Eremyas 38:22 - Fanawbuid tagsibaliwas Fakayabian

²² Fagayu mangena at kinfamato sim bale, ngay tagfangguna ban gtaban sas talun Babilunya. Ay kanya ban fag ngay mangena glong emu te, ‘Am ngay fagadgalangan gfalingun emu, ay am darafa malubguban way sisad lifak, ay kanya fagayu natalyuyan wan emu.’

Eremyas 38:22 ပူးပေါင်းရင်းမြစ်များ

Ub 6:15

Ku ngay faduksay wa matuyan sa angku, kata way sik liskung tagfanlugwak ay takalanggang vtv.

Alubad. 41:9

Ay dewa ku fagadgalangan fia ay tagfasfuan angku gfangon ay ku fagananadun gugat, ankuri ay natalyuyan wa angku.

Alubad. 69:14

Gubuki angku laman dakdi kalubgub sasad lifak. Ay falangfei angku siginan ku ngay fawayan kata nu gfalangfe o angku siginan tangabasad fag mamam.

Alubad. 69:2

Kata nu gakalubgubun au si tangabasad fag lifak at yud e fakasiadan. Ay kata nu kalimus au sis lugwak sis fagngabasadan dagat.

Isayas 42:17

Dewa katanya, ngay taw tagafanud sa sangay fagsegan, umkapla ban ay lumagyu.”

Eremyas 13:21

Tain ro am namatangan at nagbilug emu nu am fagadgalangan way fag talun? O nunda ro nu gamatangan o wa kata sik mangena tagafasalugun wan?

Eremyas 20:10

Nadungug au kafag ngay taw nu ginasan gfalingun angku. Ay kanya fagayu glong kata ku longan te, “Malimu takadasug sa antam!” Ay glong yangay fia te, “Gewan, katsi wan at buknga nu namasud tam Eremyas.” Anggan ku ngay fagadgalangan gfanya nu kafaurianan au. Kanya fagayu glong te, “Bangaran ro manandaya tua tam anya. Nu nfasludan tua ban takatanya, nababo tam ay mafasud anya.”

Eremyas 27:14

Lag am gafanud ngay taglong at nalong te, Babilunya at fun wa nangagbilug ayu, aroro kanya fagayu kamuag way.

Eremyas 27:15

Katatuy Yawi at longan, ‘Kwa nasugu kanya fag ngay taglong. Kanya fagayu glong ku ngayan laman kamuag sa ayu. Nu katanya, nu nafanud way ban am, gaiyan kban ayu ay kabul ban am, gasfuan kanya fag ngay taglong.’ ”

Eremyas 38:19

Ay fun Sedekya glong sas Eremyas te, “Kalimu au ngay taw Udyu at nafadiuganan sa sangay taw Babilunya, aroro ngay taw Babilunya mafon angku sa anya fagayu ay kanya fagayu mafauri angku.”

Eremyas 38:21

Dewa katanya, nu dway ban o gfababaun, katatuy Yawi at Mabalyanan at longan sa angku takadasug sa emu.

Eremyas 41:10

Ay Ismael nataban at kinsawad fag ngay taw Mispa: fun at ngay baguina ay anggan Nebusaradan at nafatigwanan sas Gedalya fag ngay taw laman at fagulitun. Ay sanya ginan Ismael anfoli wan sas talun Amun gfadgaloan at ngay nataban.

Eremyas 43:6

Galo yangay sanya anggan ngay mangama, mangena ay sisian, ay anggan fun at ngay baguina, ay Nebusaradan fag tagfangguna ngay tagulit at nafatigwanan sas Gedalya, Akikam at baguama, Safan at fufu. Kanya fagayu nataban yangay Eremyas fag taglong ay Baruk, Nerya at baguama.

Eremyas 46:21

Ay anggan ban at fagbayadun fag ngay tagfawayan kafoli glagyu. Kanya fagayu kata at nafataglu fag ngay fagbaugun tumad laman at fagnamabulun. Umfasludan ban takatanya, aroro ginanya wan at buknga laman namaurianan ay namamin ngay taw Igiptu.

Eremyas 46:5

Dewa katanya, nataw ku lagan? Gsugudan am gtadtaruyan kalimu. Nababawan am ay glagyu masakit yud gfanligbatan ya aroro at kaksvnan nu kalimu am.

Eremyas 6:12

Ay namon kwan sa tibak taw at ngay bale anggan at ngay gamasun ay at ngay bubay. Umfasludan ban takatanya gina au nafaurianan ngay taw tagbanwan ste fag talun. Au, Yawi, taglong tuy.

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Takabalu 1:13

Ay kanya nafadasug afuy siginans banwa, kata nu girug ku ngay bini. Kanya nafasangdawan si ku dalan ay ansangdaw au. Kanya naubun angku ay mamomuy kway lang fagngabak menit.

Takabalu 1:2

Fagngabak yabi kanya maksvn nu gwayway. At ngay liasun glibisan sit fingi. Fagayu takesug anya we gfasun ya anya, ay at ngay fagadgalangan ankuri wa anya, ay kanya fagayu at ngay fawayan wan.

Takabalu 5:11

E natugtug em ngay mangena sis furuan Erusalem, ay e natugtug yangay em ngay baguina sis Uda fag ngay furuan.

Mikas 7:5

Fagmauriun anfagdaul wan, nu katanya, lag am gafanud ay iba anggan ay fagadgalangan, ay madiriani tua ay nalong dewa say mangena.