Eremyas 40:10 - Fanawbuid tagsibaliwas Fakayabian

¹⁰ Gbanwan kyay ban sirut stes Mispa laman ban au ay tagwabilug sa sangay taw Babilunya nu ndasug ste. Banwani ban nusnga nday nu kaylat am gbanwan, ay gutlui ban at ngay tanum ubas ay ulibu at ngay rawvg, ay tiba yak kayu at ngay rawvg, ay fafuli ban sa sangay fagsuadan.”

Eremyas 40:10 ပူးပေါင်းရင်းမြစ်များ

2 Samwel 16:1

Dabid nu nsable wan buksul, Siba, Mefibuset at fagsuguan, nafablang anya ay kanya e tabanan duak asnu, ay duak sandank tinapay, ay sadik sandank galumut pasas ay sadik sandan rawvg lesan, ay fanlangu at masuadan sis fagbaugun at balat fag fagsuadan.

1 Fun 10:8

Mauseganan tua am ngay fagsuguan taggubuk gugat emu, ay gdungugan am ngay longan at mamatanganan.

Fangatulun 22:29

At ke fagsafulun sas nusnga setaw, at fagnamakamulunan sa tuas fun, bundi sa tibak taw.

Fangatulun 27:25

Namul o sik ngay makmak am famaug am ngay fagbaugun, ay kaduge o gfanya ngay makmak nu gdog gtugbung, sai yap sad araw nu namul o.

Isayas 16:9

Nu katanya, gwayway au kata ngay taw Aser, aroro e narasras wan ngay tanum wat ubas sis Sibma. Kabalu au ngay taw Kesbun ay taw Elyale aroro we kadungug ya tagfanguroan guseganan aroro wa nke gutluan.

Eremyas 35:19

nu katanya, nafatuyanan au te, Yeunadab, Rekab at baguama e gaban tua ban gugat at namakamulun laman sa angku. Au, Yawi at Mabalyanan, Israel at Dius taglong tuy.’ ”

Eremyas 39:10

Ay Nebusaradan nafamato way sis Uda tibak taw at yud e ramraman, ay kanya nafon sa kafag ngay taw at mesa gamasun ay tanuman wat ubas.

Eremyas 40:12

Nu katanya, ngay taw Udyu anfoli yay sas Uda siginan at fagsaruayanan fag ngay talun ay nasas Gedalya sas Mispa. Ay nu sanya wan, kanya fagayu nabul ngay rawvg ubas ay tiba yak rawvg.

Eremyas 40:6

Nu katanya, Eremyas nalao sas Gedalya sas Mispa ay sanya wan nu gbanwan magamut at kinfamato fag ngay taw.

Eremyas 43:5

Abat ngate, Ukanan ay at ngay ufud fag ngay tagfawayan nataban at kinsawad fag ngay taw Uda at kinfoli sas Uda siginan at fagsaruayanan fag ngay talun.

Eremyas 48:32

Gwayway kyangay laman sa sangay taw Sibma, aksvn yap tua nu gwayway au laman sa sangay taw Aser. Sibma, kata way o sik tanuman wat ubas at sanga at kindasug sat Mabulan fag Dagat ay nadasug yangay sas Aser. Dewa katanya katsi, ngay tagrasras nafamin wan am rawvg.

Mikas 7:1

Mikas nalong te, “Afanyuan au! Kata au sik taw takalunus ay tagrvbvy wat ubas at rawvg, ay fun kayu igus at ngay rawvg at sawad, dewa katanya, kwe nalag nusdi sadik rawvg.

Lukas 21:36

Nu katanya, kabavn mafalganani ay mafandarangini laman mababo tuam takadasug ban fag fagidapun, ay laman ban manangalindug tua ban am sas Taw at Baguama at daga salubangan.”

Deuterunumyu 1:38

Dewa katanya, am fagsuguan Uswe, Nun at baguama, at madasug ban sanya. Fabitsugi anya aroro sia ban at nanfangguna ngay taw Israel laman nangago kanya fag daga.”

Deuterunumyu 16:13

E fagmafuluni sabaliwa nu Kawat ngay Fayag kaduge fituk menit, gina fanggutluan katabu, ay gina am gruyus ay ngay trigu ay gturis ay ngay rawvg ubas.