Eremyas 4:14 - Fanawbuid tagsibaliwas Fakayabian

¹⁴ “Ngay taw Erusalem, talyuyani wan ay asalanan laman umlangfe tuam. Seduge ya ban nu gamatangan am sat mauri?

Eremyas 4:14 ပူးပေါင်းရင်းမြစ်များ

Alubad. 119:113

Kauri au ngay taw at yud matuyan sa emu, dewa katanya, kdi kalyam am faugali.

Alubad. 51:2

Falyami wan fagayu ku asalanan, ay fasinei ku amatanganan siginan ku ngay nafakamulun at mauri.

Alubad. 66:18

Nu nesug kway ro ku ngay asalanan, tam fun ro wa nabalus angku.

Fangatulun 1:22

“Am fag ngay taw at yud e fagsafulun, seduge ya ban nu katanya am gugat? Ay am fag ngay taw takamalingun, seduge ya ban nu kamanagsag am kamalingun gugat? Ay am fag ngay taw at yud mamatanganan, seduge ya ban nu yud am kaylat fagsafulun?

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Eremyas 13:27

Nalag au ay ngay nafakamulun at mauri nu gseg am ngay fagsegan, sa sangay buksul, ay sa sangay datag. Kata am sik mangena tagfaebayad, sik tagfanugtug ay sik takamatugtug at yud kagwanta ya nu namataladan. Ngay taw Erusalem, afanyuan am! Seduge ya ban nu katanya am?”

Eremyas 17:1

Yawi nalong te, “Ngay taw Uda, ay ngay asalanan marirukan si ay ngay amatanganan takamaogatun kata sik ngay longan at marirukan sis gang ay sis sunge tagsis fagirugan at ngay fugungan.

Eremyas 18:11

“Nu katanya, nanlong o sa sangay taw Uda ay sa sangay taw Erusalem te, ‘Dungugani! E algan au namaurianan ayu. Nu katanya, faragangi wan nu gugali am at mauri. Ay galay am at sadi ubuni wan ay fakamulun ay anggan ay ugali at mauri.’

Eremyas 2:22

Dewa am gigus gugat ay grarus sa ay ngay bilug balugu, e lagan kyay gugat ay ngay asalanan. Au Yawi, ay Fun, taglong tuy.

Eremyas 6:19

Ngay taw sas fagdaul daga, dungugani! Gfadasug kban sik maksvn fag faurianan sa sangay taw tagbanwan ste, laman sik faurianan sat ngay algan. Aroro kanya fagayu wa kaylat gdungugan ku ngay longan, ay wa nafaning ku ngay suguan.

Esekyel 18:31

Ngay taw Israel, wain ay fakaylatun kabul? Faragangi wan nu gfakamulun am at mauri, ay tubusi wan ay ugali at yud matuyan.

Sakaryas 8:17

Lag am gamatangan sa ay ngay iba at mauri, ay lag am glong at yud matuyan aroro kanya wa masine sa angku.”

Mateu 12:33

“Sik kayu at masine, at rawvg masine yangay. Ay sik kayu at yud masine, at rawvg wa masine. Sik fun kayu at rawvg tagfasaful sas taw te, tain kafag kayu.

Lukas 11:39

Ay tam Fun nalong anya te, “Am, ngay taw Fariseu, gfegus am ay faginuman fag taya ay ay laman at guyuy. Ay ay basad taw mapnu fagfangalabianun ay fagmauriun.

Uan 13:9

Nu katanya, Simun Pedru glong anya te, “Ku Fun, dangay ku darafa lang am fagfegusun, anggan tua ku daluap ay ku alfuyu.”

Fakamulun 8:22

Ubuni am asalanan ay darangini sa tam Fun laman Dius gfalyam am mauri fag amatanganan.

Ruma 1:21

Kafag ngay taw dewa saful Dius, wa gseg ay wa gfauseganan anya. Abat ngate at ngay amatanganan sa way lang at yud e tungkul, ay nalyam wan at amatanganan sabaliwa at matuyan, kata wan nu ndulum.

1 Kurintu 3:20

Katanya yangay, “Tam Fun saful te, we tungkul at mamatanganan fag ngay taw at amatanganan.”

Santiagu 4:8

Akbangi sas Dius, ay Dius nangakbang yangay ayu. Am fag ngay tagasalanan, fegusi ay daluap. Ay anggan am fag ngay tagawabilugan, fasinei ay amatanganan.