Eremyas 42:16 - Fanawbuid tagsibaliwas Fakayabian

¹⁶ galo way ban gugat ayu ay fakalimuun fag awayan ay fag fanlunus, ay kabul ban am sanya.

Eremyas 42:16 ပူးပေါင်းရင်းမြစ်များ

Fangatulun 13:21

Takadasug sa sangay tagasalanan faurianan way, dewa katanya, sat matuyan fag ngay taw, gfon ban nusnga setaw at masine.

Eremyas 27:8

“ ‘Dewa katanya, sik talun ban at ngay taw ay sik fagmafunanun way kaylat gfababaun ay gfaning fun Nabukudunusur, talun Babilunya at fun, namaurianan kban kanya fag talun at ngay taw sas awayan, fanlunus, ay fakasaitun yakmay kban nafagbilug kanya fagayu sas fun Nabukudunusur. Au, Yawi, taglong tuy.

Eremyas 41:18

Aroro kanya fagayu kalimu ngay taw Babilunya aroro Ismael nafabul Gedalya, Babilunya at fun at nafili fag fun sirut sas fagdaul talun Uda.

Eremyas 42:13

“Dewa katanya, nu dway ban am gfaning ay Dius Yawi, ay nu glong way ban am te, ‘Wa ban ngaduge nu gbanwan ami ste fag talun,

Eremyas 44:27

Abat ngate kban gdiri ayu laman e fagmasineun am, gfaurianan kway ban ayu. Ay fagayu am tagbanwan stes talun Igiptu, kabul ban am sas awayan, sas fanlunus yakmay ban am ankamin.

Esekyel 11:8

Kalimu wayam awayan, dewa katanya, kanya ban fag awayan ku famabul ayu. Au, Yawi ay Fun, taglong tuy.

Sakaryas 1:6

Dewa katanya, anfasludan say ngay mangaguyang ku ngay nalong ay ku ngay famararang siginan ku ngay fagsuguan fag ngay taglong. Ay ay ngay mangaguyang namatangan ay nalong te, ‘Yawi at Mabalyanan nafaurianan antam kata tam nasalan ay at algan sa antam.’ ”

Uan 11:48

Nu dway ban tam kasalag, fagayu ban taw gafanud sa anya. Abandi ban manga ngay taw Ruma umdasug ay nanrasras Dius at bale ay namauri antam anggan tam talun.”

Deuterunumyu 28:15

Dewa katanya, nu dway ban am gsuyu ay Dius Yawi ay way ban am fia gfaning fagayu at ngay suguan ay at faugali ku nafon ayu katsi, umfaurianan ban am takatatuy fag ngay faurianan:

Deuterunumyu 28:22

Yawi gfaurianan ayu siginan takamabul fag fakasaitun, ay ragnat ay yapvs, ay at masugba fag tagmara, ay tangaduge fag mangune, ay gfadasug yangay ban faurianan sa ay ngay tanum yakmay ban am anbul.

Deuterunumyu 28:45

Nu dway ban am gfaning ay Dius Yawi at ngay suguan ay at ngay faugali at nafon ayu, kafasludan ban sa ayu takatanya fag ngay faurianan yakmay ban am anbul.