Eremyas 39:18 - Fanawbuid tagsibaliwas Fakayabian

¹⁸ Ay gfalangfe kban emu, ay di ban o kabul sas awayan. Umlangfe tua ban o aroro gafanud tuo sa angku. Au, Yawi, taglong tuy.’ ”

Eremyas 39:18 ပူးပေါင်းရင်းမြစ်များ

1 Krunika 5:20

Ay gina gfawayan, kanya fagayu naet gubuk sas Dius, ay Dius nabalus tua at darangin aroro kanya fagayu e fagafanudun tua. Nu katanya, Dius nafababo anya fagayu sa sangay taw Agri ay sa tiba ya at ngay fawayan.

Ub 5:20

Kanya gfalangfe emu galay e fanlunus ay galay e gawayan.

Alubad. 147:11

Dewa katanya, kanya guseganan tua ngay taw tagsuyu anya, ay tagafanud te, mafangesug tua.

Alubad. 2:12

Fababauni sas Dius at nafili fag fun aroro nu dway am gfakamulun takatanya, kanya kadotama ay masakit gfauri ayu. Dewa katanya, mauseganan tua fagayu taw tagsarirung sis Yawi.

Alubad. 33:18

Dewa katanya, Yawi gulit tua fagayu taw tagfaning ay tagafanud te, kanya mafangesug.

Alubad. 34:22

Dewa katanya, Yawi gfalangfe tua at ngay fagsuguan, ay nusdi sadi di e gafaurianan tagsarirung si anya.

Alubad. 37:3

Afanudi sas Yawi, ay fakamuluni at masine. Ay gbanwan ban o manabayan iste fag talun.

Alubad. 84:12

Yawi at Mabalyanan, mauseganan sik taw tagafanud sa emu.

Alubad. 91:7

Dewa ban ngayuk libu at kinbul sim ligung, di ban e kadasug sa emu at maidap.

Isayas 26:3

Yawi, foni sik maksvn fag fagmanabayanun sanya fag ngay taw tagamatangan kabavn sabaliwa emu, aroro gafanud tua sa emu.

Eremyas 21:9

Nusnga sinu ban tagbanwan yay gugat ste fag furuan, kabul ban sas fagawayanan, sas fanlunus, ay sas fakasaitun. Dewa katanya, nusnga sinu ban at nafamababaun sa sangay taw Babilunya at maligung si ay furuan, kanya ban gleleg tua.

Eremyas 38:2

‘Nusnga sinu tagbanwan yay gugat sis furuan, umbul ban sas awayan ay fanlunus ay fakasaitun, dewa katanya, nusnga sinu ban at nafamababaun sa sangay taw Babilunya wa ban kabul, nu bunway kalangfe tua ban ay gleleg.’

Ruma 2:12

Fagayu taw tagasalanan at yud nasaful Muisis at Faugali, umfaurianan, bunwa te, aroro wa nafaning kafag Faugali. Ay fagayu taw at nasaful kafag Faugali, ay gfataglayun way gasalanan, kanya umfaurianan aroro wa gfaning.

Efesu 1:12

laman ami, at naguna gafanud sa tam Fun Isus, gfauseganan ay gseg ami anya aroro sat kamasinean.

1 Pedru 1:21

Aroro siginan anya gafanud tuam sas Dius, at nafadog nafaleleg ay at nafauseganan anya. Nu katanya, e fagafanudun tuam ay e fagsegun sas Dius.