Eremyas 4:5 - Fanawbuid tagsibaliwas Fakayabian

⁵ “Nanlong o sa sangay taw Uda ay sa sangay taw Erusalem te, ‘Uyupi ay budyung sas fagdaul ay talun.’ Fabiai nu guro am ay longi te, ‘Lagyui wan ay suksuani sa sangay furuan at ke ngay alad.’

Eremyas 4:5 ပူးပေါင်းရင်းမြစ်များ

Isayas 28:19

Ay kayu ban menit kadasug sa ayu takatanya, sbalabag ay sad yabi, ay matuyan wan umlimus am.” Gina ban am natogdungug kanya fag foyungan umlimu wam fia.

Eremyas 11:2

“Famatangi sa sangay taw Uda ay sa sangay taw Erusalem at ngay fagnamaningun si em nasadian.

Eremyas 35:11

Dewa katanya, gina fun Nabukudunusur, Babilunya at fun nanamawayan ste sfuruan, anlimu ami maksvn ngay taw Babilunya ay taw Aram at ngay tagfawayan, nu katanya, ansadi ami te, glagyu wami sas furuan Erusalem. Kanya wan katsi em fagbanwanun iste fag furuan Erusalem.”

Eremyas 5:20

Nanlong am sa sangay taw Israel ay sa sangay taw Uda te,

Eremyas 6:1

“Benamin at ngay kasugfunanan, lagyui ay nanuksuani! Loi wan siginans furuan Erusalem! Ay uyupi ay budyung sas furuan Tekwa ay fadungugi anggan sas Bet-Akerem fag furuan, aroro faurianan kadasug wan siginans fawalan fag alvngvdan.

Eremyas 8:14

Sanya ginan, kanya fagayu glong te, “Nataw ya tam fagfanyaun? Gewan, glagyu watam sat maaladan fag ngay furuan ay nangabul tam sanya. Aroro Yawi tam Dius namabul wan antam, kata nu gfainum antam at maganga fag mamam, aroro anke asalanan tam sa anya.

Eremyas 9:12

Ay nainto au sas Yawi te, “Sinu ro manga at ke fagsafulun gtogdungug am ngay longan? Ay sinu fag taw am fagfoyungan sabaliwa am longan laman kanya gfoyung yangay sa sangay taw? Wain faginrasrasun tuy fag talun ay faginkataun sik talun at yud e taw at yud e nandalan ya?”

Esekyel 7:14

Ay dewa guyup at budyung laman gfafalganan namawayan, wa ban e gfalganan ya, aroro ku dotama ban umdasug sas fagayu taw.

Usea 8:1

Uyupi ay ngay budyung laman sik famararang sa ku ngay taw, aroro at ngay fawayan namawayan anya fagayu kasakit sik bio, aroro ku ngay taw wa nafae masuad em nasadian ay wa nafaning ku ngay foyungan.

Uel 2:1

Uyupi ay budyung laman gfararang sa sangay taw tagbanwan sis Siun, sis Yawi at nafili fag buksul. Am fag ngay taw Uda alimui, aroro munakbang wan Yawi at nafalganan fag menit laman namaurianan.

Amus 3:6

O nunda ngay taw wa gtadtaruyan kalimu galay e nauyup budyung laman famasaful te, e fawayan takadasug? O nunda sik furuan daul nangafaurianan, Yawi nu dway nasugu?

Amus 3:8

Sinu at yud kalimu liun nu nasubang? Ay sinu at yud nanfamoyung, Fun Dius Yawi nu nasugu?

Tap 10:2

“Fawati duak budyung mawatan siginans sanbung salapi, ay agbilugi kafag budyung, laman famaful ngay taw ay famafalganan nu glao.

Tap 10:3

Ay nu nafawang wan kafag duak budyung, ngay taw nangaful sa ku bale at sakbawan.

Uswe 10:20

Nu katanya, Uswe ay ngay taw Israel arvs nafamin wan kanya fag ngay fawayan. Dewa katanya, e nalagyu yay ay nasakbo sat ke alad fag ngay furuan.