Eremyas 4:2 - Fanawbuid tagsibaliwas Fakayabian

² ay nu gfatuyan tuo fia sa angku, ay gugali at matuyan, ggubuk ban o sa sangay talun at taw 2 laman kanya fagayu gfauseganan yangay angku.”

Eremyas 4:2 ပူးပေါင်းရင်းမြစ်များ

Fakasigadan 22:18

Ay siginan ban am ngay kasugfunanan ggubuk kban fagayu talun at taw sas fagdaul daga, aroro nafaning tuo angku.’ ”

1 Fun 3:6

Ay Sulumun nabalus te, “Nafalag o am fagmatuyanun sa ku mama Dabid, am fagsuguan, aroro kanya matuyan sa emu, ay anggan nu gbanwan matuyan yangay. Gtaglayun o am fagmasineun siginan nu gfon o anya sik baguama at nantubus anya laman sik fun.

Alubad. 72:17

Amatangi tua ban nangus gugat kafag fun at ngayan, kaduge ban e menit. Dius nangus gfae ramraman sas fagayu talun, aroro siginan kafag fun, ay tibak talun at ngay taw lumong te, Dius nafae ramraman kafag fun.

Alubad. 99:4

Kanya mabalyanan ay matuyan fag Fun. Nu gfawabilugan, di e fagfili, ay kabavn at fakamulun sas Israel, masine tua ay matuyan.

Isayas 45:23

Gtuyan au te, fagayu ku ngay nalong di ban ginbalian. Fagayu taw nantudan laman gseg angku, ay namatuyanan te, gfaning ban angku.

Isayas 45:25

Yawi gtap Israel at ngay kasugfunanan te, yud e asalanan, ay kanya ban fagayu sumeg anya.

Isayas 65:16

Nusnga sinu taglong te, e fon ban sas Israel ay tagfatuyan sanya fag talun, kanya masine nu gfakamulun takatanya siginan nu glong ku ngayan, at matuyan fag Dius. Aroro kwa ban gamatangan ya at kinlangfe fag ngay fagidapun.

Eremyas 10:10

Yawi way lang at matuyan ay tagleleg fag Dius, ay at yud e fakatabuan fag Fun. Ay kanya nu ndotama, fagdaul daga guigan ay we taw magwanta.

Eremyas 12:15

Dewa katanya, gdog kyay ban kafanyu kanya fag ngay talun at ngay taw ay gfafoli sa anya at ngay daga.

Eremyas 12:16

Ay kanya ban fag ngay talun at taw nu gafanud tua fia sa angku kata ku ngay taw ay nu gfatuyan tua ban fia sa ku ngayan, kata at nafoyung sa ku ngay taw nu gfatuyanan sas Baal, kanya ban fagayu ku ngay taw yangay.

Eremyas 16:19

Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

Eremyas 3:17

Ay ginanya ban e gfangayan Erusalem te, ‘Yawi at fagbanwanan.’ Ay fagayu ban talun at taw nangaful sanya laman namauseganan angku. Ay kanya ban fagayu wa kamaogatun ya ay wa mauri ya at ngay amatanganan.

Eremyas 33:9

Ay nu nfasludan ban takatanya, furuan Erusalem ban gfauseganan angku. Ay fagayu ban talun sas fagdaul daga gtadtaruyan kalimu nu nadungug te, furuan Erusalem e fagmasineun wan, ay maramraman, ay e fagmanabayanun siginan angku.”

Eremyas 5:2

Dewa am glong te, ‘Gfatuyanan au sas Yawi, tagleleg fag Dius,’ kamuag wayam.”

Eremyas 7:5

“ ‘Falyami wan ay ngay ugali ay anggan ay famanwanun at yud matuyan. Ay matuyani tua fia sa ay ngay iba,

Eremyas 9:24

Nusnga sinu fag taw takaylat nanfamatungudun, nu kamatungudun sa yakman baliwa nu gtoglag angku. Aroro au, Yawi at mafangesug, at mafakamulun kasakan ay at matuyan sas fagdaul daga. Katanya tua ku fakaylatun. Au, Yawi, taglong tuy.”

Usea 2:19

Gtuyan kban te, am wan ku mangena kabavn. Ay namakamulun kban sa ayu at matuyan ay at kasakan. Ay kesug kban ayu ay kafanyu.

Uel 2:12

Yawi nalong te, “Afolii wan sa angku sas fagdaul ay amatanganan; siginan nu yud am gfangon laman gdarangin, ay nu gwayway am, ay nu kabalu am.”

Sakaryas 8:8

Namafoli au anya fagayu sas Erusalem, ay namabanwan sanya. Ay gdog kyay ban gtuyan anya fagayu te, ku ngay taw, ay au ban at Dius at matuyan ay at mafanggubuk.”

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

1 Kurintu 1:31

Nu katanya, faningi at Rirukan te, “Nusnga sinu takaylat kamatungudun, at fakamatungudunun sai tua baliwa tam Fun.”

2 Kurintu. 10:17

Kata at longan sit Rirukan te, “Nusnga sinu takaylat kamatungudun, nu kamatungudun sai tua baliwa tam Fun.”

Galasya 3:8

Dius at Longan nafoyung ebi te, Dius gtap yangay yud Udyu fag ngay taw kata nu yud e asalanan, aroro siginan at fagafanudun. Ay Dius nafoyung yangay at Masine fag Barita sas Abrayam te, “Siginan emu, gfadante kban fagayu talun at taw.”

Deuterunumyu 10:20

Suyui ay Dius Yawi, ay faningi tua anya, ay sii tua gugat anya, ay nu gfatuyanan am fasai yakman lang at ngayan.

Deuterunumyu 4:30

Fagidapun ban nu ndasug sa ayu, umfoli ban am sas Yawi ay namaning ban am anya.

Deuterunumyu 6:13

Suyui ay Dius Yawi, kanya yakman lang ay fagfausegananun ay sa yakman lang at ngayan nu gfatuyanan am.

Filipus 3:3

Amatangani te, itam wan Dius at ngay sisian, ay gseg tam anya siginan at Masine fag Falad, ay guseganan tam aroro siginan tam fagmasadiun sa tam Fun Isus, ay tam fagsegun bunwa siginans taw at faugali.

Rut 3:13

Stei yap tuy fagngabak yabi, ay balabag ban sbalabag sumaful ta ku kalongan at algan laman sa emu. Ay kanya ban nu kaylat tua, masine, ay nu dway ban kaylat, gfatuyanan au sas Yawi, tagleleg fag Dius te, namafasludan kban ku fanambagun sa emu. Ay katsi fag yabi, stei yap nu gtiug o.”

1 Samwel 20:3

Ay Dabid nalong te, “Am mama nasaful te, ggadgalangan ta, ay kanya namatangan te, wa gfasaful ya sa emu at algan nu namabul angku, aroro kamomuy ro wo. Dewa katanya, Gfatuyanan au sa emu ay sas Yawi, tagleleg fag Dius te, ku leleg siwa sad fagmalimuun.”