Eremyas 4:22 - Fanawbuid tagsibaliwas Fakayabian

²² Yawi nalong te, “Ku ngay taw we fagsafulun; kanya fagayu wa toglag angku, kata way sik ngay baguama yud e fagsafulun ay at yud gtogdungug, ay annanad gfakamulun at mauri ay wa saful gfakamulun at masine.”

Eremyas 4:22 ပူးပေါင်းရင်းမြစ်များ

Fakasigadan 39:16

Kafag mangena nafasariu Use at lanbung kaduge at mangama yud andasug.

2 Samwel 13:3

Amnun e fagadgalangan tagsaful gfaylatan, kanya at lagbe Unadab, Dabid at faduksay Simya at baguama.

Alubad. 36:3

Ay at longan fagayu mauri ay kamuag. Kanya wa gamatangan ya gfakamulun sabaliwa at masine ay ke fagsafulun.

Alubad. 36:4

Ay kanya dewa gtaygilidan, at ngay algan sa way gugat sfagmauriun. Ay at nafili fag ugali at yud way masine. Ay wa kaylat gubun fagmauriun.

Alubad. 53:4

Seduge yaban at mauri fag ngay taw nu katogdungug? Kanya fagayu gfaylatan ku fagfanggunaun fag ngay taw laman mafabul kata at naylatan. Ay kanya fagayu wa gdarangin sas Dius.

Alubad. 82:5

Ngay taw takamalingun, wam e fagsafulun! Ay wam gtogdungug! Nu katanya, kata wayam ngay taw taginkalyaman sisad dulum, ay fagdaul daga we fagmanabayanun ya aroro nalyam wan fagmatuyanun.

Fangatulun 28:5

Ngay taw at mauri wa gtogdungug fagmatuyanun, dewa katanya, nusnga sinu tagafanud sas Yawi gtogdungug tua.

Isayas 1:3

Ngay baka gtoglag tua at tagalaga, ay ngay asnu saful tua nu dada at fagnamafangonan, dewa katanya, ku ngay taw Israel wa gtoglag angku, ay we fagsafulun.”

Isayas 27:11

Ay at ngay sanga nu nyango wan, kalifung wan, sik ngay mangena gfaful laman at famaygang. Kafag ngay taw we nasafulan, nu katanya, Dius at nawat anya wa kafanyu ya anya.

Eremyas 10:8

Ngay taw tagsiginan tibak talun kamaogatun at ngay amatanganan, ay we fagsafulun ay tagfoyung anya, at yud way e tungkul fag ngay fagsegan at mawatan siginans kayu.

Eremyas 13:23

O katubus yay sik taw at balat at malayung? O kuti daul tagridrirukun mafabali at sigyu? Duan! Am fag ngay taw Erusalem, katanya yangay am, wam mafakamulun ya at masine aroro maksvn wan ay ngay fakamulun nu mauri.

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Eremyas 4:21

Seduge ya ban manga nu glag au famasaful fag ramit sabaliwa nu gawayan, ay nu gdungug au budyung at awang?”

Eremyas 5:21

‘Am fag ngay taw at yud e fagsafulun ay takamaogatun, dungugani ku longan. E ngay mata oma am, dewa katanya, wam glag, ay e ngay talinga oma am, dewa katanya, wam gdungug.’ ”

Eremyas 5:4

Nu glong au, kanya fagayu sik ngay yud way e kwa ay at yud e fagsafulun. Aroro kanya fagayu sik ngay yud way saful at Dius Yawi at ngay balyawvtan.

Eremyas 9:2

Nu e fagbanwanan kdi sat yud e taw fag talun, namanwan au laman kayayu ku ngay iba, aroro kanya fagayu nafamabo kata sik mangena takamatugtug.

Eremyas 9:3

Yawi nalong te, “Kanya fagayu mafalganan kamuag kata at matonan fag godun. Fakamuagun way lang ste fag furuan takadungug ay we fagmatuyanun ya. Maksvn wan kanya fagayu nu gfakamulun at mauri ay wa gtoglag ya angku.

Eremyas 9:5

Galay at sadi kamuag way sat ngay iba, ay nusdi sadik taw we glong ya at matuyan. At ngay leplep annanad wan nu garingang sas fakamuagun, ay gfalufuy at sadili siginan nu gfakamulun at mauri.

Esekyel 16:30

“ ‘Au, Fun Dius Yawi, glong au te, at kasakit nu gafaylatan o! Kata wayo tagfaebayad fag mangena yud gfangapla.

Usea 4:1

Ngay taw Israel, dungugani, Yawi gfayud ayu: “Fagayu am tagbanwan ste, wam matuyan, ay wam kesug ay wam gtoglag ya angku.

Usea 4:6

Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Usea 5:4

Ay mauri fag ngay fakamulun gsalag ayu laman wam kafoli sa angku. Aroro sik falad gfamatangan ayu laman gseg am tibak fagsegan, ay wam gtoglag te, au Yawi.

Amus 3:10

Nu katanya, katatuy Fun Dius Yawi at longan sas Samarya: “Kanya fagayu wa gfakamulun at matuyan. Ay at ngay nafangkamul mapnu sat mogat fag ngay afud. Nu katanya, at ngay fawayan ban nangiklas at ngay fagmafulan, ay namul at ngay ramraman.”

Mikas 2:1

Ida am, tagintiugunan gugat gamatangan sat mauri. Ay balabag di gfafasludan am kata ay algan aroro e fagmabalyananun am gfakamulun takatanya.

Mikas 7:3

Kanya fagayu annanad wan gfakamulun at mauri. At ngay tagfangguna ay at ngay tagwabilug gbul famayad laman namakamulun at mauri. Ay gfaning way at mabalyanan fag ngay taw at fakaylatun, ay masadi yangay laman gfayud e masuad fagmatuyanun.

Lukas 16:8

“At yud matuyan fag fagfatigwanan at fun nalong te, ‘Mamatanganan tua ku fagfatigwanan at nafakamulun.’ At masuad, fagdaul daga at ngay taw nu gfakamulun sat ngay iba, gtungud tua sa sangay taw at kinyamag wan sa baliwas Dius.

Uan 16:3

Kafag ngay taw ban namakamulun takatanya, aroro wa toglag tam Mama ay wa yangay toglag angku.

Ruma 1:22

Kafag ngay taw glong te, “E fagsafulun ami.” Dewa katanya, kanya fagayu wa mamatanganan.

Ruma 1:28

Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali.

Ruma 16:19

Maksvn nu kadungug am sabaliwa nu gfaning am tam Fun Isus, nu katanya, maksvn nu guseganan au ayu. Dewa katanya, ku fakaylatun nu nasaful tuam fia sabaliwa at masine fagayu nusnge wain, ay nu ddi am nasaful sabaliwa at mauri.

Ruma 3:11

We taw saful at matuyan, ay we gugatan grvbvy Dius.

1 Kurintu 14:20

Ku ngay faduksay, dangay kata sik sisian ay amatanganan. Ay nu sabaliwas fagmauriun, ay amatanganan fakatai way sik sisian at bagu kasalug, ay nu sabaliwa fagmatogdungugun ay amatanganan fakatai tua sik mafagtainan at amatanganan.

Deuterunumyu 32:28

Israel at yud way e fagsafulun ay at yud mamatanganan fag talun.

Deuterunumyu 32:6

Ngay taw at yud e fagsafulun, o nunda ban katanya way ay famafoli sas Yawi? O nunda bunwa sia ay Mama at nawat ayu, ay at nafasik gaban ayu?