban am makafoli ya stae fag talun.’

Eremyas 42:18 ပူးပေါင်းရင်းမြစ်များ

2 Krunika 34:25

Namalag au ku dotama stae fag furuan, ay wa ban e mafaragang, aroro ku ngay taw natalyuyan angku ay nawat tibak fagsegan ay naseg.’

Isayas 30:3

Dewa katanya ngap, kapla ban talun Igiptu at fun nu ggubuk anya.

Isayas 65:15

Ay ku ngay fagsuguan ban gfauri ay ngayan, ay au Fun Yawi, at namabul ayu. Dewa katanya, namon kban sa ku ngay fagsuguan at bagu fag ngay ngayan.

Eremyas 18:16

Nu katanya, at talun ban umsik mabaluanan ay umsik tagafalingunan ban gugat. Ay fagayu ban tagdalan sanya maksvn nu kalimu ay gtadtaruyan.

Eremyas 22:27

Ay wa ban am manangafoli ya sa ay fakaylatun fag talun.”

Eremyas 23:40

Ay namae fakaplaun kban ayu yud e fakatabuan ay at yud ban kalyam ya kabavn.”

Eremyas 24:9

Nama sik masuya au anya fagayu sa sangay fagfunanun sas fagdaul daga. Ay tiba bank talun gfalingun ay gfauri anya fagayu nusnga nday nu gbanwan.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 26:6

grasras kban tuy fag bale kata ku nafakamulun sis Silu. Ay fagayu ban talun sas fagdaul daga gfauri kanya fag furuan!’ ”

Eremyas 29:18

Anud, awayan ban ay fanlunus ay fakasaitun gfafalo anya fagayu, ay tiba bank fagfagtainanan gfalingun anya fagayu. Ay gaiyan kban anya fagayu sas nusnga nday fag talun, ay ngay taw ban gfauri, gfalingun, ay kadotama maksvn anya fagayu.

Eremyas 29:22

Aroro sat kinfasludan, ngay taw Uda at natabanan sas talun Babilunya gfatuyanan sat ngay iba te, ‘Yawi nangus gfabul wan emu kata talun Babilunya at fun nu girug Sedekya ay Akab.’

Eremyas 33:5

ngay taw Babilunya ban masakbo way. Ngayu ban takabul ste fag furuan, ay aroro maksvn nu kadotama au ayu, nangiklas kwan ay furuan. Gtalyuyan kwa ban tuy fag furuan aroro sat fagmauriun.

Eremyas 44:12

Am at kinsawad tagleleg sis talun Uda at nafabulunan glao sties talun Igiptu, umbul ban am, fagayu am at yud e kwa ay anggan takadungug. Kabul ban am sis awayan ay sis fanlunus. Ay e gfauri ban ay e gfalingun ayu.

Eremyas 44:22

Yawi wa nkagwanta ay ngay nafakamulun at mauri ay at masuya, nu katanya, kanya narasras ay talun ay ansik mabaluanan aroro we gbanwan ya.

Eremyas 44:6

Nu katanya, nafadasug au sa anya fagayu at maksvn ku fandotaman. Nu kadotama au anya fagayu kata afuy nu girug at ngay furuan tagsis Uda ay Erusalem, ay dasug katsi kanya fag ngay furuan mabaluanan way lang ay marasrasan.

Eremyas 44:8

Wain ay fakauriun angku siginan nu kawat am tibak fagsegan? Ay girug am ngay famaebebanglu laman sa kafag ngay fagsegan sanya sis talun Igiptu nu inda nu gbanwan am. Ay nafauri am ay ngay sadili ay nafa sik ngay masuya ay nafae fakaplaun am ayu sa sangay talun sas fagdaul daga.

Eremyas 6:11

Maksvn yangay nu kadotama au, kata Yawi nu kadotama, ay kwa kagwanta ya.” Yawi nalong te, “Namadasug au ku dotama sa sangay sisian tagawean, ay sa sangay baguama at maful, ay sa sangay dadwa ay anggan sat ngay mafagtainan wan.

Eremyas 7:20

“Au, Yawi ay Fun, glong au te, namadasug au ste fag furuan ku dotama at maksvn: sa sangay taw, ay sa sangay fagbaugun, ay sa sangay fun kayu, ay sa sangay tanum. Ku dotama kata sik afuy at yud e mafarabung.

Takabalu 2:4

Ay kanya gfatiuan at banyas sat ngay taw kata nu at fawayan. Ay nafabul wan at fagfanagsagun fag ngay taw. Ay kanya nafadasug sa sangay taw Israel at dotama kata sik afuy.

Takabalu 2:6

Kanya narasras at bale kata way nu sik tanum. Ay kanya nafalyam siginan sangay taw Erusalem at amatanganan ngay fagmafulun ay Famiangalay fag Menit. Ay at kaksvnan nu kadotama kanya naiyan wan ngay fun ay anggan ngay tagfon fanggalangun.

Takabalu 4:11

Yawi andotama maksvn furuan Erusalem, ay kanya nairug kafag furuan anggan at ngay fagfatungkudan turuk.

Esekyel 20:34

Ay siginan ban ku fagmabalyananun ay ku dotama, namaful au ayu siginan ngay talun nu inda nu gbanwan am,

Esekyel 22:22

Kata nu gfatinas salapi sasad afuy, namatinas kyangay ban ayu, ay sumaful ban am te, au Yawi at nafalag sa ayu ku dotama!’ ”

Daniel 9:11

Fagayu taw Israel wa nafaning am faugali; kanya fagayu wa kaylat gfaning am longan. “Aroro sa em ngay asalanan, andasug sa emi sik faurianan kata at marirukan sim fagsuguan Muisis at Faugali.

Daniel 9:27

Ay kanya ban fag tagfangguna kawat sik maksvn fag nasadian laman sa sangay taw kaduge fituk banwa. Dewa katanya, nu nlangfe ban tuluk banwa ay unumk magdanun, kanya ban gfaragang wan nu gfon fanggalangun sis Yawi at bale ay kanya ban namasakbo sanya at mauri fag fagagbilugun tagfayud e masuad at bale. Ay kanya ban gbanwan sanya yakmay andasug Dius at nafalganan fag buknga laman sa kafag tagfangguna at fakatabuan.”

Usea 7:16

Kanya fagayu nananget oma gubuk sat yud e tungkul fag ngay fakakbangan. Kanya fagayu kata way sik yud e masuad fag godun. At ngay tagfangguna anbul sas awayan aroro wa matuyan at ngay longan. Nu katanya, ngay taw Igiptu ban namalingun anya fagayu.

Naum 1:6

Sinu at magwanta Yawi nu nkuri? Aroro kanya nu nkuri, kata nu gfaduksun afuy siginan at bibig, ay gang kabaltak sit salubangan.

Sakaryas 8:13

Ngay taw Uda ay Erusalem, tibak talun at taw nafaurianan ayu, dewa katanya, namalangfe au ayu, ay siginan ban ayu kanya ban fagayu tumoglag angku. Nu katanya, lag am kalimu, ay fabitsugi ay amatanganan.”

Tap 5:27

Nu matuyan way nafauri at sadili siginan nu nafamabo at mangama, at nainum fag mamam tagtaban anya sat maksvn fag fagidapun. Kanya ban wa gfafion ya ay Dius at famauri umsik famasaful sas fagayu taw.

At Nafasure 14:10

kanya ban fag ngay taw nanginum yangay fanlangu, at masuad te, Dius at fandotaman. Ay gfaurianan ban anya fagayu sas asupri, sis salubangan Tupa at Riangan ay sis Dius at ngay tagbarita.