Eremyas 39:7 - Fanawbuid tagsibaliwas Fakayabian

⁷ Ay nasugu yangay te, “Guladi Sedekya at ngay mata, ay siuki anya salambitan.” Ay sanya ginan nataban anya sas talun Babilunya.

Eremyas 39:7 ပူးပေါင်းရင်းမြစ်များ

2 Fun 25:7

Ay sis Sedekya at daga salubangan, kanya fagayu nafabul at ngay baguama. Sanya ginan Babilunya at fun nasugu yangay te, “Guladi Sedekya at ngay mata, ay siuki anya salambitan.” Ay sanya ginan nataban anya sas talun Babilunya.

Alubad. 119:8

Gfaning kban gugat am ngay foyungan, nu katanya, lag gfabayan angku.

Eremyas 20:4

Katatuy Yawi at longan: Umlimu ban o takadasug sa emu ay sa am ngay fagadgalangan. Lumag ban o ngay fawayan nu gfabul kanya fag ngay taw sis fagawayanan. Namagbilug kban talun Uda sas Babilunya at fun. Ay kanya ban fag fun gfabul tibak taw Uda, ay tiba bank taw gatabanan.

Eremyas 34:3

“ ‘Wa ban o malagyu ya sanya ginan. Nanggamat ban emu ay namon sas Babilunya at fun. Ay gtaban ban emu sit daga salubangan laman namauri, ay nantaban emu sas talun Babilunya.

Eremyas 44:30

Gfon kban Igiptu at fun Kufra, talun Igiptu at fun, sat ngay fawayan takaylat gfabul anya kata ku nafakamulun sas Sedekya talun Uda at fun, sat fawayan fag fun Nabukudunusur talun Babilunya at fun takaylat yangay gfabul anya. Au, Yawi, taglong tuy.’ ”

Eremyas 52:11

Ay nasugu yangay te, “Guladi Sedekya at ngay mata, ay siuki anya salambitan.” Ay nataban anya sas talun Babilunya. Ay Sedekya maubungan sanya, ay sanya wan nu kabul.

Esekyel 12:13

Dewa katanya, ggamat kban anya kata sik mangilafang ay nantaban sas talun Babilunya sa sangay taw Kaldea at talun. Dewa katanya, kanya ban wa glag, ay sanya waban nu kabul.

Tagfangguna 16:21

Ngay taw Filistia nagamat Samsun, ay nabul at mata fagdua. Sanya ginan, nabuba sas talun Gasa ay nasiuk sanbung ganyang. Ay kanya fagayu nafafakamulun Samsun sisad basad fagubungan laman gligis rawvg trigu.