Eremyas 39:9 - Fanawbuid tagsibaliwas Fakayabian

⁹ Nebusaradan fag tagfangguna ngay tagulit, nafangguna laman gtaban ngay taw at kinsawad sis Erusalem, ay anggan at nafadiuganan anya fag ngay taw, natabanan wan sas talun Babilunya.

Eremyas 39:9 ပူးပေါင်းရင်းမြစ်များ

Fakasigadan 37:36

Ginanya, kafag ngay tagfalao andasug sas talun Igiptu ay nafalo Use sas Putifar. Putifar, Igiptu at fun at tagfakamulun at sadi. Ay kanya sik fun yangay tagulit fun at bale.

2 Fun 20:18

Ay at fadogan ban am kasugfunanan gatabanan ay nangasik fagsuguan sas Babilunya at fun at bale.”

2 Fun 25:11

Ay kanya fagayu nataban at sawad fag ngay taw sanya ginan fag furuan, anggan at yud e kwa fag ngay taw ay ngay taw tagfadiuganan Babilunya at fun.

2 Fun 25:20

Nebusaradan nataban kanya fagayu sas talun Babilunya at fun sis furuan Ribla,

Isayas 5:13

Nu katanya, ku ngay taw ban gatabanan, aroro kanya fagayu wa gamatangan ya ku ngay nafakamulun laman sa anya fagayu. Kabul ban am sas fanlunus ay sas fandanum gasfuan ay ngay tagfangguna.

Eremyas 10:18

Yawi nalong te, “Gaiyan kban ayu ste ginan fag talun, ay namaidapan kban ayu, yakmay ban am namatang te, maksvn nu kadotama au ayu.”

Eremyas 16:13

Nu katanya, nangaiyan kwan ayu ste ginan fag talun, ay namabanwan au ayu sa ay fagyudun toglag fag talun, ay anggan ay ngay mangaguyang at fagyudun toglag. Ay gina ban am sanya fag talun, gseg ban am sa tibak fagsegan kayu menit ay yabi, ay kwa ban kafanyu ya ayu.’

Eremyas 24:8

“Dewa katanya, gtuyan au te, Sedekya, Uda at fun anggan at ngay tagfangguna ay fagayu taw Israel at kinsawad sis Erusalem ay sis talun Igiptu te, kata way at madanan fag rawvg igus at yud kaon ya.

Eremyas 38:19

Ay fun Sedekya glong sas Eremyas te, “Kalimu au ngay taw Udyu at nafadiuganan sa sangay taw Babilunya, aroro ngay taw Babilunya mafon angku sa anya fagayu ay kanya fagayu mafauri angku.”

Eremyas 40:1

Nebusaradan fag tagfangguna ngay tagulit sis Rama gina nafalfas Eremyas, Yawi e longan. Ginanya, Eremyas masiukan salambitan magamut ngay taw Erusalem ay ngay taw Uda at natabanan sas talun Babilunya.

Eremyas 40:7

Sis talun Uda e ngay tagfawayan ay at ngay tagfangguna at yud nafababaun sa sangay taw Babilunya ay tagsuksuan sas talun buid. Kanya fagayu nadungug te, Babilunya at fun nafili Gedalya laman fun sirut sas fagdaul at talun laman gfangguna fagayu at maksvn nu gidapan fag ngay mangama, ngay mangena ay ngay sisian at yud natabanan sas talun Babilunya.

Eremyas 52:26

Nebusaradan nataban kanya fagayu sas talun Babilunya at fun sis furuan Ribla,

Eremyas 52:27

sis Amat fag talun. Ay sanya wan nu gfabul anya fagayu. Ay ngay taw Uda natabanan sa tangayayu fag talun.

Daniel 2:14

Aryuk tagfangguna fun Nabukudunusur at ngay tagulit. Gina kanya glo laman namabul ngay tagfangatulun, Daniel madirianan nu gfakamatoan anya. Ginto te, “Wain fakaksvnun nya fun at suguan?” Nu katanya, Aryuk nalong sas Daniel fagayu at kinfasludan.

Lebitiku 26:33

Umke awayan ban maksvn si ayu laman grasras ay furuan, ay namasaruayan kban ayu sa sangay talun.

Deuterunumyu 4:27

Yawi ban namasaruayan ayu sa tibak ngay talun ay wa ban am ngayu ya takasawad si sangay talun at ngay taw nu inda Yawi nu gaiyan ayu.