Eremyas 42:11 - Fanawbuid tagsibaliwas Fakayabian

¹¹ Lag am kalimu ya Babilunya at fun aroro gufud ktua ban gugat ayu ay gfalangfe siginan at daluap.

Eremyas 42:11 ပူးပေါင်းရင်းမြစ်များ

2 Fun 25:26

Sanya ginan, fagayu taw takadungug anggan at yud kadungug, ay fun tagfawayan nalagyu sas talun Igiptu aroro maksvn nu kalimu taw Babilunya.

Alubad. 118:6

Yawi gufud tua angku, nu katanya, kdi e fakalimuun. Nataw ya nunda ngay taw at fagmafakamulunun sa angku?

Alubad. 46:11

Yawi at Mabalyanan gufud antam. Ay kanya yangay fag Dius, Akub at Dius, tam fagsarirungan.

Alubad. 46:7

Yawi at Mabalyanan gufud antam. Ay kanya yangay fag Dius, Akub at Dius, tam fagsarirungan.

Isayas 41:10

Lag o kalimu aroro au wan am Dius. Namabitsug au ay nanggubuk emu. Ku fagmabalyananun tagfaksvn emu ay tagfalangfe.

Isayas 43:2

Dewa o glao sasad mamam, au wan am fadgaloan. Ay dewa o gdife sa sangay liskung, di o kalimus. Ay dewa o gdalan sasad afuy, wo kairug, ay di o kasugba dewa sasad igang.

Isayas 43:5

Lag o kalimu aroro au wan am ufud. Namaful kyay ban fagayu am ngay kasugfunanan tagsis fakamenitan ay tagsis fakayabian.

Eremyas 1:19

Kanya ban fagayu namawayan emu, dewa katanya, gababawan way ban, aroro gufud kban ay ggubuk emu. Au, Yawi, taglong tuy.”

Eremyas 1:8

Lag o kalimu ngay taw aroro gufud kban ay gdiri emu. Au, Yawi, taglong tuy.”

Eremyas 15:20

Namakata kban emu sik mogat fag alad at fangawat tansu laman sa sangay taw. Kanya ban fagayu namawayan emu, dewa katanya, wa ban gbabo aroro gufud ktua ban gugat emu. Gdiri kban ay gfalangfe emu. Au, Yawi, taglong tuy.

Eremyas 27:11

Dewa katanya, ngay talun at ngay taw tagfaning Babilunya at fun, si tua ban gugat at ngay mesa talun. Sanya way ban nu gbanwan ay gtanum sit mesa daga. Au, Yawi, taglong tuy.’ ”

Eremyas 27:12

Ay nalong kyangay sas Sedekya, Uda at fun te, “Faningi Babilunya at fun. Fakamuluni sa anya ay sat ngay taw laman ban gleleg tuam.

Eremyas 27:17

Lag am gafanud anya fagayu. Fakamuluni laman sas Babilunya at fun laman ban gleleg tuam. Ay wain? O kaylat am tuy fag furuan nu karasras?

Eremyas 41:18

Aroro kanya fagayu kalimu ngay taw Babilunya aroro Ismael nafabul Gedalya, Babilunya at fun at nafili fag fun sirut sas fagdaul talun Uda.

Tap 14:9

Lag am kamabo Yawi. Ay lag am kalimu kanya fag ngay taw aroro gbabo waban tam fia. We ggubuk anya fagayu, dewa katanya, Yawi ggubuk tua antam. Nu katanya, lag am kalimu kanya fag ngay taw.”

Mateu 10:28

Ay lag kalimu tagfabul ay bilug aroro we mafafabul ay falad. Ay fakalimuun at mafamin tua ay falad ay ay bilug sas Afuy Daul.

Mateu 28:20

Foyungi sa anya fagayu, laman gfaning fagayu ku longan sa ayu. Matuyan, si ktua ban gugat ayu, sitsigons fagdaul daga at fakatabuan.”

Fakamulun 18:10

Aroro gufud au gugat emu. We mafauri emu aroro ngayu tua tagfaning angku ste fag furuan.”

Ruma 8:31

Nataw ya tam longan sa takatanya fagayu? Dius nu siwa antam, sinu at mafabadbaboan antam?

Deuterunumyu 20:4

Aroro ay Dius Yawi gufud tua ayu, ay kanya namawayan ay ngay fawayan laman sa ayu, ay namababo ayu sa ay ngay fawayan.”

2 Timuteu 4:17

Dewa katanya, tam Fun naufud tua angku ay nafon angku fagmabitsugun laman mananfamoyung au at Masine fag Barita sas yud Udyu fag ngay taw. Tam Fun nafalangfe angku siginans fakabulun.

Uswe 1:5

“Wa ban e mababo emu kaduge o gleleg. Gufud kban gugat emu kata nu gufud au Muisis. Kwa ban gubun ay gfabayan emu.

Uswe 1:9

Amatangi gugat ku suguan emu: maksvni tua ay maseganamai. Lag o kalimu ay kamomuy aroro au, Yawi am Dius, tagufud emu nusnga nday ban o.”