Eremyas 4:9 - Fanawbuid tagsibaliwas Fakayabian

⁹ Yawi nalong te, “Ginanya ban fag menit, at fun ay at ngay tagfangguna ummomuy at amatanganan, ay ngay tagfon fanggalangun umlimu maksvn, ay ngay taglong gtadtaruyan kalimu.”

Eremyas 4:9 ပူးပေါင်းရင်းမြစ်များ

2 Fun 25:4

Ngay taw Babilunya naiklas wan sik afud Erusalem at alad, ay kanya fagayu dewa maligung wan, Sedekya ay at ngay tagfawayan naduksun gina mayabi sas sakbawan tagsis wabilug duak alad munakbang sis fun at tanuman, ay nalagyu sas Liskung Urdan.

Alubad. 102:4

Kata au sik makmak at kinlangke wan. Ay kwa kaylat ya gfangon,

Isayas 19:16

Ay ginanya ban fag ngay menit, ngay taw Igiptu gfaning kata sik mangena at yud mabitsug, ay kalimu gtadtaruyan aroro Yawi at Mabalyanan namaurianan.

Isayas 19:3

Ay ngay taw Igiptu ummomuy ban at amatanganan, ay namasayuan kban at ngay algan. Kanya ban fag ngay taw nanget gubuk sat ngay fagsegan, ay sa sangay labang, ay sa sangay mabara ay anggan sa sangay tagsaful gbalawvn.

Isayas 28:19

Ay kayu ban menit kadasug sa ayu takatanya, sbalabag ay sad yabi, ay matuyan wan umlimus am.” Gina ban am natogdungug kanya fag foyungan umlimu wam fia.

Eremyas 2:26

Ngay taw Israel, umkapla ban am kata at nagamatan fag tagfangkamul. Gafaplan ban am, anggan ay ngay fun, ay ay ngay tagfangguna, ay ay ngay tagfon fanggalangun ay ay ngay taglong.

Eremyas 25:34

Am fag ngay tagfangguna, waywayi maksvn, dagingani sis daga aroro sa ay fakabaluun. Aroro andasug wan at menit nu gfabul ayu kata nu gfabul sik tupa, ay umrufa am kata at kinrufa fag tikung.

Eremyas 37:19

Dada wan ay ngay taglong taginsaful te, fun Babilunya ban wa namawayan tuy fag furuan?

Eremyas 48:41

Ay e nangagbilug wan tagsis Muab fag ngay furuan ay at mogat fag ngay fagsuksuanan. Ginanya ban fag ngay menit, Muab at ngay tagfawayan kalimu maksvn kata sik mangena tagafasalugun.

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Eremyas 52:7

Ngay taw Babilunya naiklas wan sik afud Erusalem at alad, ay kanya fagayu dewa maligung wan, Sedekya ay at ngay tagfawayan naduksun gina mayabi sas sakbawan tagsis wabilug duak alad munakbang sis fun at tanuman, ay nalagyu sas Liskung Urdan.

Fakamulun 13:41

‘Am fag ngay taw takamalingun, umdulo ban am sa ku fagnamakamulunun ay umbul ban am, aroro e fagnamakamulunun kban gina si ay buknga, dewa katanya, wa ban am gafanud dewa e nanfamoyung sa ayu.’ ”