Eremyas 4:11 - Fanawbuid tagsibaliwas Fakayabian

¹¹ Kadasug ban sik menit, Yawi glong sa sangay taw Uda ay sa sangay taw Erusalem te, “Siginan ban baliwas talun at yud e taw fag ngay tagbudbuksulanun, gtagmara masugba kadasug sa ku ngay taw, ay kafag tagmara bundi famalayug ngay upa.

Eremyas 4:11 ပူးပေါင်းရင်းမြစ်များ

Alubad. 11:6

Kanya namatong singsing tagigang, ay nanguyup at masugba fag tagmara sat mauri fag ngay taw, laman gfaurianan kanya fagayu.

Isayas 22:4

Fabayani wan nu gwayway au, aroro kabalu au ku ngay kaiban at kinbul. Lag am gfasun ya angku.

Isayas 27:8

Yawi nafabayan wan at ngay taw nu gatabanan laman gafaurianan. Ay nafalayug anya fagayu sa sik maksvn fag tagmara tagsiginans fakamenitan.

Isayas 41:16

Nanlayap o laman umlayug, ay sik maksvn fag tagmara namarapyag. Ay dewa katanya o nanguseganan tuo sas Yawi, ay nanseg tuo Israel at Dius at yud e Malong.

Isayas 64:6

Fagayu ami wami masine ya gseg emu; em matuyan fag ngay fakamulun fagayu kata way sik fanrarus at masuya, ay ankata ami sik don at kin-gong, ay em ngay fagmauriun ankata sik tagmara nafalayug emi.

Eremyas 13:24

Yawi nalong te, “Namarapyag au ayu kata tagmara tagsiginan at yud e taw fag talun, nu gfalayug ngay upa.

Eremyas 14:17

“Eremyas, nanlong o sa sangay taw te, ‘Kayu menit ay yabi, wa karagang ya nu gwayway au aroro maksvn wan ku ngay taw at ngay bangbang, ku natuyan fia te, ku baguina, ay maksvn wan nu kabalu au anya fagayu.

Eremyas 23:19

Dungugani! Ku dotama kaksvn sik fulug ay sik tagmara tagbaribungan at namalang sat mauri fag ngay taw at ngay alfuyu.

Eremyas 4:12

Kanya at maksvn fag tagmara siginan tua angku. Katsi nanlong au sa anya fagayu ku faurianan.”

Eremyas 8:19

Dungugani! Ku ngay kaiban gwayway kadungug sas fagdaul talun, ay glong te, “O nunda Yawi naubun wan furuan Erusalem? O nunda Siun at fun wa sanya ya?” Yawi nabalus te, “Wain ay fagnafadotamaun angku, siginan nu gseg am tibak fagsegan?”

Eremyas 9:1

Ku alfuyu nu kata di sik bubun, ay siginan ku mata nu ganting di ngayuk liasun, gwayway kway ro gugat galay menit ay yabi laman sa ku ngay kaiban at kinbul.

Eremyas 9:7

Nu katanya, Yawi at Mabalyanan nalong te, “Namasine kban kanya fag ngay taw, kata nu gfasine gintu, ay namaskud kban anya fagayu. Nataw ya ro ku fagmafakamulunun sa anya fagayu?

Takabalu 2:11

Nawayway au ay ku ngay mata anbuksul. Maksvn wan nu gafanawa au ay ku amatanganan kata nu nrapyag, aroro sat kindasug fag faurianan sa ku ngay kaiban. At ngay sisian ay at ngay ngenge anmomuy gina si sangaba dalan.

Takabalu 3:48

Ku liasun nanting aroro sa ku ngay kaiban at nadalan fag faurianan.

Takabalu 4:10

Ay sat kindasug fag faurianan sa ku ngay iba, dewa at mafangesug fag ngay mina nafatama wan at ngay mesa sisian ay naon, aroro maksvn nu kalunus.

Takabalu 4:3

Ngay idu talun gfasusu tua at ngay riangan, dewa katanya, ku ngay taw madot way sat ngay sisian, gfaning tagbia fag manuk tagsis talun at yud e taw.

Takabalu 4:6

Ku ngay kaiban nu gafaurianan, aksvn yap ngay taw Suduma at nadalan fag faurianan. Dius nafauri wa vtv kanya fag furuan ay we nagubuk ya.

Esekyel 17:10

Ay dewa ban e natanum yay kafag wat sa tibak daga, wa gtugbung ya, ay kagong ban nu natagmara masugba.’ ”

Esekyel 19:12

Dewa katanya, aroro siginan sik maksvn fag dotama, nagulad kanya fag tanum ay anfuan sas daga. Ay at ngay rawvg an-gong, aroro sik tagmara masugba tagsiginans fakamenitan nauyup, ay at mogat fag sanga an-gong yangay, ay antong.

Usea 13:15

Dewa am kata sik sigbo tagtugbung, gfadasug kban at masugba fag tagmara siginans fakamenitan, ay siginans talun at yud e taw, laman ay ngay bulbug ay anggan ay ngay bubun umlanggang. Ngay tagfangkamul ban gbul ay ngay ramraman.

Usea 13:3

Nu katanya, umkalyam ban am kata linyabu ay damug sbalabag, ay kata upa nu kalayug gina gtagmara, ay kata anus nu gduksun siginans faraungan.

Usea 4:19

Nu katanya, sik tagridribudan ban fag tagmara namalayug anya fagayu, ay kanya ban fagayu umke fakaplaun aroro nafon ngay fanggalangun sa tibak fagsegan.”

Abakuk 1:11

Sanya ginan, kanya fagayu masakit glao, kata tagmara nu gdalan. Nu katanya, kanya fagayu anke asalanan, aroro we fagtoglagun ngay fagsegan, nu bunway gseg wan at sadili fagmakatuun.”

Abakuk 1:6

Ngay taw Babilunya gfangadotama ay kamabul, ay gsugu au anya fagayu laman namawayan. Kanya fagayu masakit nu gfawayan ngay talun sas fagdaul daga, laman nangagbilug ngay taw at fagbanwanan.

Mateu 3:12

Kanya glayap laman gfasaman at ngay nagutan siginans trigu, ay gfaful ngay bintuy trigu sat fagfungsuan. Dewa katanya, at ngay upa nangirug sas afuy at yud ban karabung kabavn.”

Lukas 3:17

Kanya glayap laman gfasaman at ngay nagutan siginans trigu, ay gfaful ngay bintuy trigu sat fagfungsuan. Dewa katanya, at ngay upa nangirug sas afuy at yud ban karabung kabavn.”