Eremyas 38:4 - Fanawbuid tagsibaliwas Fakayabian

⁴ Nu katanya, kafag ngay tagfangguna nalong sat fun te, “Fabuli wan Eremyas aroro at ngay longan gfamomuy way at kinsawad fag ngay tagfawayan ay tam ngay taw at ngay amatanganan. Kanya we algan ya at masine sa sangay taw, nu bunway fagmauriun way.”

Eremyas 38:4 ပူးပေါင်းရင်းမြစ်များ

1 Fun 21:20

Akab nu nalag Elyas, kanya gagras glong te, “O nablangan yay ta ngaro gayvd!” Ay Elyas nabalus te, “Sabv, nastie au aroro nasaful au te, nafakamulun o at mauri sas Yawi at daga salubangan.

2 Krunika 24:21

Ay ngay tagfakamulun anke algan namabul Sakaryas. Ay fun nasugu te, fanai wan Sakaryas, ay kanya fagayu nafana anya sis Yawi at basad bale, ay kanya anbul wan.

Esra 4:12

Em fun, kaylat ami gfasaful sa emu te, ngay taw Udyu gdog yay kawat furuan Erusalem. Ay tagbanwan sanya at mauri way ay takamabo. Kanya fagayu andasug sanya siginan am fagagbilugun fag talun. Kanya fagayu nafasine wan alad ay anggan fagfatungkudan turuk.

Nemyas 6:9

Nasaful au te, kanya fagayu gfalimuanan way emi laman karagang nu gfakamulun ami. Dewa katanya, nadarangin au sas Dius te, “Faksvni yap ku amatanganan.”

Nu Galin 5:4

Dewa katanya, Igiptu at fun nalong way te, “Muisis ay Arun, wain ay fagfasalagun kafag ngay taw nu gfakamulun? Afolii wan sa ay fakamulun!

Eremyas 11:21

Ngay taw Anatut e algan gfabul angku, kway gfaragang nu kamoyung au Yawi at longan. Nu katanya, Yawi at Mabalyanan nalong te, “Namaurianan au kanya fag ngay taw: at ngay baguama umbul sas awayan, ay at ngay sisian umbul sas lunus.

Eremyas 18:23

Dewa katanya, saful way o kanya fagayu at ngay algan laman namabul angku. Nu katanya, lag o gfalyam kanya fag ngay taw at ngay asalanan ay at ngay fagmauriun. Fabayani wan at ngay fawayan nu gbabo anya fagayu kaduge o gdama. Fadasugi wan am dotama sa anya fagayu.”

Eremyas 26:11

Ngay tagfon fanggalangun ay ngay taglong glong sa sangay tagfangguna ay sa sangay taw tagsanya te, “Faurianani wan fakabulun tuy fag taw aroro nalong at mauri stie fag furuan.”

Eremyas 29:7

Fae fagmanabayanuni ay fae ramramani at fagtabanan ayu fag furuan. Ay darangini kafag furuan aroro kanya ban fag furuan nu nke fagmanabayanun, anggan ban am umke fagmanabayanun yangay am.”

Eremyas 38:16

Ay fun Sedekya ginasan gfatuyanan sas Eremyas te, “Gfatuyanan au sas Yawi, tagleleg fag Dius tagfon antam leleg te, kwa ro gfabul ay kwa yangay ro gfon emu sa takaylat gyafabulun emu.”

Eremyas 38:25

Ay tibaginan ngay tagfangguna nasaful way te, nakamatoan ta ay mainto sa emu te, ‘Nataw ay nakamatoan? Nu dway o glong sa emi, gfabul ro mi emu.’

Eremyas 43:3

Ay Baruk, Nerya at baguama at nafaylatan emu laman namagbilug o emi sa sangay taw Babilunya laman gfabul emi ay mannga nantaban.”

Esekyel 22:27

Ay kafag ngay taw at fun kata sik ngay idu talun. Kanya fagayu nanfamabul laman kae salapi.

Amus 7:10

Amasya fag tagfon fanggalangun sis Betel nafadasug sas Erubuam, Israel at fun, sik rirukan. Katatuy at marirukan, “Amus e algan mauri sa emu ste sis talun Israel. Ay fagayu taw wa kagwanta ya Amus at ngay nalong.

Lukas 23:2

Ay kanya fagayu gfasigad gfoyung at ngay fantabugan te, “Nalag ami tuy fag taw nu gfae asalanan tam ngay taw. Ay kanya gsalag emi nu gfon ami famayad sas talun Ruma at fun, ay nalong te, ‘Au wan sik fun, Dius at nafili.’ ”

Fakamulun 16:20

Ay nu ndasug sa sangay tagwabilug at daga salubangan, kafag ngay tagfayafun nalong te, “Tuy fag ngay taw Udyu gfauri tam furuan.

Fakamulun 17:6

Ay kanya fagayu wa nalag duama, nu katanya, at nagamat Asun way ay tiba yak tagafanud. Ay kanya fagayu naguyudan kafag ngay tagafanud sa sangay tagfangguna at daga salubangan, ay guro te, “Kafag duama gfae fagawayanun nusnga nday siginan at ngay foyungan, ay katsi, andasug stie sa tam furuan.

Fakamulun 24:5

“Tuy fag mangama kamauri sa sangay taw Udyu sas fagdaul daga, ay kanya sik tagfangguna sik gaban at ngayan Nasarenu.

Fakamulun 28:22

Ay dewa katanya, kaylat ami gdungugan nusnga setaw am fagyalongun, aroro saful wami te, nusnga ndaginan ngayuk taw takauri sam naylatan fag fagafanudun.”