Eremyas 40:15 - Fanawbuid tagsibaliwas Fakayabian

¹⁵ Nu katanya, Ukanan nalao sas Gedalya we saful ay glong te, “Gfabul kwa ban Ismael, at yud e nasaful. Lag ta gfabayan Ismael nu gfabul emu. Aroro nu nafabul way ro emu, kanya wan tagfatuyan te, umsaruayan waban ay umkalyam ngay taw Udyu at kinfamato sis Uda.”

Eremyas 40:15 ပူးပေါင်းရင်းမြစ်များ

2 Samwel 18:3

Ay at ngay tagfawayan nabalus anya te, “Wo masine galo emi. Em ngay fawayan ro ya guseganan dewa mi nalagyu ay dewa nafabul emi am ngay tagfawayan sik wabilug. Kanya fagayu nu gyafabulun emu aksvn yap tua nu gyafabulun sadik libuk tagfawayan. Nu katanya, ste way o sfuruan daul ay fabubai way lang am fanggubukun gina ami gayudan.”

2 Samwel 21:17

Dewa katanya, Abisay, Seruya at baguama, andasug laman namalangfe Dabid, ay kanya nafabul kafag taw Filistia. Sanya ginan, Dabid at ngay tagfawayan nalong anya te, “Wami kaylat ya nu nangalo o emi laman namawayan. Aroro kata o sik salung sas Israel ay wami kaylat nu kabul o.”

Ub 31:31

Ku ngay fagsuguan saful te, nafafangon au nusnga sinu fag taw.

Eremyas 40:8

Nu katanya, kafag ngay fun tagfawayan nalao sas Gedalya sas Mispa. At ngay ngayan: Ismael, Netanya at baguama, Ukanan ay Yunatan, Kareak at ngay baguama, Seraya, Tankumet at baguama, Efay at ngay baguama fag taw Netufa, ay Aasanya fag taw Maaka, gadgaloan at ngay tagfawayan.

Eremyas 42:2

Ay kanya fagayu glong sas Eremyas te, “Fagayu ami at kinsawad gfainfanyuan ami sa emu te, darangini emi sam Dius. Ebi, ngayu oma mi, dewa katanya katsi, glag wo, wami ngayu ya.

Uan 11:50

O wam gamatangan ya te, amasine yap sik taw lang takabul laman sas fagdaul talun at taw, nu ddi ngap ban fagayu taw kamin?”

1 Samwel 24:4

Ay at ngay tagfawayan nainas Dabid ay nalong te, “Katsi wan Yawi at nalong sa emu te, ‘Namababawan au sa emu am fawayan. Fakamuluni sa anya kata am fakaylatun.’ ” Nu katanya, Dabid narimanan nangakbang Saul ay nafilas sik fungfung at lanbung.

1 Samwel 26:8

Abisay nalong sas Dabid te, “Katsi fag menit, Dius nafababo wan emu sam fawayan. Fabayani wa angku tagurus anya at sadili bangko. Sadi ginan kway ro gurus anya ay wa ro fagfadogun ya.”