Eremyas 39:12 - Fanawbuid tagsibaliwas Fakayabian

¹² “Nantaban o Eremyas ay alagai fia anya. Ay foni fagayu at fagetun.”

Eremyas 39:12 ပူးပေါင်းရင်းမြစ်များ

Fangatulun 16:7

Nu maylat tua tam sas Yawi, mafalukmeanan tua tam ngay fawayan, laman tam fagadgalangan ban.

Fangatulun 21:1

Sik funan at amatanganan kata sik liskung Yawi at fagfafamiluganun nusnga nday at fakaylatun.

Fangatulun 23:5

Aroro ramraman masakit way nu kamin, kata sik bio taglayugan sis kiwang.

Eremyas 15:11

Yawi nalong sa angku te, “At matuyan, fagayu ban taw kaylat emu. Ay gina ban am ngay fawayan e fagidapun ay e fakabaluun namainfanyuan sa emu te, darangini anya fagayu.

Eremyas 15:21

Ay gfalangfe kban emu sa sangay taw at mauri ay at madot.”

Eremyas 24:6

Gdiri kban anya fagayu laman umke fagmanabayanun ay gfafoli kban anya fagayu sat fagbanwanan. Namadog kban namaksvn anya fagayu ay kwa ban gfaurianan ya. Nantanum kban anya ay kwa ban gdog ya ggulad.

Eremyas 39:13

Ay Nebusaradan fag tagfangguna ngay tagulit, ay Nebusasban, Nergal-Sareser, ay tiba ya talun Babilunya at ngay tagfangguna nafaning at suguan.

Eremyas 40:4

Katsi, gfalfas kwa emu, ay gluas kwan at fansiuk emu fag salambitan. Ay nu masine tua sa emu aloi angku sas talun Babilunya ay galaga kban emu. Ay nu dway o kaylat si way emu.” Ay Nebusaradan gdog yay glong sas Eremyas te, “Damai fagdaul talun; masine way o glao nusnga nday am fakaylatun.

Amus 9:4

Ay at ngay fawayan ban dewa tumaban anya fagayu, namabul kyay fia anya fagayu. Aroro ku algan wan namamin, ay yud nanggubuk anya fagayu.’ ”

Fakamulun 7:10

Dius nafalangfe anya siginan sangay fagidapun. Ay nafae fagsafulun anya ay nagubuk laman Faraun, talun Igiptu at fun, kaylat tua anya. Nu katanya, Igiptu at fun nafili anya laman sik tagfangguna sis fagdaul talun Igiptu ay nafatigwanan wan sa anya fagayu at ngay fagagbilugun.