Eremyas 41:1 - Fanawbuid tagsibaliwas Fakayabian

¹ Sis fafituk magdanun ginanya fag banwa, Ismael nalao sas Gedalya sas Mispa, gadgaloan safuluk taw. (Ismael, Netanya at baguama ay Elisama at fufu tagsiginans fun at kalongan. Kanya ebi fun at tagfangguna at sadi. Ay Gedalya, Akikam at baguama.) Ay kaduge kanya fagayu gfangon,

Eremyas 41:1 ပူးပေါင်းရင်းမြစ်များ

2 Samwel 3:27

Ay Abner nu ndasug sas Kebrun, Uab nataban anya sas sakbawan furuan daul ay kanya masine nu gfakamatoan anya. Ay Uab naurus Abner at ungdan laman famasud at nafabul Asael at faduksay. Ay Abner anbul wan.

2 Fun 11:1

Atalya nu nasaful te, at baguama Aasya anbul wan, kanya anke algan namabul Uda at fun at ngay kalongan fagayu.

2 Fun 25:22

Nabukudunusur, Babilunya at fun, nafili Gedalya, Akikam at baguama Safan at fufu, laman sik fun sirut sat kinsawad fag ngay taw sis Uda.

2 Fun 25:25

Dewa katanya, sis fafituk magdanun ginanya fag banwa, Ismael, Netanya at baguama, Elisama at fufu tagsiginans fun at kalongan, nalao sas Mispa, gadgaloan safuluk taw. Kanya fagayu nafabul Gedalya ay at ngay fadgaloan fag ngay taw Uda ay fag ngay taw Babilunya.

2 Krunika 22:10

Atalya nu nasaful te, at baguama Aasya anbul wan, kanya anke algan namabul Uda at fun at ngay kalongan fagayu.

Alubad. 109:5

Dewa au kesug anya fagayu ay nafakamulun at matuyan, at famangsi sa angku mauri way.

Alubad. 41:9

Ay dewa ku fagadgalangan fia ay tagfasfuan angku gfangon ay ku fagananadun gugat, ankuri ay natalyuyan wa angku.

Fangatulun 13:10

Fakamatungudunun at fungfung fagawayanun way, ay fagsigadan fagbadbaboanun, dewa katanya, tagdungugan tua ngay foyungan, kanya gfasaful te, kafag taw e fagsafulun.

Fangatulun 27:4

Mauri way sik taw tagfangadotama, dewa katanya, tagfangasulup aksvn yap nu mauri.

Eremyas 36:12

kanya nalao sas fun at bale daul, sa tagriruk at suluk, ay fagayu tagfangguna maful sanya. Ay sanya yangay Elisama fag tagriruk, ay Delaya, Semaya at baguama, ay Elnatan, Akbur at baguama, ay Gemarya, Safan at baguama, ay Sedekya, Kananya at baguama, ay anggan tiba yak fun.

Eremyas 36:20

Kafag ngay tagfangguna nafasas Elisama fag tagriruk at bale kafag rirukan, ay kanya fagayu nasakbo sas fun at bale, ay nafoyung sat fun fagayu at kinfasludan.

Eremyas 39:14

Kanya fagayu nafataban Eremyas siginan sangay tagulit at fagmafulan ay nafalaga sas Gedalya, Akikam at baguama, Safan at fufu. Ay Gedalya nataban Eremyas sat bale. Ay Eremyas anfamato way sis talun Uda magamut sit ngay kaiban.

Eremyas 40:13

Ay Ukanan, Kareak at baguama, ay tiba yak tagfawayan at yud nafababaun sa sangay taw Babilunya, nasas Gedalya sas Mispa,

Eremyas 40:5

Nu kaylat yay o kafamato ste, afolii way sas Gedalya, Akikam at baguama, Safan at fufu. Ay talun Babilunya at fun nafili anya laman tagalaga ngay furuan sis Uda. Masine way o gbanwan magamut Gedalya ay at ngay fagfagtainanan ay dewa nday am fakaylatun gbanwan.” Sanya ginan, Nebusaradan nafon anya ngay fakonun ay sik ngay famonun, ay Eremyas nalfas wan.

Eremyas 40:6

Nu katanya, Eremyas nalao sas Gedalya sas Mispa ay sanya wan nu gbanwan magamut at kinfamato fag ngay taw.

Eremyas 40:7

Sis talun Uda e ngay tagfawayan ay at ngay tagfangguna at yud nafababaun sa sangay taw Babilunya ay tagsuksuan sas talun buid. Kanya fagayu nadungug te, Babilunya at fun nafili Gedalya laman fun sirut sas fagdaul at talun laman gfangguna fagayu at maksvn nu gidapan fag ngay mangama, ngay mangena ay ngay sisian at yud natabanan sas talun Babilunya.

Eremyas 40:8

Nu katanya, kafag ngay fun tagfawayan nalao sas Gedalya sas Mispa. At ngay ngayan: Ismael, Netanya at baguama, Ukanan ay Yunatan, Kareak at ngay baguama, Seraya, Tankumet at baguama, Efay at ngay baguama fag taw Netufa, ay Aasanya fag taw Maaka, gadgaloan at ngay tagfawayan.

Esekyel 17:13

Kanya nataban Uda at fun at baguama at sadi ay kanya nawat sik nasadian, sik famatuyan sanya fag baguama laman taggubuk ban anya. Ay kanya nataban yangay takadungug fag ngay taw sis Uda,

Uan 13:18

Kwa glong te, fagayu am mauseganan wam. Aroro toglag kway ku ngay nafili. Dewa katanya, laman gfafasludan kata Dius at Longan te, ‘At nafasfuan angku gfangon, kanya ban at namauri angku.’