Eremyas 42:14 - Fanawbuid tagsibaliwas Fakayabian

¹⁴ ay glao ban mi sas talun Igiptu ay namanwan ami sanya, aroro sanya we awayan ay di malunus,’

Eremyas 42:14 ပူးပေါင်းရင်းမြစ်များ

Nu Galin 16:3

ay nalong te, “Amasine yap Yawi nu nafabul di emi sis talun Igiptu, nu inda nu kon ami gugat yamas ay tiba yak fakonun em fakaylatun. Ay natabanan am emi stae sat yud e taw fag talun laman namabul sas lunus.”

Nu Galin 17:3

Dewa katanya, ngay taw Israel maksvn nu kadanum, ay gfataglayun gfayud Muisis te, “Wain ro am fagnafaloun emi siginans talun Igiptu nu nangabul way ngap mi lang stae ay nangadanum anggan em ngay sisian ay anggan em ngay fagbaugun?”

Isayas 30:16

Ay nalong am te, ‘Malagyu waymi siginan em ngay fawayan, aroro fagayu em ngay kabayu matarung tua.’ Anud, umlagyu wam fia, dewa katanya, at namafalo ayu amatarung yap tua.

Isayas 30:2

Kanya fagayu glo wan sas talun Igiptu laman nanget gubuk sat fun, ay wa get gubuk sa angku.

Isayas 31:1

Afanyuan, fagayu am at nanget gubuk sas talun Igiptu. Gsarig am sat matarung fag ngay kabayu, ay at tangayu fag faguyudan fangawayan, ay at magaras fag ngay tagsaful gsakay sis kabayu. Dewa katanya, wam gseg Yawi, Israel at Dius at yud e Malong, ay wam nanget gubuk sa anya.

Eremyas 4:19

“Kwa magwanta ya gamatangan ku ngay fagidapun at kaksvnan nu maidap. Ku dubdub gsubsubuan ay kwa kagwanta ya. Aroro nadungug au sik budyung at awang ay sik uro siginans fagawayanan.

Eremyas 4:21

Seduge ya ban manga nu glag au famasaful fag ramit sabaliwa nu gawayan, ay nu gdungug au budyung at awang?”

Eremyas 41:17

Ay kanya fagayu nataglayun sas Gerut-Kimam munakbang sis Betleem ay andasug sas talun Igiptu.

Eremyas 43:7

Kanya fagayu abat ngate nafaning Yawi, nafataglayun way nu glao sas talun Igiptu, ay andasug sas furuan Takpanes.

Tap 14:3

Wain Yawi at fagnatabanun antam stae fag talun? O laman nangabul tam sas awayan ay e nantaban tam ngay mangena ay tam ngay sisian? Kafoli yap tam siring sas talun Igiptu.”

Tap 14:4

Ay ngay taw Israel kamatoan te, “Gfili tam sik tagfangguna ay kafoli yap tam sas talun Igiptu!”

Tap 16:13

O nunda ya kasakan sa emu, am natabanan emi siginans talun Igiptu, sanya at masine ay maramraman fag talun, laman nangabul ami stie fag talun at yud e taw? Ay katsi, kaylat o namagtainan emi.

Deuterunumyu 17:16

Ay nafili fag fun wa masine gbul ngayuk kabayu, ay wa masine gfafoli sas talun Igiptu at ngay fagsuguan laman namayad ngay kabayu, aroro Yawi nalong te, “Lag am kafoli ya sanya.”

Deuterunumyu 29:19

Nusnga sinu ban at nadungug tuy fag famararang, lag ban gamatangan sat sadili te, wa ban umfaurianan dewa gfakamulun at fakaylatun. Aroro takatanya gfadasug way ayu sas faurianan.