Eremyas 38:21 - Fanawbuid tagsibaliwas Fakayabian

²¹ Dewa katanya, nu dway ban o gfababaun, katatuy Yawi at Mabalyanan at longan sa angku takadasug sa emu.

Eremyas 38:21 ပူးပေါင်းရင်းမြစ်များ

2 Krunika 36:12

Sedekya at fakamulun mauri way sit Dius Yawi at daga salubangan, ay kanya wa nafamababaun sas Eremyas, Yawi at taglong.

Ub 23:13

Ay Dius di ginbalian kabavn, ay nusnga sinu we masalag anya, ay kanya mafafakamulun tua nusnga setaw at fakaylatun.

Ub 34:33

Setain ro Dius nu mabalus am fagetun nu dway o gubun am asalanan? O wan tagamatangan ay bunwa au ya, nu katanya, longi sa angku nu setain am algan.

Nu Galin 16:28

Ay Yawi nalong sas Muisis te, “Seduge yaban kanya fag ngay taw nu kamabo ku ngay suguan ay ku ngay foyungan?

Eremyas 26:15

Dewa katanya, amatangani te, nu nafabul ro am angku, am ay anggan ay ngay taw umke mamalong ro, aroro nafabul am at yud e asalanan fag taw. At matuyan, Yawi nasugu angku laman gfoyung au sa ayu kata ay nadungug.”

Eremyas 38:20

Ay Eremyas glong anya te, “Nu gfaning tua ban o Yawi at longan, ngay taw Babilunya ro wa gfon emu sa kafag ngay taw Udyu. Wa ro wo kabul ay wa ro e kadasug sa emu nusnge wain at mauri.

Eremyas 38:22

Fagayu mangena at kinfamato sim bale, ngay tagfangguna ban gtaban sas talun Babilunya. Ay kanya ban fag ngay mangena glong emu te, ‘Am ngay fagadgalangan gfalingun emu, ay am darafa malubguban way sisad lifak, ay kanya fagayu natalyuyan wan emu.’

Eremyas 5:3

Sanya ginan, nalong au sas Yawi te, “O grvbvy o at matuyan fag taw? Nafauri o am nafili fag ngay taw ay wa nkuri. Nafaurianan o anya fagayu ay wa kaylat gfayfoyung. Kanya fagayu nafamaogatun ay wa kaylat gubun at ngay asalanan.

Esekyel 2:7

Kanya fagayu gdungugan man ay duan, namadungug o fia ku nalong emu.

Tap 24:13

dewa ban o gfon sa angku am bale at mapnu sanbung salapi ay gintu, kwa mafafakamulun ku sadili fakaylatun, at masine ay at mauri. Ay nu nataw Yawi at foyungan sa angku, kanya way ku fagnanlongun sa emu.

Fakamulun 18:6

Dewa katanya, ngay taw Udyu wa naylat Pablu at foyungan abat ngate nafalingun way, nu katanya, Pablu nafagfag at lanbung sik fakatoglagan te, kafag ngay taw mauri. Sanya ginan, kanya nalong sa anya fagayu te, “Ay kakurangan yay ban, nu nfaurianan ban am. Ay siginan ban katsi nu nanfamoyung au, sa ways yud Udyu fag ngay taw.”

Ebreu 12:25

Nu katanya, am madiriani tua laman diam kauri gdungugan tagfoyung ayu. Ebi fag ngay taw at yud kaylat gdungugan Muisis at foyungan, wa nasaruy faurianan. Ay kaugat waban itam nu yud tam kalangfe nu dway tam kaylat gdungugan tagsiginans banwa fag foyungan.