Eremyas 4:3 - Fanawbuid tagsibaliwas Fakayabian

³ Yawi nalong sa sangay taw Uda ay sa sangay taw Erusalem te, “Fabalii wan ay ngay ugali kata nu kali am ay mesa lutuk, at yud batang malian. Ay buli siginan ayu fagmauriun, kata sik tagtanum nu ggulad at madugi fag makmak.

Eremyas 4:3 ပူးပေါင်းရင်းမြစ်များ

Fakasigadan 3:18

Ay at madugi ban fag ngay makmak gtugbung. Ay am fakonun ban siginans gamasun am ngay natanum.

Nu Galin 23:11

Ay galay fafituk banwa, lag am nantanum ya, ay nu e natugbung si ay daga ngay fananumun, lag gsalag at yud e kwa at nanggutlu laman ban at fakonun, ay nu nke sawad yay, fabayani wan sa tagsis talun fag ngay mangilafang laman at fakonun. Fakatanyai yangay ay fakamulun sa ay ngay tanuman ubas ay sa ay ngay tanuman fun ulibu.

Usea 10:12

Glong au ayu te, falukmei wan ay ngay amatanganan kata sik naali fag lutuk. Ay tanumi fagmatuyanun ay gumutlu ban am fakesugun. Aroro buknga wan nu kafoli am sa angku yakmay kban andasug, ay namakamulun au sa ayu at matuyan.

Mateu 13:22

Ay at kintong fag ngay bvtang sas wa makmak at madugi, kata ngay taw at nadungug Dius at Longan, ay dewa katanya, kanya fagayu gafanawa way at leleg ste swa daga, ay kesug way at fagmaramramanun, ay kanya nafaut at nadungug fag longan, ay wa narawvg.

Mateu 13:7

Ay tibak bvtang antong sas wa makmak madugi, ay kafag makmak anbia ay nafaut at tanum.

Markus 4:7

Ay tibak bvtang antong sas wa makmak madugi, ay kafag makmak anbia ay nafaut at tanuman, ay at tanum wa narawvg.

Lukas 8:14

Ay at kintong fag ngay bvtang sas wa makmak at madugi, kata ngay taw at nadungug Dius at Longan, ay dewa katanya, kanya fagayu gafanawa way at leleg ste swa daga, ay kesug way at fagmaramramanun, ay at fakaylatun ste swa daga nafaut at amatanganan, ay at rawvg wa nlesan.

Lukas 8:7

Ay tibak bvtang antong sas wa makmak madugi, ay kafag makmak anbia ay nafaut at tanuman.