Eremyas 4:16 - Fanawbuid tagsibaliwas Fakayabian

¹⁶ Kanya nasugu kafag ngay tagfosuk longan laman namadasug famararang sa sangay talun ay sas furuan Erusalem te, e ngay fawayan siginan tangayayu fag talun takaylat namawayan Uda at ngay furuan.

Eremyas 4:16 ပူးပေါင်းရင်းမြစ်များ

Isayas 34:1

Am fag ngay talun at ngay taw, akbangi ay dungugani angku. Fagdaul daga dungugani anggan fagayu tagsanya.

Isayas 39:3

Ay Isayas fag taglong nalao sas fun Esekyas ay nainto te, “Daginan kanya fag ngay taw ay nataw at algan?” Ay Esekyas nabalus te, “Kanya andasug siginans tangayayu fag talun, siginans Babilunya.”

Eremyas 1:15

Dungugani! Nanguro au ngay tagfawayan siginans fagayu fagfagtainanan, tagsis wala baliwa fag alvngvdan laman namawayan furuan Erusalem. Ay kanya ban fag ngay talun at ngay fun nangawat at ngay mesa fagfagtainanan sis furuan Erusalem at ngay sakbawan anggan sat ligung. Ay katanya yangay ban at fakamulun sa tibak furuan sis Uda.

Eremyas 16:6

Kanya ban fagayu nangabul ste fag daga, dewa at maramraman ay at yud e kwa, ay wa ban e namoli ya anya fagayu. Ay wa ban e gfilas ya at sadili ay gfaufo at alfuyu laman gfalag te, kabalu.

Eremyas 2:15

At ngay fawayan kata sik ngay liun gsubang anya fagayu, ay nafauri at ngay daga, ay nairug at ngay furuan, ay we gbanwan ya sanya.

Eremyas 31:10

Ngay talun dungugani ku longan, ay fadungugi sa tangayayu fag ngay furuan: nafarapyagan au ngay taw Israel, dewa katanya, namaful kyay ban ay nangalaga kata sik tagalaga fagbaugun nu galaga at ngay tupa.

Eremyas 39:1

Katatuy furuan Erusalem nu karasras: sis fasafuluk magdanun sis fasiamk banwa, fun Sedekya nu gfunan talun Uda, fun Nabukudunusur, talun Babilunya at fun, ay fagayu at ngay tagfawayan anful sis day Erusalem ay nafabungsud lutuk sis fun alad laman at fagsakboan.

Eremyas 4:17

Kanya fagayu naligung furuan Erusalem kata ngay taw tagalaga tanuman, aroro kafag furuan nafamabo angku. Au, Yawi, taglong tuy.

Eremyas 5:15

Yawi glong te, “Ngay taw Israel, namadasug au sa ayu sik gaban taw tagsiginan tangayayu fag talun laman namaurianan ayu. Kanya sik gaban taw taglugo wan nu gbanwan sit talun, ay ay fagyudun togdungug at fangaringang.

Eremyas 5:6

Nu katanya, at ngay fawayan namaurianan anya fagayu kata sik idu talun, ay kata sik mela tagfanya at fagnangonun tagduksun siginans furuan. Umfasludan takatanya sa anya fagayu aroro ngayu ginan gtalyuyan Yawi.

Eremyas 50:2

“Fadungugi sa sangay talun foyungan at yud e masuksukan ay fabati sik ramit, famasaful te, talun Babilunya anrasras wan. Ay at ngay fagsegan at mapla anrufa wan anggan at fagsegan Bel ay Marduk anrufa yangay.

Eremyas 6:18

Nu katanya, Yawi nalong te, “Ngay talun at taw dungugani ay damai fia takafasludan sa ku ngay taw.

Eremyas 6:19

Ngay taw sas fagdaul daga, dungugani! Gfadasug kban sik maksvn fag faurianan sa sangay taw tagbanwan ste, laman sik faurianan sat ngay algan. Aroro kanya fagayu wa kaylat gdungugan ku ngay longan, ay wa nafaning ku ngay suguan.

Eremyas 6:22

Yawi nalong yay fia te, “Damai! E ngay tagfawayan kadasug siginans fawalan fag alvngvdan. Kanya fagayu siginan tangayayu ay at mabalyanan fag gaban taw at mafalganan laman namawayan.

Eremyas 6:23

Kanya fagayu e ngay godun ay e ngay bangko, ay madot ay we afanyu. Ay kaduge gsakay sit ngay kabayu, at aringang kata sik lugwak nu gfawas. Kanya fagayu kadasug laman namawayan ayu, ngay taw Erusalem.”

Eremyas 8:19

Dungugani! Ku ngay kaiban gwayway kadungug sas fagdaul talun, ay glong te, “O nunda Yawi naubun wan furuan Erusalem? O nunda Siun at fun wa sanya ya?” Yawi nabalus te, “Wain ay fagnafadotamaun angku, siginan nu gseg am tibak fagsegan?”

Esekyel 21:22

Ay at naguyud ban fag banyas at ke rirukan furuan Erusalem. Nu katanya, kanya ban guro ay gsugu te, ‘Sakboi sas Erusalem ay fabuli at ngay taw.’ Ay kanya gfoli sik kayu daul laman fangiklas Erusalem at sakbawan. Kafag ngay taw gfabungsud daga sa sangaba tigyangan alad furuan, laman makato sas alad.