Eremyas 39:4 - Fanawbuid tagsibaliwas Fakayabian

⁴ Fun Sedekya ay at ngay tagfawayan nu nalag kanya fag ngay taw, gina gakayabiun kanya fagayu nalagyu wan. Kanya fagayu nadalan sas fun at tanuman, sas sakbawan tagsis wabilug duak alad, ay nalagyu sas Liskung Urdan.

Eremyas 39:4 ပူးပေါင်းရင်းမြစ်များ

2 Krunika 32:5

Sanya ginan, Esekyas nafaogat yay at furuan alad, ay nafawat at fagulitan fag ngay bale ngabat. Ay kanya nafalanib yay kafag furuan at alad, ay nafabungsud lutuk sas galay datag tagsis Dabid at furuan daul. Ay kanya nafawat yangay ngayuk famawayan ay ngay famalabag.

Isayas 22:11

Nawat yangay am sik fagfungsuan mamam sis buknga alad, ay nafapnu am mamam siginan at dan fag fagfungsuan. Ay dewa katanya wam nasaful te, Dius tua at ke algan takatanya siginan ebi, laman umfasludan takatanya.

Isayas 22:3

Ay ngay tagfangguna nalagyu wan ay tiba natabanan wan. Ay ay ngay iba nalagyu oma, dewa katanya e nagamat yay.

Isayas 29:2

Ay dewa katanya, namawayan kway ban kafag furuan, ay at ngay taw gwaywayan ban kabalu. Ay nu sa angku, kafag furuan umkata wa sik fagirugan tagatagukun.

Eremyas 32:4

Ay fun Sedekya ban wa malagyu ya siginan sangay taw Babilunya, abat ngate, nantaban ban anya sas talun Babilunya at fun at daga salubangan laman nanginsaful anya.

Eremyas 32:5

Namataban kban fun Sedekya sas talun Babilunya ay kanya ban gbanwan sanya yakmay ban antabu gfaurianan anya. Dewa ban am gfawayan ngay taw Babilunya, wa ban am gbabo. Au, Yawi, taglong tuy.”

Esekyel 12:12

“Anggan ban at tagfangguna namasanan at sadili famubaun ay glao sad yabi. Ay nu gduksun ban sa ways sulat dingding alad at nafalganan laman sa anya. Ay kanya ban gtabun at mata laman wa glag kafag talun.

Esekyel 12:4

Ay nu gakayabiun wan, falganani am famubaun laman ngay taw glag. Nu nyabi wan, gina kanya fagayu gdama, loi kata sik natabanan.

Lebitiku 26:17

Gfabayan kban ay fawayan nu gbabo ayu, ay kanya ban fagayu gagbilug ayu. Ay at kaksvnan ban nu kalimu am gtadtaruyan ban am glagyu, dewa yud e gfafalo ayu.

Lebitiku 26:36

“Ay am ban at sawad at natabanan sa ay ngay fawayan at ngay talun, gfadasug kban sa ayu at maksvn fag fanlimu. Ay kalimu ban am dewa ban sik don way tagreres gina gtagmara, ay deyud ban e gfafalo ayu glagyu am kata nu e namabul ayu. Ay kaduge am glagyu, gdaddalusungan am, nu katanya, wa ban am mafawayan ay ngay fawayan.

Amus 2:14

Nu katanya, dewa at masakit glagyu, wa malagyu ya, ay at magaras fag ngay taw ummomuy, ay at ngay tagfawayan wa mafalangfe at sadili.

Deuterunumyu 28:25

Yawi ban gfababawan ayu sa ay ngay fawayan. Masadi ban am namawayan anya fagayu, dewa katanya, gsaruayan way ban am ay glagyu anya fagayu. Ay umsik mauri ban am sas fagayu fagfagtainanan sas fagdaul daga.