Eremyas 38:2 - Fanawbuid tagsibaliwas Fakayabian

² ‘Nusnga sinu tagbanwan yay gugat sis furuan, umbul ban sas awayan ay fanlunus ay fakasaitun, dewa katanya, nusnga sinu ban at nafamababaun sa sangay taw Babilunya wa ban kabul, nu bunway kalangfe tua ban ay gleleg.’

Eremyas 38:2 ပူးပေါင်းရင်းမြစ်များ

Eremyas 21:4

‘Katatuy Yawi, Israel at Dius, at longan: Wa ban e fanambagun ay ngay famawayan laman namawayan am fun Nabukudunusur ay sat ngay tagfawayan at maligung si ayu. Nu katanya, namaful au anya fagayu ste swabilug furuan.

Eremyas 24:8

“Dewa katanya, gtuyan au te, Sedekya, Uda at fun anggan at ngay tagfangguna ay fagayu taw Israel at kinsawad sis Erusalem ay sis talun Igiptu te, kata way at madanan fag rawvg igus at yud kaon ya.

Eremyas 27:11

Dewa katanya, ngay talun at ngay taw tagfaning Babilunya at fun, si tua ban gugat at ngay mesa talun. Sanya way ban nu gbanwan ay gtanum sit mesa daga. Au, Yawi, taglong tuy.’ ”

Eremyas 27:13

Nu dway ban am nafaning anya, umbul ban am sas awayan, fanlunus, ay fakasaitun, kata Yawi at longan takadasug sa sangay talun at yud ban gfaning Babilunya at fun.

Eremyas 29:16

dewa katanya, katatuy ku longan sabaliwas fun tagsiginans Dabid at kasugfunanan ay sa ay kaiban at kinsawad sis Erusalem, at yud natabanan gasfuan ayu:

Eremyas 29:18

Anud, awayan ban ay fanlunus ay fakasaitun gfafalo anya fagayu, ay tiba bank fagfagtainanan gfalingun anya fagayu. Ay gaiyan kban anya fagayu sas nusnga nday fag talun, ay ngay taw ban gfauri, gfalingun, ay kadotama maksvn anya fagayu.

Eremyas 34:17

“Nu katanya, au, Yawi, glong au te, aroro wam nafaning angku ay wam nafalfas ay ngay fagsuguan ay ngay kaiban fag ngay taw Udyu, namalfas au ayu laman kabul am sas awayan, sas fanlunus ay sas fakasaitun. Ay namasik masuya au ayu sas fagayu fagfagtainanan at daga salubangan sas fagdaul daga.

Eremyas 39:18

Ay gfalangfe kban emu, ay di ban o kabul sas awayan. Umlangfe tua ban o aroro gafanud tuo sa angku. Au, Yawi, taglong tuy.’ ”

Eremyas 42:17

Fagayu ban takaylat namanwan sas talun Igiptu kabul ban sas awayan, sas fanlunus, ay sas fakasaitun. Ay nusnga sinu ban wa malangfe ya ay malagyu siginan ku fagnamadasugun fag faurianan.’

Eremyas 42:22

Nu katanya, katsi gfatuyanan au sa ayu te, kabul ban am sas awayan, sas fanlunus, ay sas fakasaitun sis talun Igiptu, ay nusnga nday ban nu gbanwan am.”

Eremyas 44:13

Gfaurianan au ayu siginans fanlunus ay fakasaitun ay awayan, kaduge am gbanwan sis Igiptu, kata nu nafaurianan au Erusalem.

Eremyas 45:5

Lag o grvbvy ya nusnge wain fag ramraman at mafanud. Aroro gfadasug kban faurianan sas fagayu taw, dewa katanya, gfalangfe ktua ban emu nusnga nday ban nu glao o. Au, Yawi, taglong tuy.’ ”

Esekyel 14:21

“Au, Fun Dius Yawi, glong au te, afanyuan ban furuan Erusalem gina kban nafadasug sa kafag ngay taw ku nalong fag ufatk faurianan: awayan, fanlunus, tagfangagat fag mela, ay fakasaitun. Aroro kanya ban fagayu at namabul kafag ngay taw gasfuan at ngay fagbaugun.

Esekyel 6:11

Sanya ginan, Yawi ku Fun nalong angku te, “Talaptapi am daluap ay talasi sas daga am darafa, aroro sa sangay taw Israel at nafakamulun mauri ay at masuya. Kanya wan at malong at fagnangabulun ban sas awayan, sas lunus ay sas fakasaitun.

Esekyel 7:15

Fagayu ban at naduksun siginans furuan daul umbul sas awayan, ay fagayu ban tagsisad furuan daul umbul sas fakasaitun ay sas fanlunus.