Eremyas 4:30 - Fanawbuid tagsibaliwas Fakayabian

³⁰ Erusalem, munakbang wan nu kamin o. Nataw katsi am fakamulun? Wain am fagalanbunganun yay at masine ay am fage famasineun yay sim bilug? We tungkul ya nu kamasineun o. Am fagadgalangan fag ngay talun wa kaylat ya emu, abat ngate, namabul wan emu.

Eremyas 4:30 ပူးပေါင်းရင်းမြစ်များ

2 Fun 9:30

Gina Yeu nalao sas Esreel, Esebel nasaful ay nararus sat mata sik famasine, ay nafasine fia at buk ay gbanawan sis fagbanawanan.

Fangatulun 6:25

Lag o gafaylatan at kasinean, ay lag o gatabanan sat ngay famaylatanun.

Fangatulun 7:10

ay sik mangena nanamablang kafag baguama, ay nu galanbungan kata sik takamatugtug fag mangena. Kanya namatangan wan at fagnamakamulunun ro sa kafag baguama.

Isayas 10:3

Tain ban ay fakamulun nu ndasug nu gafaurianan am fag menit, gina ban faurianan andasug siginan tangayayu fag talun? Dada ban nu get am gubuk? Ay dada ban nu gfasuksuk am ay ngay ramraman?

Isayas 20:6

Gina ban umfasludan fag menit, ngay taw Filistia lumong te, ‘Damai at kinfasludan sanya fag ngay talun tam fagsegan ebi ginan, ay tam fagnangetan gugat gubuk laman gfalangfe antam siginans Asirya at fun. Setain ban katsi nu malangfe tam?’ ”

Isayas 33:14

Tagasalanan fag ngay taw sis Siun gtadtaruyan kalimu, ay glong te, “Kanya fag Dius kata sik tagigang fag afuy at yud karabung. Ay sinu si antam at manamanwan sas Dius at salubangan?”

Eremyas 13:21

Tain ro am namatangan at nagbilug emu nu am fagadgalangan way fag talun? O nunda ro nu gamatangan o wa kata sik mangena tagafasalugun wan?

Eremyas 22:23

Am fag ngay tagbanwan sis furuan Erusalem fag bale daul tangabat at mawatan kayu sidru tagsiginans Lebanun, mafanyuan ban am gina ban andasug sa ayu fagidapun, kata ban am sik mangena tagidapan nu gfasalug.

Eremyas 30:14

Ay fagudgubukan ban fag ngay talun wa gamatang ya ayu, ay wa ban kasalag ya ayu. Nafawayan au ayu kata ay fawayan nu gfawayan. Maksvn ku faurianan sa ayu aroro maksvn wan ay ngayu ay asalanan.

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Takabalu 1:19

Naet au gubuk sa ku ngay fasudsunan, dewa katanya, kanya fagayu natalyuyan way angku. Ku ngay tagfon fanggalangun ay ku ngay fagtainan furuan, anbul wan gina grvbvy at ngay fakonun laman gfataglayun gleleg.

Takabalu 1:2

Fagngabak yabi kanya maksvn nu gwayway. At ngay liasun glibisan sit fingi. Fagayu takesug anya we gfasun ya anya, ay at ngay fagadgalangan ankuri wa anya, ay kanya fagayu at ngay fawayan wan.

Takabalu 4:17

Gyawyawa wan nu kamanawan ami at kadugean nu gfanya ami em ngay fagadgalangan fag talun nu ggubuk emi. Ay gulit ami gugat si em fagulitan laman gfanya em ngay fagadgalangan fag ngay talun at yud ngap makatu gfalangfe emi.

Esekyel 28:13

Ebi nu gbanwan o si oma stanuman Eden, sis Dius at tanuman. Ay sim bilug e famasine oma at mafanud fag gang: maraska, melo gladlaksiun, melo gbudbugulun, tagladlaksiun, tagridrirukun, mameloan, tagmedmeloun, melo ay melo gadganyangun. Ay sim bilug e famasine yangay gintu at nafalganan sa emu gina o kasalug fag menit.

Esekyel 28:9

O si ban manga tagfabul emu at daga salubangan malong yay o te, sik dius o? Nu sanya fag ngay taw, bunwa o dius, sik taw way o.

Ubadyas 1:7

Tagfadiugan ayu fag ngay talun nangaiyan ban ayu. Ay fagadgalangan fag ngay talun namabo ban ay nangaiyan ayu siginan ay furuan, ay fagayu ban at nafasfuan ayu gfangon nanrvbvy at balyawvtan laman namauri ayu.

Ebreu 2:3

Katanya yangay, wa ban tam masaruy faurianan nu dway tam gfae tungkul tuy fag fakalangfean at yud e gfasud. Tam Fun wan taguna at nafoyung sabaliwa kanya fag fakalangfean, ay ngay taw at ngay nadungug siginan anya, kanya fagayu tagfatuyan te, matuyan.

At Nafasure 17:13

Kafag safuluk fun sadi way at algan, namon at fagmabalyananun gfunan sa tagfangagat fag mela.

At Nafasure 17:2

Ay fagdaul daga at ngay fun ansadi sa kafag mangena siginan nu gfaning at foyungan, ay fagayu taw sas fagdaul daga anke fagmauriun kata nu nalangu, siginan nu gfaning at foyungan at mauri.”

At Nafasure 17:4

Kafag mangena galanbungan masialungan ay maraska, ay gadalagan ay gasulmanan gintu, ay at mafanud fag ngay gang, ay rurum. Ay kanya gbitbitan sik taya mawatan siginans gintu, ay sanya fag taya mapnu at fagmauriun, ay at fakamatugtugun ay at fagmasuyaun.