Eremyas 39:1 - Fanawbuid tagsibaliwas Fakayabian

¹ Katatuy furuan Erusalem nu karasras: sis fasafuluk magdanun sis fasiamk banwa, fun Sedekya nu gfunan talun Uda, fun Nabukudunusur, talun Babilunya at fun, ay fagayu at ngay tagfawayan anful sis day Erusalem ay nafabungsud lutuk sis fun alad laman at fagsakboan.

Eremyas 39:1 ပူးပေါင်းရင်းမြစ်များ

2 Krunika 36:17

ay naylat ngay taw Babilunya nu namawayan anya fagayu. Ngay taw Babilunya gfabul kafag ngay taw at ngay baguama dewa sis Yawi at bale. Kanya fagayu we afanyu ya sas nusnga sinu fag taw, mangama ay mangena, ay at mafagtainan ay at mamomuy. Dius nafagbilug at ngay taw sas fun Nabukudunusur.

Eremyas 32:1

Yawi naringang sas Eremyas, gina sis fasafuluk banwa fun Sedekya nu gfunan sis Uda, ay gina sis falabi waluk banwa Nabukudunusur nu gfunan sis talun Babilunya.

Eremyas 34:1

Nabukudunusur, talun Babilunya at fun, nanamawayan furuan Erusalem ay anggan tagsit ligung fag ngay furuan. Kanya gadgaloan fagayu at ngay tagfawayan ay anggan ngay tagfawayan tagsiginan at fagagbilugun fag ngay fagfagtainanan. Ay ginanya, Yawi, Israel at Dius, nalong sas Eremyas te, “Loi sas Sedekya, Uda at fun, ay nanlong o sa anya te, ‘Yawi glong te, Namon kwan sas talun Babilunya at fun tuy fag furuan daul ay kanya nangirug.

Eremyas 34:22

gsugu kyay ban anya fagayu laman namadog namawayan, nangagbilug, ay nangirug ayu. Fagayu ban furuan sis Uda namasik mabaluanan au ay wa ban e gbanwan ya.”

Eremyas 42:18

Yawi at Mabalyanan, Israel at Dius, glong yay fia te, ‘Nu setain nu gfalag au sa sangay taw Erusalem nu kadotama au maksvn, gfalag kyangay ban sa ayu ku fandotaman nu glao way ban am sas talun Igiptu. Ngay taw ban maksvn nu gfauri ayu. Kanya ban fagayu gfalingun ay gngayan ban ayu te, mauri, ay wa ban am makafoli ya stae fag talun.’

Eremyas 52:1

Sedekya at banwa duak safulu e sadi gina gfasigad gfunan. Kanya gbanwan sis Erusalem ay nu gfunan labi sadik banwa. At mina Kamutal, Eremyas at baguina fag taw Libna.

Eremyas 6:6

Yawi at Mabalyanan glong te, “Nanggatvng ban am sik ngay kayu laman ay fangiklas furuan Erusalem at ngay alad, ay fabungsudi sik ngay lutuk sas tigyangan alad, laman ay dalan. Faurii wan tuy fag furuan aroro maksvn wan nu kamaidapan.

Esekyel 33:21

Gina sis falimak menit sis fasafuluk magdanun, gina sis falabi duak banwa nu gatabanan ami, sik taw nalagyu siginans Erusalem ay nanangakbang sa angku ay nalong te, “Furuan Erusalem anrasras wan.”

Esekyel 4:3

Sanya ginan, namul o sik sanbung marafad kata sik alad gang fanwabilug emu siginans furuan. Sanya ginan, salubangi sas furuan kata nu namawayan o. Ay kanya sik famasaful sa sangay taw Israel te, at ngay fawayan ban namawayan anya fagayu.

Esekyel 40:1

Gina sis fasafuluk menit sis taguna fag magdanun sis faduak safulu e limak banwa nu gatabanan ami, gina sis falabi ufatk banwa siginan furuan Erusalem nu karasras, Yawi at fagmabalyananun antayuk sa angku ay nafalag sa angku sik taginfan. Kafag taginfan nabuba angku sa tangabat fag buksul sis talun Israel, ay nu nabanawan au sabaliwas fasiunan e nalag au takata sik furuan daul.

Esekyel 5:2

Taguna fag afud namoli o sam natagis fag furuan Erusalem. Ay nangirug o sas wabilug furuan nu ntabu wo gfalag nu setain furuan Erusalem nu gababawan. Ay at faduak afud, gatvngi ay fatunglui sas furuan daul. Ay at sawad, falayugi wan sas tagmara. Aroro namabul kban ku ngay taw siginan sik fiso tagsumbalian at uyup.

Deuterunumyu 28:36

Yawi ban namataban ayu gasfuan ay nafili fag fun sa ay fagyudun toglag fag ngay taw, ay anggan ay ngay mangaguyang at fagyudun toglag. Ay nanseg ban am sat ngay fagsegan at mawatan kayu ay gang.