Eremyas 38:20 - Fanawbuid tagsibaliwas Fakayabian

²⁰ Ay Eremyas glong anya te, “Nu gfaning tua ban o Yawi at longan, ngay taw Babilunya ro wa gfon emu sa kafag ngay taw Udyu. Wa ro wo kabul ay wa ro e kadasug sa emu nusnge wain at mauri.

Eremyas 38:20 ပူးပေါင်းရင်းမြစ်များ

Fakasigadan 12:13

Dewa gina ro longi way te, duksay way ta, laman ro kafag ngay taw malukme tua ay di namabul angku aroro siginan emu.”

Fakasigadan 19:20

O glag o atsi fag furuan sirut? Sanya way ro ku fagmadasugun at munakbang.”

2 Krunika 20:20

Ay balabag di sbalabag Eusafat ay at ngay ufud nalao sas Tekwa fag talun at yud e taw. Ay kaduge kanya fagayu glao Eusafat anragang ay nalong te, “Ngay taw Uda ay ngay taw Erusalem, dungugani angku! Afanudi sa ay Dius Yawi, ay faksvni tua ay amatanganan. Ay afanudi yangay sat taglong ay gbabo ban am.”

Fangatulun 4:4

Ku mama nafoyung angku, ay nalong te, “Ku sisian, amatangani tua gugat ku ngay foyungan emu. Ay faningi ku ngay suguan emu, ay ngaduge tua ban nu gleleg o stes daga.

Fangatulun 7:2

Faningi fia ku ngay suguan emu laman ban ngaduge tua nu gleleg o. Fabanwani si emu ku ngay foyungan, kata nu gdiri o am mata.

Isayas 55:3

Akbangi ay dungugani angku laman gleleg tuam. Nangawat au sik nasadian laman sa ayu, ay wa ban e fakatabuan. Kafanyu kban ay kesug ayu kata ku nafatuyanan sas Dabid!

Eremyas 11:4

Katatuy em nasadian: gina au gfaduksun ay ngay mangaguyang siginans talun Igiptu takata sik faygangan daul at mafatinas sanbung, nalong au sa anya fagayu te, ‘Faningi ku ngay suguan, aroro nu gfaning tua ban am angku ay ku ngay suguan, am waban ku ngay taw, ay au ay Dius.

Eremyas 11:8

Dewa katanya, kanya fagayu wa nadungugan ay wa nsalag ku nalong. Abat ngate, nafaning way at fakamaogatunun ay at fagmauriun. Ay nalong au sa anya fagayu te, faningi tua tam nasadian. Dewa katanya, kanya fagayu wa nafaning. Nu katanya, nafadasug au sa anya fagayu faurianan kata at marirukan sis nasadian.’ ”

Eremyas 26:13

Nu katanya, fabalii wan ay ngay ugali ay anggan nu mabanwan am, ay faningi tua ay Dius Yawi. Aroro nu nafakamulun tua ban am takatanya, Yawi ban wa gfataglayun nu gfaurianan ayu.

Eremyas 38:21

Dewa katanya, nu dway ban o gfababaun, katatuy Yawi at Mabalyanan at longan sa angku takadasug sa emu.

Eremyas 7:23

nu bunway, nasugu kyangay te, ‘Faningi angku, ay au wan ay Dius, ay am wan ku ngay taw. Banwani kata ku nalong ayu fag balyawvtan laman ban mabayan tua nu gbanwan am.’

Daniel 4:27

Nu katanya, mesug fag fun, dungugani ku ngay fangatulun sa emu: faragangi wan am fagmauriun, ay fakamuluni at matuyan ay afanyui at ngay tagidapan. Nu nafakamulun tua ban o takatanya fagayu, manabayan tua ban o gugat.”

Amus 5:4

Nu katanya, ngay taw Israel akbangi sa angku, laman ban gleleg tuam.

Amus 5:6

Use at ngay kasugfunanan, akbangi sa angku, laman ban gleleg tuam. Ay wayam kakbang, namamin kban ayu kata sik afuy nu girug. Nu katanya, umkamin ban furuan Betel at ngay taw ay we mafaragang ya.

Fakamulun 26:29

Pablu nabalus te, “Dewa katsi ay dewa ban ngaduge yay, gdarangin au sas Dius te, bundi ban nangus o lang at kumke fagafanudun kata angku, nu bunway anggan tua ban nangus fagayu tagdungugan angku katsi. Ay am ban nangus diam kaubung kata angku.”

2 Kurintu. 5:11

Dakngani saful wami te, masine nu gseg tua tam fia tam Fun, maksvn nu gugatan ami gfoyung sa sangay taw laman gafanud ban sa anya. Dius nasaful wan em kaugalian ay em fagsegun sumaful yangay am sabaliwa emi.

2 Kurintu. 5:20

Fakatanyaun ami wan tam Fun Isus at ngay fagsuguan, ay Dius wan tagaringang sa ayu siginan emi. Aroro sa tam Fun Isus glong ami ayu te, asadii wan sas Dius.

2 Kurintu. 6:1

Ami, taggubuk Dius at fakamulun, maksvn nu glong ami ayu te, lag am gfayud e tungkul Dius at nafon antam fag fagmagalangun.

Santiagu 1:22

Dangay am sik tagdungugan lang Dius at longan, nu bunway faningi tua. Aroro nu dway am gfaning, gdaya way am ay sadili.