Eremyas 42:1 - Fanawbuid tagsibaliwas Fakayabian

¹ Sanya ginan, Ukanan, Kareak at baguama, ay Asarya, Usaya at baguama ay at ngay ufud fag tagfawayan, ay fagayu taw, at yud e kwa ay anggan takadungug nanangakbang sas Eremyas.

Eremyas 42:1 ပူးပေါင်းရင်းမြစ်များ

2 Fun 25:23

Uda at ngay fun tagfawayan ay at ngay tagfawayan nu nadungug te, Gedalya ansik fun sirut, kafag ngay fun tagfawayan nalao sa anya sas Mispa. Kafag ngay fun tagfawayan Ismael, Netanya at baguama, Ukanan, Kareak at baguama, Seraya, Tankumet at baguama fag taw Netufa, ay Aasanya fag taw Maaka, gadgaloan at ngay tagfawayan.

Isayas 29:13

Ay tam Fun glong te, “Kafag ngay taw nu gseg angku ay nu gfauseganan angku sit bibig way lang, ay dewa katanya, at amatanganan ngayayu way angku. Ay nu gseg angku gfaning way taw at suguan.

Isayas 48:1

Dungugani, am, Akub at ngay kasugfunanan, at ngayan yangay te, Israel, tagsiginans Uda at kasugfunanan. Maksvn nu gfatuyanan am sas Yawi at ngayan nu get am sas Israel at Dius. Dewa katanya, kamaningan wayam, aroro wa matuyan ay ngay ugali.

Eremyas 37:3

Nu katanya, fun Sedekya nasugu Yeukal, Selemya at baguama, ay Sefanyas fag tagfon fanggalangun, Maaseya at baguama te, “Loi sas Eremyas ay nanget am sa anya te, darangini emi sa tam Dius Yawi.”

Eremyas 40:13

Ay Ukanan, Kareak at baguama, ay tiba yak tagfawayan at yud nafababaun sa sangay taw Babilunya, nasas Gedalya sas Mispa,

Eremyas 40:8

Nu katanya, kafag ngay fun tagfawayan nalao sas Gedalya sas Mispa. At ngay ngayan: Ismael, Netanya at baguama, Ukanan ay Yunatan, Kareak at ngay baguama, Seraya, Tankumet at baguama, Efay at ngay baguama fag taw Netufa, ay Aasanya fag taw Maaka, gadgaloan at ngay tagfawayan.

Eremyas 41:11

Ay Ukanan, Kareak at baguama, ay at ngay fagsuguan nadungug sabaliwa Ismael at nafakamulun mauri.

Eremyas 41:16

Ismael nu nafabul Gedalya ay nataban ngay taw siginans Mispa, Ukanan ay at ngay fagsuguan nafaful kanya fag ngay taw: ngay tagfawayan, ngay mangena, ngay sisian ay anggan ngay tagfangguna sis fun at bale, ay nataban anya fagayu siginans Gibyun.

Eremyas 41:18

Aroro kanya fagayu kalimu ngay taw Babilunya aroro Ismael nafabul Gedalya, Babilunya at fun at nafili fag fun sirut sas fagdaul talun Uda.

Eremyas 42:20

Wa masine ay fakamulun. Nafababaun am naet sa angku laman nangakbang au sa ay Dius Yawi ay gdarangin laman sa ayu ay nafatuyanan am te, gfakamulun ban am fagayu at nalong sa ayu.

Eremyas 42:8

Nu katanya, Eremyas nafaful Ukanan, Kareak at baguama, ay fagayu at tagfawayan ay anggan fagayu taw, at yud e kwa ay anggan takadungug.

Eremyas 43:2

Asarya, Usaya at baguama, ay Ukanan, Kareak at baguama, ay tiba yak mangama takamuag nalong sas Eremyas te, “Kamuag way o! Yawi em Dius wa nasugu emu laman nanlong o sa emi te, wami masine glao sas talun Igiptu laman namanwan sanya.

Eremyas 44:12

Am at kinsawad tagleleg sis talun Uda at nafabulunan glao sties talun Igiptu, umbul ban am, fagayu am at yud e kwa ay anggan takadungug. Kabul ban am sis awayan ay sis fanlunus. Ay e gfauri ban ay e gfalingun ayu.

Eremyas 6:13

Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Esekyel 11:1

Sanya ginan, at Falad nabuba angku sas Yawi at bale sabaliwa sfakamenitan fag sakbawan. Ay sanya e duak safulu e limak taw, at dua at ngayan Aasanya, Asur at baguama, ay Pelatya, Benaya at baguama. Kanya fag dua tagfangguna ngay taw.

Esekyel 33:31

Nu katanya, ku ngay taw gadgaloan sa emu, kata nu kaylat nandungugan emu. Ay aroro mangaro, kanya fagayu wa gfaning am longan. Kafag ngay taw kamuagan te, kesug angku, ay at matuyan at ngay amatanganan galabian way salapi.

Esekyel 8:11

Ay malindug sanya Israel at ngay tagfangguna fag fituk safulu, ay at sadi tagsanya, Aasanya, Safan at baguama. Ay galay at sadi e bitbitan famanus famaebebanglu, ay kanus sat tungud.

Mateu 15:8

‘Tuy fag ngay taw, nu gseg angku si way lang at aringang, dewa katanya at amatanganan ngayayu way siginan angku.

Fakamulun 8:10

Ay sanya fag furuan at ngay taw gdungugan anya, mabalyanan man ay duan. Ay kanya fagayu glong te, “E gfangayan tuy fag taw te, ‘Dius at maksvn fag fagmabalyananun.’ ”