Eremyas 42:10 - Fanawbuid tagsibaliwas Fakayabian

¹⁰ ‘Nu gbanwan tua ban am gugat ste fag talun, gfadog kyay ban gfalindug ayu ay kwa ban gfaurianan ya ayu. Gtanum kban ayu ay kwa ban ggulad ya. Aroro at matuyan, anbalu au sa ku nafadasug sa ayu fag faurianan.

Eremyas 42:10 ပူးပေါင်းရင်းမြစ်များ

2 Samwel 24:16

Ay gina tagbarita namabul ngay taw sis Erusalem, Yawi anfanyu kafag ngay taw. Nu katanya, kanya nalong sa kafag tagbarita te, “Sabv ro! Faragangi wan nu gfaurianan o anya fagayu.” Ginanya Yawi at tagbarita malindug sis Arauna at fagruyusan, kanya sik taw Ebus.

Alubad. 102:16

Aroro Yawi ban gdog yay namalindug furuan Siun, ay namasure at fagmasineun.

Alubad. 106:45

Ay Dius namatang at nasadian sat ngay taw, ay siginan nu mafangesug, di nafataglayun nu kadotama at ngay taw.

Alubad. 37:3

Afanudi sas Yawi, ay fakamuluni at masine. Ay gbanwan ban o manabayan iste fag talun.

Alubad. 69:35

Aroro Dius ban gfalangfe Erusalem ay gdog yay ban gfae ngay furuan sis Uda. Ay at nafili ban fag ngay taw namanwan ay nangagbilug sanya fag daga.

Nu Galin 32:14

Nu katanya, Yawi di nafataglayun at algan nu namabul at ngay taw.

Eremyas 24:6

Gdiri kban anya fagayu laman umke fagmanabayanun ay gfafoli kban anya fagayu sat fagbanwanan. Namadog kban namaksvn anya fagayu ay kwa ban gfaurianan ya. Nantanum kban anya ay kwa ban gdog ya ggulad.

Eremyas 26:19

“O Esekyas ay ngay taw Uda nafabul Mikas? Duan! Esekyas anlimu tua Yawi ay ankakbang sa anya. Nu katanya, Yawi wa nafataglayun at algan fag faurianan sa anya fagayu. Ay nu nafabul ro tam Eremyas, itam yay tagfaurianan antam.”

Eremyas 27:11

Dewa katanya, ngay talun at ngay taw tagfaning Babilunya at fun, si tua ban gugat at ngay mesa talun. Sanya way ban nu gbanwan ay gtanum sit mesa daga. Au, Yawi, taglong tuy.’ ”

Eremyas 31:28

Ebi nafaurianan au, ay nafamin ay narasras ay naiyan anya fagayu, dewa katanya, namadog kyay ban namalindug ay namaksvn.

Eremyas 33:7

Namauli kwan ngay taw Israel ay ngay taw Uda siginan at fagatabananan, ay namawat kyay ban gayvd at furuan daul kata ebi.

Eremyas 43:4

Nu katanya, Ukanan, Kareak at baguama, ay at ngay ufud fag ngay fun tagfawayan ay fagayu taw wa nafaning Yawi at suguan te, banwani way gugat sis talun Uda.

Esekyel 36:36

Ay fagayu ban talun tagligung si ayu sumaful te, au Yawi at nafawat ay ngay furuan at kinrasras, ay at natanum nusnge wain sa ay talun ebi ataw at mabaluanan. Matuyan, namakamulun kban takatanya fagayu. Au, Yawi, taglong tuy.’ ”

Usea 11:8

Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Uel 2:13

Ubuni wan ay fagmauriun sas fagdaul ay amatanganan siginan nu ggirat am ay ngay lanbung, laman gfasaful am sa sangay taw te, gubun am ay ngay asalanan. Afolii sa ay Dius Yawi, aroro kanya mafangafanyu ay mafamamatang, ay mafangesug ay di masakit gfangadotama. Ay mafalganan tua gfabali at amatanganan laman di gfadasug ngay faurianan.

Amus 7:3

Nu katanya, Yawi nafabali yay at amatanganan ay nalong te, “Wa ban umfasludan ya takatanya.”

Amus 7:6

Ay nu katanya, Fun Dius Yawi nafabali yay at amatanganan ay nalong te, “Wa ban umfasludan ya takatanya.”

Unas 3:10

Dius nalag kafag ngay taw Ninibe nu gubun at ngay ugali at mauri. Nu katanya, kanya nafabali tua at amatanganan, ay di nafaurianan anya fagayu kata ebi at longan.

Unas 3:4

Ay Unas nasakbo sas furuan Ninibe. Ay at nalao nu sik menit wan, kanya nauro sa sangay taw tagbanwan sanya te, “Ufat way langk safuluk menit ay furuan gafaurianan wan.”

Unas 4:2

Nu katanya, Unas nalong sas Yawi te, “Yawi, matuyan ebi ku nalong gina au si em furuan te, nangafanyu o kafag ngay taw tagsis Ninibe nu gubun tua at ngay asalanan, aroro nasaful kwa te, sik Dius tuo at mafangafanyu ay at mafangamatang. Ay mafangesug tuo ay di o gfangadotama. Ay mafalganan tuo gfabali am amatanganan laman di o namaurianan. Kanya wan ku fagnalagyuun sas Tarsis.

Fakamulun 15:16

“ ‘Nu ntabu ban takatanya kafoli kwan, ay nandog kban namawat Dabid at fagbanwanan at kinrasras, ay nandog kban namalindug kafag bale at kinkarit,

Deuterunumyu 32:36

Yawi ban gfalangfe at ngay taw, ay kanya ban kafanyu at ngay fagsuguan, nu nalag ban te, kanya fagayu we fagmabitsugun ya, ay nu alay way lang at sawad, ay anggan at ngay fagsuguan.

Tagfangguna 2:18

Yawi nagubuk tua fagayu at nasugu fag ngay tagfangguna ay nafalangfe ngay taw Israel siginan at ngay fawayan kaduge ngay tagfangguna gleleg, ay anfanyu tua, aroro nalag at ngay nakalpan siginan at ngay nafaidapan ay at nafauri anya fagayu.