Eremyas 4:4 - Fanawbuid tagsibaliwas Fakayabian

⁴ Ngay taw Uda ay taw Erusalem, fasinei wan ay ngay amatanganan si ku daga salubangan, aroro nu dway ban am gfakamulun takatanya, umdasug sa ayu ku dotama takata igang at yud e mafarabung ya, aroro sa ay nafakamulun at mauri. Umfasludan ban takatanya aroro sa ay nafakamulun at mauri.”

Eremyas 4:4 ပူးပေါင်းရင်းမြစ်များ

2 Krunika 34:25

Namalag au ku dotama stae fag furuan, ay wa ban e mafaragang, aroro ku ngay taw natalyuyan angku ay nawat tibak fagsegan ay naseg.’

Isayas 10:17

Yawi wan at yud e malong fag Dius, ay sia wan taw Israel at salung. Kanya kata sik afuy tagigang at nangirug Asirya at fun, kata ngay tanum at madugi nu kairug, kaduge way sik menit.

Isayas 30:33

Glugo wan nu mafalganan at buknga daga at fagnangirugan Asirya at fun. Kanya tagbia wan ay nangabasad wan, ay mafalganan yangay ngayu fag famaygang. Yawi at engasan kata sik afuy asupre tagfalabe kafag famaygang fagayu.

Isayas 51:17

Furuan Erusalem, afuloi wan! Yawi at dotama kata sik fanlangu am nafamin, ay granranugan o.

Eremyas 15:14

Namasik ngay fagsuguan kban ayu sa ay ngay fawayan, sa ay fagyudun toglag fag talun, ay namadasug kban sa ayu ku dotama kata sik afuy tagigang.”

Eremyas 21:5

Au wan at namawayan ayu siginan ku fagmabalyananun aroro maksvn nu kadotama au ayu.

Eremyas 23:19

Dungugani! Ku dotama kaksvn sik fulug ay sik tagmara tagbaribungan at namalang sat mauri fag ngay taw at ngay alfuyu.

Eremyas 36:7

Tiba ginan ban manga, siginan takatanya, kanya fagayu kakbang tua sas Yawi ay gubun tua at ngay ugali at mauri. Aroro Yawi nafararang wan sa anya fagayu te, namaurianan ban anya fagayu aroro maksvn nu kadotama.”

Eremyas 44:22

Yawi wa nkagwanta ay ngay nafakamulun at mauri ay at masuya, nu katanya, kanya narasras ay talun ay ansik mabaluanan aroro we gbanwan ya.

Eremyas 9:25

Yawi nalong te, “Kadasug ban sik buknga namaurianan au fagayu at nafae fakatoglagan, at yud ngap natubus at ngay ugali;

Eremyas 9:26

ngay taw Igiptu, ngay taw Uda, ngay taw Edum, ngay taw Amun, ngay taw Muab, ay fagayu tagbanwan sa tangayayu fag ngay talun tagagangun. At matuyan, kanya fag ngay taw anggan ngay taw Israel kata way nu yud nafae fakatoglagan.”

Takabalu 4:11

Yawi andotama maksvn furuan Erusalem, ay kanya nairug kafag furuan anggan at ngay fagfatungkudan turuk.

Esekyel 16:38

Namaurianan kban emu aroro kamatugtug o ay kamabul. Namabul au emu aroro maksvn nu kadotama au emu ay nu kasulup.

Esekyel 18:31

Ngay taw Israel, wain ay fakaylatun kabul? Faragangi wan nu gfakamulun am at mauri, ay tubusi wan ay ugali at yud matuyan.

Esekyel 20:33

Au, Fun Dius Yawi, gfatuyanan au te, kafanud nu gleleg au, nanfunan kban ayu ke fagmabalyananun ay at maksvn fag fandotaman.

Esekyel 21:17

Namablangan kyangay ku daluap laman famalyam ku dotama. Au, Yawi, taglong tuy.”

Esekyel 24:13

“ ‘Matuyan, furuan Erusalem, nafasik mauri o emu siginan am nafakamulun at mauri. Gugatan koma gfasine emu, dewa katanya, wo kaylat kasine. Nu katanya, yakmay kban nafadasug sa emu ku fandotaman at maksvn, mauri way o gugat.

Esekyel 24:8

Nafamato au kafag ngay taguk sas tungud dalifi daul laman kalag. Nu katanya, manamasud au masakit.

Esekyel 6:12

Ngay taw ban tagbanwan sa tangayayu umbul sas fakasaitun. Ay at munakbang ban umbul sas awayan. Ay at sawad ban umbul sas lunus. Takatanya ban fag balyawvtan kanya fagayu sumaful te, maksvn nu kadotama au anya fagayu.

Esekyel 8:18

Nu katanya, ku dotama ban umdasug sa anya fagayu. Kwa ban kafanyu ya anya fagayu. Ay dewa ban guro get gubuk sa angku, kwa ban ggubuk ya.”

Lebitiku 26:28

kadotama kban ay namawayan ayu, ay namaurianan kban ayu fitu ginan.

Amus 5:6

Use at ngay kasugfunanan, akbangi sa angku, laman ban gleleg tuam. Ay wayam kakbang, namamin kban ayu kata sik afuy nu girug. Nu katanya, umkamin ban furuan Betel at ngay taw ay we mafaragang ya.

Sefanias 2:2

gina yay yud andasug Yawi at nafalganan fag menit nu nangaiyan ay namarapyag ayu kata naglayapan. Fagayu am ubuni ay ngay asalanan gina yay yud andasug sa ayu Yawi at fandotaman tagigang.

Ruma 2:25

E tungkul tua ay fakatoglagan nu gfaning tuam Muisis at Faugali, dewa katanya, nu dway am gfaning, kata way nu yud am nafae fakatoglagan.

Deuterunumyu 10:16

Nu katanya, fabalii wan ay ngay amatanganan, ay lag am kamaogatun ay ngay amatanganan.

Deuterunumyu 30:6

Ay sanya ginan ban ay Dius Yawi gfabali ay ngay amatanganan ay anggan ay ngay kasugfunanan at ngay amatanganan, laman ban kesug tuam fia anya, ay ngaduge tua ban nu gleleg am.

Deuterunumyu 32:22

Nu kadotama au kata sik afuy tagigang, ay girug daga ay fagayu tagsanya, anggan sas daga daga, ay sa sangay buksul at fagtungkudan.

Kulusas 2:11

Aroro siginan ay fagmasadiun sa tam Fun Isus anke fakatoglagan tuam, bundi takalag si ay bilug fag fakatoglagan, nu bunway siginan tua nu gubun am at mauri fag ngay ugali ste swa daga. Takatanya fag fakatoglagan tagsiginan tam Fun Isus.