Eremyas 4:1 - Fanawbuid tagsibaliwas Fakayabian

¹ Yawi nalong te, “Israel, nu kaylat tuo fia kafoli sa angku, afolii wan. Nu gubun tuo fia am ngay fagsegan ay nu ddi ban o kasaruayan ya siginan angku,

Eremyas 4:1 ပူးပေါင်းရင်းမြစ်များ

Fakasigadan 35:2

Nu katanya, Akub nalong sat mangena ay sat ngay sisian ay sas fagayu tagalo anya te, “Falyami wan tagsi ayu fag ngay fagsegan. Fasinei ay bilug ay suluni sik bagu fag lanbung, sik fakatoglagan te, anbagu wam ay di e malong ay leleg.

2 Fun 23:13

Kanya nasugu yangay laman giklas ngay bale fagnansegan sa tangabat fag ngay buknga sas Erusalem at fakamenitan ay sit Mauri fag Buksul at fasiunan fag alvngvdan. Kanya fag ngay bale fun Sulumun at nafawat laman sas Asturet, ngay taw Sidun at fagsegan at maksvn nu mauri, ay Kemus, taw Muab at fagsegan at maksvn nu mauri, ay anggan Mulek, ngay taw Amun at fagsegan at maksvn nu mauri.

2 Fun 23:24

Fun Usyas naiyan taguro ngay kinbul at falad, ay naukas ngay fagsegan tagsi sangay bale, ay tiba yak fagsegan, ay at maksvn nu mauri fag ngay fagsegan sis talun Uda ay sis furuan Erusalem. Kanya nafakamulun takatanya laman gfaning fagayu at marirukan sis nasadian fag fafil, Kilkya fag tagfon fanggalangun at nalag sis Yawi at bale.

2 Krunika 15:8

Asa nu nadungug Asarya, Uded at baguama, at longan, kanya anseganama. Ay kanya naukas wan ngay fagsegan at maksvn nu mauri sis fagdaul talun Uda ay sis Benamin, ay tagsit nagbilug fag ngay furuan tagsis Efraim fag ngay buksul. Ay kanya nafasine fagirugan fanggalangun sas Yawi, tagsis Yawi at bale at tangbi.

2 Krunika 33:8

Ngay taw Israel ban nu gfaning tua fagayu ku ngay suguan ay ku faugali, Muisis at nalong sa anya fagayu, kwa ban gdog ya gaiyan anya fagayu ste ginan fag talun ku nafon sat ngay mangaguyang.”

2 Krunika 34:33

Sanya ginan, Usyas nafarufa wan fagayu fagsegan tagfauri sis talun Israel, ay nasugu kanya fag ngay taw laman gfakamulun tua sat Dius Yawi. Ay kaduge Usyas gleleg, kanya fag ngay taw gfaning tua at ngay mangaguyang at Dius Yawi.

Isayas 31:6

Am fag ngay taw Israel, maksvn nung am nafamabo Yawi. Afolii wan sa anya.

Eremyas 15:19

Nu katanya, Yawi nalong sa angku te, “Nu gubun tuo am asalanan, namafoli au emu sa ku day tigyangan laman namataglayun o namakamulun sa angku. Nu matuyan tua ban fia fagayu am longan, ay nu gsaruy tua ban o fagayu at mauri, namadog kban nanfili emu laman ku taglong. At matuyan, kanya way ban fagayu at nangakbang sa emu.

Eremyas 15:4

Fagayu ban talun at ngay taw sas fagdaul daga kasuya anya fagayu, aroro sas Manase, Esekyas at baguama, at nafakamulun sas furuan Erusalem ebi gina kanya gfunan sis Uda.

Eremyas 18:11

“Nu katanya, nanlong o sa sangay taw Uda ay sa sangay taw Erusalem te, ‘Dungugani! E algan au namaurianan ayu. Nu katanya, faragangi wan nu gugali am at mauri. Ay galay am at sadi ubuni wan ay fakamulun ay anggan ay ugali at mauri.’

Eremyas 24:9

Nama sik masuya au anya fagayu sa sangay fagfunanun sas fagdaul daga. Ay tiba bank talun gfalingun ay gfauri anya fagayu nusnga nday nu gbanwan.

Eremyas 25:5

Yawi naringang siginan at ngay taglong te, ‘Talyuyani wan ay ngay ugali at mauri ay ay ngay fakamulun at mauri laman ban gbanwan tuam gugat ste fag fagbanwanan ku nafon sa ayu ay sa ay ngay mangaguyang.

Eremyas 3:1

Sik mangama nu naiyan wan at bubay ay at bubay nu nanangadadwa wan sa tibak mangama, kafag mangama wa masine ya gbul at bubay, aroro takatanya fag mangena gfasuya fagdaul talun. Nu katanya, am fag ngay taw Israel kata yangay am takamatugtug fag mangena. Kesug am ngayuk fagsegan. Ay takaksvn nya ay nafakamulun at mauri, tain nu manangafoli am sa angku? Au, Yawi, taglong tuy.

Eremyas 3:12

Katsi loi wan ay foyungi sas Israel takatatuy fag foyungan: ‘Yawi nalong te, Am fag ngay taw Israel takamabo, afolii wan sa angku, aroro mafangafanyu ktua, ay kabavn ban kdi kadotama ya ayu.

Eremyas 3:14

Yawi glong yay fia te, “Ku ngay sisian takamabo, afolii wan sa angku, aroro am wan ku ngay taw. Gfili kban at sadi ay mannga dua siginan ay mesa gaban ay nantaban kban sas Erusalem.

Eremyas 3:22

“Ku ngay sisian takamaogatun, afolii wan sa angku, ay gfalyam au ay natalyuyanan angku.” Ay kanya fagayu gbalus te, “Agvd, namaning wami emu aroro o wan em Dius Yawi.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 36:3

Ngay taw Uda ro manga gubun tua at ngay ugali at mauri nu nadungug te, gfadasug kban sik faurianan. Ay kanya ban fagayu nu naubun tua at ngay ugali at mauri, gfalyam kban at ngay asalanan.”

Eremyas 4:4

Ngay taw Uda ay taw Erusalem, fasinei wan ay ngay amatanganan si ku daga salubangan, aroro nu dway ban am gfakamulun takatanya, umdasug sa ayu ku dotama takata igang at yud e mafarabung ya, aroro sa ay nafakamulun at mauri. Umfasludan ban takatanya aroro sa ay nafakamulun at mauri.”

Eremyas 7:3

“ ‘Yawi at Mabalyanan, Israel at Dius glong te, Falyami wan ay ngay ugali ay anggan ay famanwanun at yud matuyan, laman ban gfabanwan ktua gugat ayu ste fag talun.

Eremyas 7:5

“ ‘Falyami wan ay ngay ugali ay anggan ay famanwanun at yud matuyan. Ay matuyani tua fia sa ay ngay iba,

Eremyas 7:7

Nu nafakamulun tua ban am takatanya, gbanwan tua ban am gugat ste fag talun ku nafon sa ay ngay mangaguyang.

Esekyel 11:18

Ay nu nfoli ban am sanya, falyami wan tagsanya fag ngay fagsegan at maksvn nu mauri.

Esekyel 18:13

ay gfafamut at ngay nafabedan. O nunda takaksvn nya kafag baguama at nafakamulun kalangfe yay ban? Duan! Kanya ban kabul aroro sat ngay nafakamulun at mauri, ay tibak taw wa kataip at faginbulun, nu bunway sia wan at ke mamalong at faginbulun.

Esekyel 43:9

Kanya fagayu faragangi wan nu gseg tibak fagsegan ay sat nawat fag ngay aninu famamatang ngay fun at kinbul. Ay kanya ban fagayu nu nafakamulun tua takatanya, kabavn ban gbanwan au magamut anya fagayu.”

Usea 14:1

Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Usea 2:2

Ku ngay sisian, salagi ay mina aroro bunwa sia ya ku mangena ay bunwa au ya at mangama. Longi anya te, faragangi wan nu kamatugtug.

Usea 7:16

Kanya fagayu nananget oma gubuk sat yud e tungkul fag ngay fakakbangan. Kanya fagayu kata way sik yud e masuad fag godun. At ngay tagfangguna anbul sas awayan aroro wa matuyan at ngay longan. Nu katanya, ngay taw Igiptu ban namalingun anya fagayu.

Uel 2:12

Yawi nalong te, “Afolii wan sa angku sas fagdaul ay amatanganan; siginan nu yud am gfangon laman gdarangin, ay nu gwayway am, ay nu kabalu am.”

Sakaryas 1:4

Lag am gfaning ay ngay mangaguyang at fakamulun. Nasugu koma sik ngay taglong laman nanlong sa anya fagayu te, ubuni wan at ngay fakamulun at mauri. Dewa katanya, wa nafanud ay wa nafaning angku.

Deuterunumyu 27:15

“Umfaurianan ban nangus fagayu taw takawat ngay fagsegan at mawatan siginans gang, ay gintu, ay nu nanseg way yud e gsaful. Aroro Yawi maksvn nu kauri taw at nawat fag ngay fagsegan.” Ay fagayu ban taw gbalus te, “Anud!”

Deuterunumyu 4:30

Fagidapun ban nu ndasug sa ayu, umfoli ban am sas Yawi ay namaning ban am anya.

Uswe 24:14

“Nu katanya, katsi, esugi Yawi ay fakamuluni at matuyan. Ubuni wan ay ngay mangaguyang at fagsegan ebi gina sis dife Liskung Eufrates sis talun Igiptu, ay fakamuluni yakman sas Yawi.

Tagfangguna 10:16

Sanya ginan, ngay taw Israel naubun wan at ngay fagsegan ay naseg Yawi. At matuyan, Yawi wa kagwanta glag ngay taw Israel nu gidapan.

1 Samwel 7:3

Nu katanya, Samwel nalong sa sangay taw Israel te, “Nu kafoli tuam sas Yawi sas fagdaul ay amatanganan, ubuni wan ay ngay fagsegan anggan Asturet at aninu ay falganani ay sadili sas Yawi. Kanyai tua ay fagfaningun. Nu katanya tua ay fakamulun, gfalangfe tua ban ayu siginan sangay taw Filistia.”