Eremyas 38:9 - Fanawbuid tagsibaliwas Fakayabian

⁹ “Mesug fag fun, ngay taw nafakamulun at mauri sas Eremyas. Kanya fagayu nafatong anya sa sik bubun, ay matuyan kanya ban umbul wan sas lunus, aroro gakaminun wan tinapay sas fagdaul furuan.”

Eremyas 38:9 ပူးပေါင်းရင်းမြစ်များ

Ub 31:34

Ay kdi lang namaragangan ay nanansuksuan aroro kalimu au ngay taw at ngay longan.

Eremyas 19:9

At ngay fawayan ban nanligung kanya fag furuan yakmay ban ngay taw tagbanwan sanya at fakonun ankamin. Nu katanya, sanya ban umke fanlunus ay kanya ban fagayu kon at ngay ibama ay anggan at ngay mesa sisian.’ ”

Eremyas 37:21

Nu katanya, fun Sedekya nasugu te, “Tabani Eremyas sas tagulit at bale at fagmafulan,” ay nasugu yangay te, “Kaduge e tinapay sis furuan, bubai ay foni sas Eremyas.” Nu katanya, Eremyas gbanwan yay gugat si sangay tagulit at fagmafulan fag bale.

Eremyas 38:10

Nu katanya, fun Sedekya nasugu sas Ebed-Melek te, “Nantaban o tuluk safuluk mangama siginan ku ngay taw, ay namaduksun am Eremyas siginans bubun gina yay yud anbul.”

Eremyas 39:17

Dewa katanya, ginanya ban, gfalangfe au emu. Kwa ban gfon emu sa am fakalimuun fag ngay taw.

Eremyas 52:6

Ay sis fasiamk menit sis faufatk magdanun ginanya yangay fag banwa, anke fanlunus maksvn sis furuan Erusalem ay ngay taw tagbanwan sanya we fakonun ya.

Takabalu 1:11

Ngay taw Israel gidapan grvbvy at fakonun. Kanya fagayu nafabangsi at ngay ramraman sas fakonun laman gleleg. Erusalem glong te, “Yawi, damai tua angku, maksvn wan ku fakaplaun.”

Takabalu 3:53

Kanya fagayu nafaskud namabul angku siginan nu gfana angku ngay gang, ay nu gfatong angku sa sik bubun.